WIDANG SI’ANG ONÉ HI YOHANÉS 3:14 - Bahasa Manggarai New Testament

¹⁴ “Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.

WIDANG SI’ANG ONÉ HI YOHANÉS 3:14 ပူးပေါင်းရင်းမြစ်များ

YOHANÉS 1:3

Sanggéd ménan dédék Lihas agu émé toé manga Hia toé kéta manga can ata mangan, oné mai sanggéd so’ot poli dédékd.

YOHANÉS 8:14

Mai walé de Mori Yésus ngong isé, taéN: “Alim po Aku tombo sakasi latang te weki Rug, maik sakasi Daku hitu molorn, ai pecing le Rug, nia maig Aku maig, agu nggere-niak Aku ngog.

2 KORINTUS 1:20

Ai hi Kristus hitu ngong walé “éng” de Mori Keraéng latang te sanggéd reké’N. Landing le Kristus hitu, itu tara mangan taé “Amén” lité te bong Mori Keraéng.

KOLOSÉ 1:15

Hiay gambar de Mori Keraéng ata toé ita le matay, ata ngaso, céwé lando oné-mai sanggéd ata poli dédék.

KOLOSÉ 1:18

Hiay sa’i de weki, ngong ata serani. Hiay ata ngaso, ata laring cain to’o kolé oné-mai ata mata, wiga Hia muing ata céwé landon oné-mai sanggén cao-ca.

KOLOSÉ 2:1

Ai ngoéng daku, kudut pecing le méu: mendon kéta tili-mpoét daku latang te méu agu latang te isét oné Laodikia agu latang te sanggén taung, siot toéd pecing tu’ung akus.

KOLOSÉ 4:16

Émé poli bacangn surak ho’o oné bahi-réha méu, gejur koém kudut bacang koléy oné weki serani Laodikia agu surak latang te isét Laodikia ngancéng bacang kolé oné méuy.

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

WIDANG SI’ANG ONÉ HI YOHANÉS 19:11

Itug kali itan laku céngkay para Surga. Manga ca jarang jampi agu Hiat létin, ngasangn: “Ata Junggu agu Molor.” Hia agiln oné beté-bicar agu oné rampas.

WIDANG SI’ANG ONÉ HI YOHANÉS 2:1

“Tulis koé latang te malékat de weki serani oné Éfésus: Ho’oy curup Diha, ata cau pitu ntala situ oné limé wanangN agu lako oné beréha pitu wa’i lampu emas situ.

WIDANG SI’ANG ONÉ HI YOHANÉS 21:6

Ce duangn kolé curupN, “Sanggéd taung, polig jarid. Akuy dé Alfa agu Oméga, Du Wangkan agu Du Cemoln. Ata masa waé, téing bod kaut laku te inung oné-mai ulu waé mosé.

WIDANG SI’ANG ONÉ HI YOHANÉS 22:13

Akuy dé Alfa agu Oméga, Du Wangkan agu Du Cemoln.”

WIDANG SI’ANG ONÉ HI YOHANÉS 22:6

Mai taé de malékat hitu oné aku, “Sanggéd curup so’o molord agu ngancéng imbi laings. Mori Keraéng ata téing Nai NggelukN oné sanggéd nabi, poli wuat malékatN kudut toi oné sanggéd mendi Diha apa ata paka gélang jari laing.”

WIDANG SI’ANG ONÉ HI YOHANÉS 3:7

“Tulis koé latang te malékat de weki serani oné Filadélfia: Ho’oy pede oné-mai Hiat Nggeluk, Hiat Molor ata cau kunci de Raja Daud. émé céngka Liha toé manga ata ngancéng tadun; émé tadu Liha, toé kolé manga ata ngancéng céngkan.