WIDANG SI’ANG ONÉ HI YOHANÉS 7:14 - Bahasa Manggarai New Testament

¹⁴ Walé daku, “Mori, ité ata pecingn.” Itu kali mai taé diha agu aku, “Ho’os ata siot poli célad oné-mai susa mésé. Isé poli wewas jubad le dara de Anak Jimbal kudut ciri bakok.

WIDANG SI’ANG ONÉ HI YOHANÉS 7:14 ပူးပေါင်းရင်းမြစ်များ

MATÉUS 24:21

Ai du hitu te manga wahéng mésé ata toé dé’it mangay pu’ung du mangan lino ho’o, dengkir te ho’on agu hitut toé manga koléy.

MARKUS 13:19

Ai du hitu te cai némba mésé ata toé manga dé’it pu’ung du wangkan lino, ata dédék le Mori Keraéng, dengkir te ho’on agu toég manga kolé poli hitu.

YOHANÉS 16:33

Sanggéd situ taé Laku agu méu, kudut méu delék hambor agu meler oné Aku. Oné lino ho’o méu cukung kélo-balém, maik mberes koé nais, Aku poli pandé kodan lino ho’o.”

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

ROMA 5:3

Toé hanang hitu kanang. Ité kolé ngot go’as oné singsara dité, ai pecing lité te singsara hitu pandé alus nai,

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

2 TÉSALONIKA 1:4

Hitu comongn, tara tombo mtaung méu lami du ngo la’at asé-kaé ca imbi oné béndar bana. Cang agu mombong rakg ami tombo méu, co’o méu metek kis imbis oné Mori Yésus koném po hena le wahéng ko ta’ong susa.

IBRANI 13:12

Itu dé tara Mori Yésus kolé, mata be pé’ang-mai lewang bendar kudut pandé nggeluk ro’éng Diha ali dara de weki Run.

IBRANI 9:14

Céwén kolé dara di Kristus! Lut Nai Nggeluk hitut tédéng lén, hi Kristus poli takung weki run oné Mori Keraéng, ného takung ata toé manga celan. Dara Diha te pandé nggeluk ici nai dité oné-mai sanggéd pandé ata toé manga betuad, kudut ité ngancéng ngaji oné Mori Keraéng hitut mosé.

1 PETRUS 1:19

Mori Keraéng sambé méu ali dara ata wegit kétay, ngong dara di Kristus ata cama ného dara de anak jimbal hitut toé manga maja agu celan.

1 YOHANÉS 1:7

Maik émé ité mosé oné gérak cama ného Mori Keraéng ka’éng oné gérak, ité te ulu-pukul agu haé-ata agu sanggéd ndékok dité koso taungs le Dara de Mori Yésus, AnakN.

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

WIDANG SI’ANG ONÉ HI YOHANÉS 12:11

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.

WIDANG SI’ANG ONÉ HI YOHANÉS 15:2

Ita kolé laku cao-ca ného tacik sereméng halok le api. Oné lupi tacik sereméng hitu, hesés sanggéd ata situt poli ontong dungkang kaka situ agu patungd agu angka ngasangn. Isé cau kecapi ata téing de Mori Keraéng.

WIDANG SI’ANG ONÉ HI YOHANÉS 17:6

Ita laku iné-wai hitu, langu le dara de weki serani agu dara datat mata landing le téing sakasi latangt Mori Yésus. Du itan laku iné-wai hitu, lenget kétak aku.

WIDANG SI’ANG ONÉ HI YOHANÉS 2:9

Pecing laku susa agu lénggé de méu, maik bora kis méu. Pecing kolé laku sanggéd pocu latang te méu oné-mai isét caro weki rud ata Yahudi, kalim po toé. Ai isé situ ro’éng de jing da’ats.

WIDANG SI’ANG ONÉ HI YOHANÉS 22:14

Mosé di’a isét wewas jubad, ai isé patun te hang sanggéd wua haju situt téing mosé agu ocok lut sanggéd lewang nggere-oné béndar hitu.

WIDANG SI’ANG ONÉ HI YOHANÉS 5:9

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.

WIDANG SI’ANG ONÉ HI YOHANÉS 7:9

Poli hitu ita laku: monggur-kouk kétas lawa oné mai néténg wa’u, panga, uku agu curup hesé bolo-mai seriga agu bolo-mai ranga de Anak Jimbal. Sanggéd taung isé paké juba bakoks agu oné liméd cau saung cigir.