WIDANG SI’ANG ONÉ HI YOHANÉS 22:7 - Bahasa Manggarai New Testament

⁷ Taé de Mori Yésus, “Idep di’a-di’a, tiong’g Aku te maiK. Mosé di’as ata siot lorong sanggéd reweng pedé de surak ho’o!”

WIDANG SI’ANG ONÉ HI YOHANÉS 22:7 ပူးပေါင်းရင်းမြစ်များ

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

WIDANG SI’ANG ONÉ HI YOHANÉS 1:3

Mosé di’a isé situt bacang agu séngétn pedé ho’o, agu lorong apa ata tulis bonén, ai ruis’g cekengn.

WIDANG SI’ANG ONÉ HI YOHANÉS 16:15

“Lélo dé, Aku mai ného ata takok. Mosé di’a hia hitut tokong kin agu mengkek kin ceca sélékn, wiga toé ritak te lako déméng lacon.”

WIDANG SI’ANG ONÉ HI YOHANÉS 2:16

Landing hitu, teserm ga! Émé toé teserm, Aku te mai oné méu kudut purak isé le keléwang ho’ot losa oné-mai mu’u Daku.

WIDANG SI’ANG ONÉ HI YOHANÉS 22:12

Taé de Mori Yésus, “Idep di’a-di’a, tiong’g Aku te maiK kudut ba koso nolak te léko sanggéd ata lorong agu pandéd.

WIDANG SI’ANG ONÉ HI YOHANÉS 22:18

Aku téing saka-si oné néténg ata siot séngét sanggéd curup pedé de Mori Keraéng oné surak ho’o. Aku hi Yohanés té ing langga ho’o, “Céing kaut ata tambang curup bana oné-mai sanggéd curup daku so’o, ata hitu tambang téing copéln le Mori Keraéng ného ata poli tulis oné surak ho’o.

WIDANG SI’ANG ONÉ HI YOHANÉS 22:19

Nenggitu kolé, céing kaut ata pandé rehong cekoén kaut sanggéd curup daku so’o, ata hitu pandé rehong le Mori Keraéng maki diha oné-mai haju te téing mosé agu oné-mai béndar nggeluk, ného situt poli tulis oné surak ho’o.”

WIDANG SI’ANG ONÉ HI YOHANÉS 22:20

Mai kepok Diha hitut téing sanggéd curup so’o, “Yo, toé celan, Aku te mai gélangk!” Amén, mai go Mori Yésus!

WIDANG SI’ANG ONÉ HI YOHANÉS 22:21

Widang de Mori Yésus, loréng sanggés taung méu! Amén.

WIDANG SI’ANG ONÉ HI YOHANÉS 3:11

Aku ruis te maik! Landing hitu, cau kid apa ata manga oné méu, kudut néka cengatan koé te emi koso-nolak oné-mai ontong de méu.

WIDANG SI’ANG ONÉ HI YOHANÉS 3:3

Landing hitu nuk dé titong ata poli tiba agu dengé le méu; lorongs le méu agu teserm ga! Ai émé toé wela matas, Aku kudut mai oné méu ného ata takok, agu ného weter kaut, ai toé pecing le méu du nia leson.