WIDANG SI’ANG ONÉ HI YOHANÉS 7:10 - Bahasa Manggarai New Testament

¹⁰ Ali reweng hitut télés kéta, mai taéd, “Selamak dité hanang oné-mai Mori Keraéng ata lonto éta seriga, agu oné-mai Anak Jimbal!”

WIDANG SI’ANG ONÉ HI YOHANÉS 7:10 ပူးပေါင်းရင်းမြစ်များ

LUKAS 3:6

agu sanggéd ata té ita selamak hitut oné mai Mori Keraéng.”

YOHANÉS 1:29

Ného diangn ga hi Yohanés ita main Mori Yésus mai nggere- cé’é hiay, agu mai taén: “Lélo ga Anak Jimbal de Mori Keraéng, ata koso ndékok de lino.

YOHANÉS 1:36

Agu du ita liha lakon Mori Yésus, mai taé diha: “Lélo ga, hio dé Anak Jimbal de Mori Keraéng!”

YOHANÉS 4:22

Méu suju apa ata toé baé le méu, ami suju apa ata baé lamin, ai selamak tua oné mai wa’u Yahudin.

ÉFÉSUS 2:8

Woko méu imbi oné hi Yésus Kristus, itu tara momang agu pandé selamaks méu le Mori Keraéng.

WIDANG SI’ANG ONÉ HI YOHANÉS 12:10

Itu kali dengén laku reweng ata télés kétay éta-mai Surga, “Ho’og cain selamak de Mori Keraéng latangt ro’éngN! Ho’og toton kuasa de Mori Keraéng Raja dité, agu kuasa di Kristus hitut poli rekéN. Ai Jing da’at, hia hitut wié-leson mboték asé-ka’é ca imbi dité bolo-mai ranga de Mori Keraéng, polig wurd oné-mai osang Surga.

WIDANG SI’ANG ONÉ HI YOHANÉS 19:1

Poli hitu dengé laku raos kéta reweng de lawa do éta Surga, “Aleluya! Selamak, mengit agu kuasa manga oné Mori Keraéng dité.

WIDANG SI’ANG ONÉ HI YOHANÉS 21:5

Mai taé de Mori Keraéng hitut lonto bétan seriga, “Lélo dé, te ho’on Aku pandé sanggéd cao-ca te ciri weru!” Mai kolé taén oné aku, “Tulis ga, ai sanggéd curup so’o molord agu ngancéng imbi laings.”

WIDANG SI’ANG ONÉ HI YOHANÉS 22:3

Oné béndar hitu toég manga kolé ata mawang le Mori Keraéng. Seriga de Mori Keraéng agu seriga de Anak Jimbal, te mangay bonén béndar hitu, agu sanggéd mendi Diha te ngaji agu io Hias.

WIDANG SI’ANG ONÉ HI YOHANÉS 4:6

Oné dungka seriga hitu, manga ita cao-ca ata ného tacik sereméng ata cino kétay cama ného watu nggireng. Baling-mai seriga hitu, oné pat bincungn, manga patd kaka, lanar mata bolo-mai agu bemusi mai.

WIDANG SI’ANG ONÉ HI YOHANÉS 5:7

Itug kali main Anak Jimbal hitu te tiba surak hitu oné-mai limé wanang Diha hitut lonto éta seriga.