WIDANG SI’ANG ONÉ HI YOHANÉS 3:10 - Bahasa Manggarai New Testament

¹⁰ Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.

WIDANG SI’ANG ONÉ HI YOHANÉS 3:10 ပူးပေါင်းရင်းမြစ်များ

MATÉUS 24:14

Agu keréba di’a de Adak ho’o kudut te keréba oné temu tana linoy kudut sabin latang te sanggén uku, poli hitu itu pong caiy cemol.”

MATÉUS 26:41

Ambi-ambi agu ngaji koém, rantang pa’u oné damangm: ai bo kali nais sundurn, landing weki les-lémbek.”

MATÉUS 6:13

néka dadé ami nggeroné damang, Maik tadang koé sanggéd da’at. [Ai Ité Morin perénta agu kuasa agu bong dengkir lén. Amén.]

MARKUS 14:9

Aku taé agu méu: Nia-nia kaut wan wéron Keréba Di’a oné temu tana lino, apa ata pandé diha ho’o, kudut caro koléy latang te nuk hia.”

LUKAS 2:1

Du hitu Kaisér Agustus téi ca perénta, jera bilang taungs ata temu tana lino.

YOHANÉS 17:6

Aku poli toi ngasang Dité oné sanggéd ata situt téing Lités agu Aku oné mai lino ho’o. Isé situ, Dités morid, agu Ité poli téing isé oné Aku, agu isé lut tu’ung curup Dités.

ROMA 1:8

Laring cain kéta aku wali di’a oné Mori Keraéng daku, le Yésus Kristus latang te sanggés méu, ai poli wéro-émbon keréba latang te imbi de méu oné temu tana lino.

1 KORINTUS 10:13

Sanggéd damang situt poli manté de méu poli mantéd kolé lata do. Ai Mori Keraéng junggu kin, agu ali hitu Hia toé ondang méu te damang be pé’ang oné-mai mberes de méu. Du hena le damangs méu, Hia kudut téi anor méu, wiga méu ngancéng tanggongn damang hitu.

ÉFÉSUS 6:13

Landing hitu, papé taungs sanggéd harat de Mori Keraéng, kudut méu ngancéng dungkang oné leso da’at hitu, wiga ngancéng ta’ang sanggéd purak data bali.

2 TIMOTIUS 2:12

émé ité seberd, ité kolé te perénta cama-cama agu Hiat; émé ité pali Hiat, Hia kolé te pali itéy;

JAMES 3:12

Asé-ka’é daku, ngancéng néng ca pu’u ara cir wua zaitun, ko ca pu’u anggor cir wua aray? Nenggitu kolé mata waé cerak toé ngancéng pé’ang waé belé.

1 PETRUS 4:12

Asé ka’én ata momang laku! Te ho’on ga leng kéta mésén ta’ong susa de méu, ai rémé hena le damangs. Maik néka lenget laing, néhot toé kéta cung damang hitu.

2 PÉTRUS 2:9

Jari, Mori Keraéng pecing te cépé sanggéd ata nggeluk oné-mai damang agu na’a sanggéd ata da’at kudut wahéngs du leso beté-bicar.

WIDANG SI’ANG ONÉ HI YOHANÉS 1:9

Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

WIDANG SI’ANG ONÉ HI YOHANÉS 11:10

Isét ngai ka’éng oné lino cembes kéta naid, woko matas sua saka-si situ. Isé pandé ramé agu katu taud koso nolak, ai sua nabi situ poli ba do wahéng latang te sanggén ata oné lino.

WIDANG SI’ANG ONÉ HI YOHANÉS 13:10

Céing ata poli wérét te dekong, hia te dekongy; céing ata poli wérét te mbelé le sempilangy, toét toé hia hitu paka mbelé le sempilangy. Landing hitu ata sékékn kéta latang te weki serani, paka imbi agu alus nai.

WIDANG SI’ANG ONÉ HI YOHANÉS 13:14

Hia pandé wéléng isét ka’éng oné lino le tanda lenget hitut sendos te pandé liha bolo-mai ranga de kaka hitut laring cain. Sanggéd isé, jeras liha te hesé ca patung ata taran ného kaka hitut poli réu ali sempilang, maik ngai mosé kin. Patung hitu paka io agu suju lisé.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 14:12

Ata sékékn ho’o ga, alus-nai de sanggéd weki serani ata lorong perénta de Mori Keraéng agu imbi oné hi Yésus Kristus.

WIDANG SI’ANG ONÉ HI YOHANÉS 14:6

Itug kali itan laku cengata malékat bana lélap éta awangy. Malékat hitu wéwa Keréba Di’a tédéng lén latangt sanggén ata oné lino, ngong te sanggén wa’u, uku, tana agu curup.

WIDANG SI’ANG ONÉ HI YOHANÉS 16:14

Hitus dé jing da’at ata pandé tanda lenget. Isé ngo cumang sanggéd raja oné temu tana lino, kudut wikit te cama laing rampas oné leso mésé, ngong leso de Mori Keraéng Ata Pu’un kuasa.

WIDANG SI’ANG ONÉ HI YOHANÉS 17:2

Sanggét raja oné lino poli loma agu hiad, agu sanggéd ata oné lino poli langud taung le anggor loma diha.”

WIDANG SI’ANG ONÉ HI YOHANÉS 17:8

Kaka hitut ita le hau, mosé dé’ity danong, maik te ho’on toég mangay. Tiong te tua koléy oné-mai ngampang mata, agu te ampusy. Sanggén ata oné lino, ata toé manga ngasangd oné Buku Data Mosé du pu’ung dédékn tana lino, ciri lengets émé ita kaka hitu, ai danong mosé dé’ity, maik te ho’on toég mangay, landing te tua koléy.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.

WIDANG SI’ANG ONÉ HI YOHANÉS 3:8

Pecing Laku sanggéd gori de méu: Lélo ga, Aku poli céngka para latang te méu, ata toé ngancéng tadun le céing kaut. Pecing Laku te méu toé danga mberes, maik méu lorong curup Daku agu toé pali ngasang Daku.

WIDANG SI’ANG ONÉ HI YOHANÉS 6:10

Télés kéta reweng disé, “Yo Mori, Itét Cau Kuasa ata nggeluk agu molor, cepisa kéta kolé di, té Ité beté-bicar agu mbelé lawa oné lino, ai isé poli mbelé ami?”

WIDANG SI’ANG ONÉ HI YOHANÉS 8:13

Itug kali itan laku ca ntangis ata lélap éta awang langkas agu mai taén cang agu kepokn, “Copél, copél, copél da’at isét ka’éng oné lino, émé dengé kolé runing terompét de telu malékat haéd.”