ROMA 5:2 - Bahasa Manggarai New Testament

² Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

ROMA 5:2 ပူးပေါင်းရင်းမြစ်များ

MATÉUS 25:21

Mai taé de morin ngong hia: Di’a tu’ung pandé de hau, oé mendi daku ata di’a, ata junggu, hau junggum oné wintuk koé, aku te téing hau cau taé ata mésén. Maih, ngo boné agu cama laing oné mosé di’a de morim.

YOHANÉS 10:7

Te cangkalin kolé taé de Mori Yésus: “Aku taé agu méu, moro matan, Akuy parad jimbal situ.

YOHANÉS 10:9

Aku ho’o cama ného para; Céing ata ngo lut Akuy onén, hia te mo’éngy, agu hia te nggere-oné-nggere-pé’angy te kawé remang oné satar.

YOHANÉS 14:6

Mai walé de Mori Yésus agu hia: “Akuy dé salang, agu molor agu mosé! Toé kéta cengatan ata ngancéng ngo oné hi Ema, émé hia toé palé Akuy.

YOHANÉS 5:24

Aku taé agu méu: ata tu’ungn kéta, céing ata séngét tombo Daku, agu imbi Hia hitut wuat Aku, hia haéng mosé tédéng lén, agu toé manga kolé wahéng tédéng lén, ai hia poli hésing oné mai matan nggere-oné mosé.

TOMBO PÉTÉ GORI DE RASUL-RASUL 14:27

Du caid nitu, isé bénta taung weki serani kudut nempung. Itu kali tombo taung sanggéd cao-ca situt pandé le Mori Keraéng lut isé, agu Hia poli céngka para latang te wa’u bana nggere-oné imbi.

ROMA 11:20

Di’ab ga! Isé ndapus ali toé imbi, maik méu cedek kis ali imbi. Néka mésé-nai, maik rantang koém!

ROMA 12:12

Nakam ga landing le bengkes, lembak koém du kélo agu seber koém oné ngaji!

ROMA 14:4

Céing kéta hau, wiga hau mbéis mendi data bana? Koném hesé ko pa’u hia, hitu wintuk de mori run. Agu tu’ung hia té hesé kin, ai le kuasa de Mori Keraéng te hia ngancéng hesé kin.

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

ROMA 3:23

Ai sanggéd ata poli pandé ndékok agu pandé mora mengit de Mori Keraéng,

ROMA 5:5

Agu bengkes toé manga majan, ai momang de Mori Keraéng poli téi oné nai dité le Nai Nggeluk hitut poli patin oné ité.

ROMA 8:1

Landing hitu te ho’on toé kéta manga wahéng latang te isét neki ca agu hi Kristus Yésus.

ROMA 8:24

Ai le bengkes ité tiba selamakt. Maik bengkes ata poli itan lité, toé kolég bengkes ngasangn, ai co’o ata ngancéng bengkes kin latang te apa ata poli ita dihan?

1 KORINTUS 15:1

Asé-ka’én, ngoéng daku kudut nuk koé le méu latang te Keréba Di’a ho’ot wéro daku oné méu, agu hiot tiba le méu, wiga méu toé hésot kolé oné imbis.

2 KORINTUS 3:18

Sanggéd taung ité ho’o toé manga rédung rangad, ai sereméng mengit de Mori Keraéng. Mengit hitu mai oné mai Mori Keraéng, itu tara ité rémé célungd te ciri cama agu gambar Diha, oné mengit hitut tambang mésén.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

ÉFÉSUS 2:18

Lut hi Yésus Kristus, Nai Nggeluk pandé ruis agu Mori Keraéng Ema sanggéd ité ata Yahudi ko ata toé Yahudi.

ÉFÉSUS 3:12

Ali imbi agu nai ca anggit oné hi Kristus, ité ndong te nia ngoéngd ngo oné Mori Keraéng déméng agu mésé imbid.

ÉFÉSUS 6:13

Landing hitu, papé taungs sanggéd harat de Mori Keraéng, kudut méu ngancéng dungkang oné leso da’at hitu, wiga ngancéng ta’ang sanggéd purak data bali.

2 TÉSALONIKA 2:16

Mori dité hi Yésus Kristus, agu Mori Keraéng Ema dité, poli toto momang oné ité le tabing lémbu agu bengkes tédéng lén.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.

WIDANG SI’ANG ONÉ HI YOHANÉS 21:11

Béndar nggeluk hitu penong ali mengit de Mori Keraéng, agu néran cama ného luju hiot manik kéta, ného luju yaspis ata cino mana watu nggireng.

WIDANG SI’ANG ONÉ HI YOHANÉS 21:23

Béndar hitu toé manga sékék mata leson agu wulang latang te néran, ai mengit de Mori Keraéng pandé néran agu Anak Jimbal hitu luing lampun.

WIDANG SI’ANG ONÉ HI YOHANÉS 21:3

Itug kali dengén laku reweng ata getas kéta oné-mai seriga hitu, “Lélo dé, ndéi de Mori Keraéng manga oné beréha manusia, agu Hia kudut ka’éng cama agu iséY. Isé te ciri ro’éng Diha, agu weki run Hia te loréng isé, agu ciri Mori Keraéng diséy.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.