WIDANG SI’ANG ONÉ HI YOHANÉS 22:10 - Bahasa Manggarai New Testament

¹⁰ Itu kali mai taé diha, “Néka roku sanggéd reweng pedé de surak ho’o, ai ho’o wa rangag leson.

WIDANG SI’ANG ONÉ HI YOHANÉS 22:10 ပူးပေါင်းရင်းမြစ်များ

MATÉUS 10:27

Apa ata curup Daku agu méu oné nendep, paka curups le méu oné géraks, agu apa ata saok molé oné tilu, tombos ga situ éta mai lobo mbaru.

ROMA 13:11

Momang ho’o paka pandé le méu, ai baé le méu te ho’on ga, latang te méu paka to’o wa mai tokos. Ai te ho’on selamak hitu céwé ruis agu itéy, oné mai ité pu’ung tiba imbid.

ROMA 13:12

Seréhang tana tiong te gérak gi. Landing hitu mait ga ité, oké taungs pandé nendep situ agu pakés ceca harat de gérak!

2 TÉSALONIKA 2:3

Méu néka ndong pandé wéléng lata, ali co’o kaut pandén! Ai bolon leso cemol hitu, do kéta ata lawang Mori Keraéng agu pandé si’ang kétas di manusia ata da’at hitut paka ampus.

1 PETRUS 4:7

Sanggéd cao-ca ruis te cemols ga. Landing hitu madis agu jerék koé ba wekis, kudut ngancéng ngajim.

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

WIDANG SI’ANG ONÉ HI YOHANÉS 1:3

Mosé di’a isé situt bacang agu séngétn pedé ho’o, agu lorong apa ata tulis bonén, ai ruis’g cekengn.

WIDANG SI’ANG ONÉ HI YOHANÉS 10:4

Du poli tombod genggus pitu situ, aku ngoéng te tulis, maik dengé laku ca reweng éta-mai Surga taén, “Néka tulis le hau! Kong cehad apa ata poli taé le pitu genggus situ.”

WIDANG SI’ANG ONÉ HI YOHANÉS 22:16

“Aku dé hi Yésus, ata poli wuat malékatG kudut téing saka-si sanggéd taung so’o oné weki serani. Akuy dé cingn, ngong waé di Daud, ntala géwang ata néra kéta.”

WIDANG SI’ANG ONÉ HI YOHANÉS 22:18

Aku téing saka-si oné néténg ata siot séngét sanggéd curup pedé de Mori Keraéng oné surak ho’o. Aku hi Yohanés té ing langga ho’o, “Céing kaut ata tambang curup bana oné-mai sanggéd curup daku so’o, ata hitu tambang téing copéln le Mori Keraéng ného ata poli tulis oné surak ho’o.

WIDANG SI’ANG ONÉ HI YOHANÉS 22:20

Mai kepok Diha hitut téing sanggéd curup so’o, “Yo, toé celan, Aku te mai gélangk!” Amén, mai go Mori Yésus!

WIDANG SI’ANG ONÉ HI YOHANÉS 22:7

Taé de Mori Yésus, “Idep di’a-di’a, tiong’g Aku te maiK. Mosé di’as ata siot lorong sanggéd reweng pedé de surak ho’o!”

WIDANG SI’ANG ONÉ HI YOHANÉS 22:9

Landing mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, sanggéd nabi, agu sanggéd isét lorong curup de surak ho’o. Suju Mori Keraéng kaut!”

WIDANG SI’ANG ONÉ HI YOHANÉS 5:1

Itug kali ita laku ca surak ata ngai lulungn oné limé wanang Diha hitut lonto oné seriga. Surak hitu poli tulis bonén agu bepé’angn, agu palasy le pitu roku.