ROMA 6:3 - Bahasa Manggarai New Testament

³ Ai toé pecing le méu ko, te sanggéd ité ho’ot poli cebong le waé serani oné hi Kristus Yésus, poli neki-ca oné mata Diha?

ROMA 6:3 ပူးပေါင်းရင်းမြစ်များ

MATÉUS 28:19

Landing hitu ngom ga, pandé koé ciri ata nungku Dakus sanggéd ata agu cebong koé isé le méu, le ngasang de Ema, agu de Anak, agu de Nai Nggeluk,

TOMBO PÉTÉ GORI DE RASUL-RASUL 19:5

Du dengén lisé curup hitu, isé cebong oné ngasang de Mori Yésus.

TOMBO PÉTÉ GORI DE RASUL-RASUL 2:38

Walé li Pétrus agu isé: “Teserm ga, agu condo wekis te cebong oné ngasang de Mori Yésus Kristus kudut ampong ndékoks, ali hitu méu tiba nabit'N ngong Nai Nggeluk.

TOMBO PÉTÉ GORI DE RASUL-RASUL 8:16

Ai Nai Nggeluk toé di wa’u oné cengatan oné mai isé, ai isé hanang cebong oné ngasang de Mori Yésus.

ROMA 6:16

Asa toé baé le méu te méu condo wekis oné cengata ata ného mendi kudut lorong hia, méu te ciri mendi data hitum, agu paka lorong tu’ung le méu. Aram hitu ndékok te ba méu nggere-oné mata, ko hitu muing junggu te ba méu nggere-oné selamak?

ROMA 6:8

Jari, ai ité poli mata agu hi Kristus, imbi lité te ité mosé kolé agu Hia.

ROMA 7:1

Asa toé baé le méu, asé-ka’én, - ai aku tombo agu méut pecing wintuk – te wintuk hitu manga kuasan latang te ata rémé mosén?

1 KORINTUS 10:2

Kudut ciri ata lut hi Musa, sanggéd taung isé néhot poli cebongd oné rewung agu oné tacik hitu.

1 KORINTUS 12:13

Ai oné ca Nai Nggeluk, sanggéd taung ité, ata Yahudi ko ata Yunani, ata mendi ko ata toé mendi, ai poli cebong le waé serani ciri ca weki, agu sanggéd taung ité tiba inung oné-mai ca Nai Nggeluk.

1 KORINTUS 15:29

Émé toé nggituy, apa betuan latang te ata mata ata poli cebong le waé serani? Émé ata mata toé to’o kolés, co’o weli tara ngoéng te cebong le waé seranid?

1 KORINTUS 3:16

Toé baé le méu ko, te méu hitu mbaru de Mori Keraéngm agu Nai Nggeluk de Mori Keraéng ka’éng oné méuy?

1 KORINTUS 5:6

Toé di’an mésé nai de méu hitu. Toé néng baé le méu ko, koném cekoén kaut ragi maik ngancéng pandé bombong taung roti?

1 KORINTUS 6:19

Toé baé le méu ko, te sanggéd weki de méu ciri osang baté ka’éng de Nai Nggeluk ata poli tiba le méu oné-mai Mori Keraéng? Méu toé paéng de rus.

1 KORINTUS 6:9

Toé baé le méu ko, te ata situt toé agil, toé manga osangd oné adak de Mori Keraéng? Néka wéléng! Loma ata, io pina-naéng, ngoéng ata, ata rona ngoéng taud cama ata ronad,

1 KORINTUS 9:13

Toé pecing néng le méu ko, te isét keturu laing oné osang nggeluk, tiba moséd oné-mai osang nggeluk hitu, agu isét keturu laing lobo compang takung, tiba moséd oné-mai compang takung hitu.

1 KORINTUS 9:24

Toé pecing le méu ko, te oné osang rié sanggén ata lut rié, maik hanang cengata kanang ata tiba koso-nolakn? Landing hitu rié tu’ung-kéta kudut tiba le méu koso nolak hitu!

2 KORINTUS 13:5

Damang koé weki rus, asa méu cedek kis oné imbi ko? Maring koé wekis! Asa méu toé imbi te hi Kristus Yésus manga oné weki de méu? Ai émé toé nenggitu, méu toé ta’ong damang.

GALATIA 3:27

Ai sanggés taung méut cebong le ngasang di Kristus, poli tiba ba weki di Kristus.

JAMES 4:4

Oé méut ata toé junggu! Toé pecing le méu ko, te haé reba agu belek de lino pandé bali agu Mori Keraéng? Jari, céing kaut ata pandé haé reba agu lino ho’o, hia hitu te ciri bali de Mori Keraéng.

1 PETRUS 3:21

Nenggitu kolé rapangn méu te ho’on, tiba selamakm ali cebong le waé serani. Waé serani hitu, toé kudut pandé nggélok saki de weki, maik kudut tegi nai bakok oné-mai Mori Keraéng, ai Mori Yésus Kristus poli mosé koléN oné-mai mata.