WIDANG SI’ANG ONÉ HI YOHANÉS 8:7 - Bahasa Manggarai New Testament

⁷ Du tebangn terompét le malékat hitut laring cain, rodo wéwéngs usang bua agu api ata halok le daray nggere-cé’é lino. Og kali muntung pati laing telus lino agu haju, agu ngkewus taungs sanggéd remang ta’a.

WIDANG SI’ANG ONÉ HI YOHANÉS 8:7 ပူးပေါင်းရင်းမြစ်များ

JAMES 1:11

Du parn mata leso hitut ceres kéta kolangn, méloy ga remang hitu, loda taungs wélan agu mora taungs manikn. Nenggitu kolé dé wada data bora, te mora-meresy oné be réha sanggéd rébokn.

1 PETRUS 1:24

Ai manga tulis oné Surak Nggeluk: “Sanggéd manusia cama ného remangs, sanggéd mbasakn cama ného wéla remangs. Mélos remang, lodas wélan.

WIDANG SI’ANG ONÉ HI YOHANÉS 12:4

Le ikon sorok pati telus ntala éta awang agu péncars liha nggere-wa tana lino. Itu kali hesén manunggé hitu bolo-mai iné-wai hitut kudut loas, jengkek te omet muing Anakn du poli loasn.

WIDANG SI’ANG ONÉ HI YOHANÉS 16:2

Og ngon Malékat hitut laring cain agu cok liha ici pialan nggere-oné lino. Itug kali tuad wicul ata pandé copél laing oné sanggéd ata situt manga palas de kaka hitu agu isét suju patungn.

WIDANG SI’ANG ONÉ HI YOHANÉS 16:21

Usang bua ata mendon néténg weras anggatn lima-mpulu kilo, pa’u éta-mai awang rempé sanggén ata. Og kali manusia situ loér Mori Keraéngs, soho mésén kéta copél le usang bua hitu.

WIDANG SI’ANG ONÉ HI YOHANÉS 6:8

Ita laku ga, manga kolé ca kéta jarang ta’a agu léros wulun. Hiat létin ngasangn hi Mata, tana adakn lut hia kin. Latangt isé, téing pati pat lino te kuasad, kudut mbelé ali keléwang, ali darem, ali dod beti mésé agu ali sanggéd kaka rani oné lino.

WIDANG SI’ANG ONÉ HI YOHANÉS 7:1

Poli hitu, ita laku patd malékat hesé oné patd bincung de lino. Isé caka pat buru de lino, kudut néka manga ata solok oné tana masa, oné tacik ko oné sanggéd haju.

WIDANG SI’ANG ONÉ HI YOHANÉS 9:15

Itug kali legod malékat pat situ. Isé poli ambid latang te jam, leso, wulang agu ntaung kudut mbelé pati laing telus sanggéd manusia.

WIDANG SI’ANG ONÉ HI YOHANÉS 9:18

Le telu copél so’o, ngong api, nus agu mburé ata losa oné-mai mu’u de jarang situ, mbelé pati laing telus sanggéd manusia oné lino.

WIDANG SI’ANG ONÉ HI YOHANÉS 9:4

Pusu situ ré’ings te pandé rowak sanggéd remang ko pu’u haju ko sanggéd po’ong cabana. Isé akit kaut manusia ata toé di palas le cap de Mori Keraéng oné sa’i galad.