ROMA 5:9 - Bahasa Manggarai New Testament

⁹ Céwén kolé, ai ité ho’o ga poli tiba le Mori Keraéng le dara di Kristus, ité toét-toé selamak lut Hia oné mai rabo de Mori Keraéng.

ROMA 5:9 ပူးပေါင်းရင်းမြစ်များ

YOHANÉS 5:24

Aku taé agu méu: ata tu’ungn kéta, céing ata séngét tombo Daku, agu imbi Hia hitut wuat Aku, hia haéng mosé tédéng lén, agu toé manga kolé wahéng tédéng lén, ai hia poli hésing oné mai matan nggere-oné mosé.

ROMA 1:18

Ai rabo de Mori Keraéng toto éta mai Surgan ali sala de manusia, ata pandé rempé toing molor ali rani molé.

ROMA 5:1

Landing hitu ité ho’ot tiba le Mori Keraéng ali imbi, mosé oné hambor-meler agu Hia, lut Mori dité, Yésus Kristus.

ROMA 5:10

Ai émé ité du lari toé di’a taud agu Mori Keraéng, pandé hambor agu Hia lut rowa de Anak Diha, céwén kéta te ho’on du ité poli hambor agu Mori Keraéng, toét-toé selamakt ali mosé Diha!

ROMA 8:1

Landing hitu te ho’on toé kéta manga wahéng latang te isét neki ca agu hi Kristus Yésus.

ROMA 8:30

Isét poli petok Liha du wangkan isé situ kolé ata bénta Diha. Isét bénta Diha, isé situ kolé ata tibad Liha. Isét tibad Liha, isé situ kolé ata pandé mengits Liha.

ÉFÉSUS 2:13

Maik te ho’on ga, méu poli nai ca anggit agu hi Kristus Yésus hiot danong “tadang”, poli cirik “ruis” landing le mata Diha oné haju panggol.

ÉFÉSUS 2:3

Bo danong sanggéd taung ité cama kolé ného isé. Du hitu mosé dité lut kaut belek da’at de weki agu nai dité. Ce-tu’ungn ité du hitu hena le rabo de Mori Keraéng cama ného ata bana situ.

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

IBRANI 9:22

Lorong Adak Taurat sanggéd caoca pandé nggeluk le daras. Ai émé toé hélang le dara, toé manga kolé ampong ndékok.

1 YOHANÉS 1:7

Maik émé ité mosé oné gérak cama ného Mori Keraéng ka’éng oné gérak, ité te ulu-pukul agu haé-ata agu sanggéd ndékok dité koso taungs le Dara de Mori Yésus, AnakN.