WIDANG SI’ANG ONÉ HI YOHANÉS 5:9 - Bahasa Manggarai New Testament

⁹ Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.

WIDANG SI’ANG ONÉ HI YOHANÉS 5:9 ပူးပေါင်းရင်းမြစ်များ

MATÉUS 20:28

cama ného Anak Manusia, mai toé kudut te tiba keturu, maik latang te gori keturuy agu téing mosén, te sambé latang te ata do.”

MATÉUS 26:28

Ai ho’o dé dara Daku, dara baté reké ata bowo latang té ata do kudut ampong ndékokd.

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

1 KORINTUS 6:20

Ai méu poli welis agu poli bajar taungs le Mori Keraéng: Landing hitu bong koé Mori Keraéng le weki de méu!

1 KORINTUS 7:23

Méu poli welis agu poli taung bajars le Mori Keraéng. Landing hitu, méu néka ciri mendi de manusiam.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

ÉFÉSUS 5:19

Papé le méu mazmur oné tombo cama taus, rengguk déré naring Mori Keraéng mai wa-mai nain.

KOLOSÉ 1:14

Le AnakN hitu pandé céla ite; betuan, ngong sangged ndékok dité poli taungs ampongd .

KOLOSÉ 1:23

Landing hitu méu paka seber oné imbis, kong kis mberes agu toé gégom agu néka lorong le méu kudut hésing oné-mai bengkes de Keréba Di’a, hitut poli dengé de méu agu hitut poli keréban oné temu tana lino agu aku ho’o hi Paulus poli ciri ata keturu laing.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 11:14

Isé situt curup nenggitu, te toto mésén kembung kawé tana kuni agu kalo.

2 PÉTRUS 2:1

Danong, oné bahi-réha ro’éng de Mori Keraéng manga nabi tangké. Nenggitu kolé te ho’on, oné bahi-réha méu manga guru tangké. Isé ba toing te pandé wéléng agu pandé ampus. Ngot isé te pali hiat Cau Kuasa hitut poli sambé isé. Ali hitu, isé ba ampus latang te weki rud.

1 YOHANÉS 1:7

Maik émé ité mosé oné gérak cama ného Mori Keraéng ka’éng oné gérak, ité te ulu-pukul agu haé-ata agu sanggéd ndékok dité koso taungs le Dara de Mori Yésus, AnakN.

1 YOHANÉS 2:2

Hia te koso sanggéd ndékok dité, ngot toé hanang ndékok dité kanang, maik sanggéd ndékok oné temu tana lino.

WIDANG SI’ANG ONÉ HI YOHANÉS 10:11

Mai jera diha oné aku, “Hau paka wéro kolé pedé nanéng de Mori Keraéng oné sanggéd wa’u, uku, curup agu oné sanggéd raja.”

WIDANG SI’ANG ONÉ HI YOHANÉS 11:9

Sanggéd wa’u, panga, uku agu curup te ita rapu situ tédéng telu agu beréhan leso, ré’ing te néka boaks rapu situ.

WIDANG SI’ANG ONÉ HI YOHANÉS 13:7

Kaka hitu kolé tiba kuasa te lawang agu pandé kodas sanggéd ro’eng de Mori Keraéng. Tiba kolé liha kuasa te perénta sanggéd wa’u, tana, curup agu uku.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 14:6

Itug kali itan laku cengata malékat bana lélap éta awangy. Malékat hitu wéwa Keréba Di’a tédéng lén latangt sanggén ata oné lino, ngong te sanggén wa’u, uku, tana agu curup.

WIDANG SI’ANG ONÉ HI YOHANÉS 15:3

Itu kali étan lise déré de Anak Jimbal agu déré di Musa, mendi de Mori Keraéng hitu. Nggo’oy icin déré hitu: “Mésé agu lenget laing sanggéd gori Dité yo Mori, Mori Keraéng Ata Pu’un kuasa! Agil agu molor sanggéd salang Dité, yo Raja de sanggéd wa’u!

WIDANG SI’ANG ONÉ HI YOHANÉS 17:15

Mai kolé taé de malékat hitu, “Sanggéd waé situt poli itad le hau, ata lonto le iné-wai mbérong hitu, ngong sanggéd wa’u, uku, ro’éng, tana agu curup.

WIDANG SI’ANG ONÉ HI YOHANÉS 4:11

“Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”

WIDANG SI’ANG ONÉ HI YOHANÉS 5:12

agu télés kéta déréd, “Anak Jimbal hitut poli mbelé patun te tiba kuasa, bora, nggalas, mberes, hiang, mengit, agu sanggéd naring!”

WIDANG SI’ANG ONÉ HI YOHANÉS 5:6

Itug kali ita laku ca Anak Jimbal hesé oné bahi-réha seriga hitut léok le patd kaka agu sanggéd tu’a. Anak Jimbal hitu lélon laku néhot poli mbelén, pitud ranggan agu pitud kolé matan: Hitus pitud nai de Mori Keraéng ata poli wuat nggere-oné temu tana lino.