WIDANG SI’ANG ONÉ HI YOHANÉS 21:8 - Bahasa Manggarai New Testament

⁸ Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

WIDANG SI’ANG ONÉ HI YOHANÉS 21:8 ပူးပေါင်းရင်းမြစ်များ

MATÉUS 10:28

Agu néka rantang méu agu isét ngancéng ala weki, maik toé manga kuasad te ala wakars, rantang kéta kali Hiat manga kuasan te calang wakar agu weki oné api neraka.

MATÉUS 25:25

Landing hitu rantangk aku, wiga ceha talénta dité wa tana bonéy: Ho’oy, tiba néngm, ranga rum!

MATÉUS 8:26

Mai taé Diha agu isé: “Co’o tara rantangs, méu ho’ot toé danga imbi?” Itu kali to’on Mori Yésus agu kentay Liha warat agu sano hitu. Itu kali letét kétay sano hitu.

MARKUS 9:44

oné osang hitu, uli toé ngancéng matas, agu api toé manga pesan.]

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

2 TÉSALONIKA 2:9

Mai de manusia da’at hitu lorong gori de jing da’at, agu te loréng dod tanda lenget tangké.

2 TIMOTÉUS 4:2

Ici naid de guru tangke situ penong ali nggopét, ai poli tapa le beci kolang te wetik wekid, wiga toe gancéng woléngn lisé nia ata di’an agu nia ata da’atn.

TITUS 1:16

Bo tombod pecing Mori Keraéngs, maik oné-mai pandéd, pali Mori Keraéngs. Isé gutekd, toé lorong agu toé kopd te pandé cao-ca ata di’an.

IBRANI 12:24

Méu mai kamping Mori Yésus, ata Létang témba reké weru, agu kamping daraN hitut poli wecar, ata céwé mberes pa’arn oné-mai dara di Abél.

IBRANI 13:4

Poro sanggés taung méu hiang mosé ka’éng kilo, néka lagé locé toko, ai Mori Keraéng te beté-bicar sanggéd ata nelung agu ata mbérong.

1 YOHANÉS 2:22

Céing weli ata nggopét hitu? Ngong hia hitut poli wéwa te Mori Yésus toé Mésiasy. Hia dé ata bali di Kristus: hia pali hi Ema agu hi Anak.

1 YOHANÉS 3:15

Céing kaut ata jogot asé-ka’é ca imbin, hia cama ného mbelé atay. Pecing kolé le méu, isét mbelé ata toé paéng mosé tédéng lén.

1 YOHANÉS 5:10

Céing ata imbi Anak de Mori Keraéng, paéng liha saka-si hitu oné nain. Maik céing ata toé imbi Mori Keraéng, rékéngn lata hitu te Mori Keraéng ata nggopéty, ai ata hitu toé imbi saka-si de Mori Keraéng latang te AnakN.

WIDANG SI’ANG ONÉ HI YOHANÉS 14:10

hia te inung anggor ata toé manga halokn, ngong rabo mésé de Mori Keraéng ata poli légén oné piala. Ata nenggitu te wahéng ali api agu mburé bolo-mai ranga de sanggéd malékat nggeluk agu de Anak Jimbal.

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

WIDANG SI’ANG ONÉ HI YOHANÉS 2:11

Céing ata manga tilun, poro séngét apa ata curup le Nai Nggeluk oné sanggéd weki serani: Céing ata ontong, hia toé manga susan ali mata te suan, ngong mata tédéng lén.”

WIDANG SI’ANG ONÉ HI YOHANÉS 2:2

Pecing laku sanggéd goris, rébok agu gepeks. Pecing laku, te méu toé manga lembaks latang te sanggén ata da’at. Méu poli damang isét caro weki rud rasul, kalim po toé. Ali hitu, pecing le méu te isé situ ata nggopét.

WIDANG SI’ANG ONÉ HI YOHANÉS 21:27

Toé ngancéng ngo boné béndar hitud sanggéd cao-ca ata rinek, ata pandé lenci ko ata nggopét, maik hanang isét manga ngasangd oné Surak Data Mosé de Anak Jimbal hitu.

WIDANG SI’ANG ONÉ HI YOHANÉS 22:15

Maik isét ného acu, isét janto, isét mbérong, isét paki ata, isét io pina-naéng agu isét pandé nggopét ka’éng bepé’ang béndar hitu.

WIDANG SI’ANG ONÉ HI YOHANÉS 9:17

Nenggitu de ita laku oné urég sanggéd ata léti jarang, sélékd baju beci ata ndéréng ného api, ula agu léros ného mburé. Sa’id jarang situ cama ného sa’i de singa, oné-mai mu’ud losa api, nus agu mburé.

WIDANG SI’ANG ONÉ HI YOHANÉS 9:21

Isé toé tesers oné-mai mbelé ata, janto ata, ngoéng ata agu tako ceca data.