WIDANG SI’ANG ONÉ HI YOHANÉS 4:11 - Bahasa Manggarai New Testament

¹¹ “Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”

WIDANG SI’ANG ONÉ HI YOHANÉS 4:11 ပူးပေါင်းရင်းမြစ်များ

TOMBO PÉTÉ GORI DE RASUL-RASUL 14:15

“Oé asé-ka’én, co’o tara pandé nenggitus méu?” Ami ho’o manusia bogm, cama ného méu. Tara manga cé’é ho’og ami, kudut ba Keréba Di’a latang te méu, kudut okés le méu pandé pina-naéng so’o agu holés nggere-oné Mori Keraéng hitut mosé, ata poli dédék awang agu lino, tacik agu sanggéd icin.

TOMBO PÉTÉ GORI DE RASUL-RASUL 17:24

Mori Keraéng poli dédék lino ho’o agu sanggéd icin. Hia hitut Mori de awang agu lino, toé ka’éng oné mbaru ata pandé le limé de manusiay.

ROMA 11:36

Ai sanggéd cao-ca oné mai Hiad, ali Hia, agu latang te Hia. Naring ga Hia dengkir tain! Amén.

ÉFÉSUS 3:9

Ca salangn kolé, kudut létang laing aku te baé taung lata, co’oy Mori Keraéng hitut dédék tanan wa béangn éta pandé cai olos nanéngN ata pu’ung danong main cehas Liha latang te lino ho’o.

IBRANI 1:10

TaéN kolé: “Yo Mori, du wangkan Ité poli dédék tanan wa agu awangn éta.

IBRANI 1:2

Maik du turung cemoln ho’o, Hia curup agu ité lut AnakN, ata poli letin Liha ciri ata mbaté sanggéd cao-ca. Lut Hia Mori Keraéng poli dédék tanan-wa agu awangn éta.

WIDANG SI’ANG ONÉ HI YOHANÉS 1:6

Hia kolé poli wintuk ité ciri ca wa’u latang te imam kanang, te gori keturu latang te Mori Keraéng, Ema Diha. Latang te Hiay mengit agu kuasa dengkir lén. Amén.

WIDANG SI’ANG ONÉ HI YOHANÉS 10:6

Hia sumpay landing le Mori Keraéng hitut mosé tédéng lén, ata poli dédék awang, tana, tacik, agu sanggéd icin boné. Mai wadan, “Toé manga rémpé-rémpé kolé ga!

WIDANG SI’ANG ONÉ HI YOHANÉS 14:7

Hia curup agu reweng mésén, “Hiang ga agu bong Mori Keraéng, ai ho’og leson te toto beté-bicarN. Mai ga, te io agu suju Hia ata poli dédék tanan wa agu béangn éta, tacik agu sanggéd ulu waé.”

WIDANG SI’ANG ONÉ HI YOHANÉS 19:1

Poli hitu dengé laku raos kéta reweng de lawa do éta Surga, “Aleluya! Selamak, mengit agu kuasa manga oné Mori Keraéng dité.

WIDANG SI’ANG ONÉ HI YOHANÉS 5:12

agu télés kéta déréd, “Anak Jimbal hitut poli mbelé patun te tiba kuasa, bora, nggalas, mberes, hiang, mengit, agu sanggéd naring!”

WIDANG SI’ANG ONÉ HI YOHANÉS 5:2

Ita kolé laku cengata malekat ata gala kétay, agu télés kéta rewengn, “Céing ata patun te nggé’i sanggéd roku situ kudut surak hitu ngancéng céngkan?”

WIDANG SI’ANG ONÉ HI YOHANÉS 5:9

Étan lisé ca déré weru: “Ité patun te tiba surak hitu agu nggé’i sanggéd rokun; ai Ité poli mbeléd. Ali dara Dité, poli weli sanggéd manusia oné-mai néténg-néténg panga, curup, wa’u agu ro’éng do latang te Mori Keraéng.