WIDANG SI’ANG ONÉ HI YOHANÉS 21:27 - Bahasa Manggarai New Testament

²⁷ Toé ngancéng ngo boné béndar hitud sanggéd cao-ca ata rinek, ata pandé lenci ko ata nggopét, maik hanang isét manga ngasangd oné Surak Data Mosé de Anak Jimbal hitu.

WIDANG SI’ANG ONÉ HI YOHANÉS 21:27 ပူးပေါင်းရင်းမြစ်များ

MATÉUS 13:41

Anak Manusia te jera malékatn agu isé te ngo ongkod sanggéd isét pandé wéléng, agu sanggéd ata siot pandé da’at.

MARKUS 7:2

Ita lisé te manga pisa taus ata nungku Diha hang déméng limé sakid, ngong toé olong samo liméd.

LUKAS 10:20

Landing néka ba’ang nenggitu, néka naka laing méséng jing situ kudus le méu, maik naka landing ngasangs manga tulisn éta Surga.”

ÉFÉSUS 5:5

Nuk di’a-di’a: ata mbérong, ata réngkes, ko ata gomeng, betuan dé cama ného ata hiot io pina-naéng, toé ngancéng tiba lahén oné-mai adak di Kristus agu de Mori Keraéng.

PILIPI 4:3

Ngot tegi kolé laku hau Sunsugos, haé reba daku ata junggu: campé koé isét sua. Ai isé poli mping cama laing agu akud oné wéro Keréba Di’a. Nenggitu kolé haé reba daku hi Kléméns agu haé reba daku situt iwod, ata manga ngasangd oné Buku Data Mosé.

2 TIMOTÉUS 1:10

Ruda olon kolé, tara mangan Adak Taurat hitu latang te: ata mbérong, ata rona ngoéng cama ata ronad, empo-déhong, ata nggopét, ata wada adong agu sanggéd taung cao-ca situt woléngd agu toing molor.

IBRANI 12:14

Mping koé te mosé hambor-libur agu sanggén ata, agu tili-mboét kolé te dolong mosé nggeluk. Ai émé toé nggeluk, toé manga cengatan ata ngancéng ita Morin.

2 PÉTRUS 3:13

Maik lorong reké Diha, ité géréng awang agu tana weru, nia manga ata molor agu agil.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 20:12

Itas laku sanggéd ata mata, étan tu’a agu wan koé, hesé bolo-mai seriga hitu. Og kali céngkad sanggéd surak, agu ca surak bana kolé, ngong Surak Data Mosé. Sanggéd ata mata tiba beté-bicars lorong agu pandéd, ného apa ata poli tulisd oné surak situ.

WIDANG SI’ANG ONÉ HI YOHANÉS 20:15

Néténg ata situt toé ita ngasangd oné Surak Data Mosé hitu, peké nggere-oné api mésé hituy.

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

WIDANG SI’ANG ONÉ HI YOHANÉS 3:5

Céing ata ontong, ata hitu te paké le juba bakoky. Aku toé koso ngasang diha oné Buku Data Mosé. Aku kudut tura ngasangn oné ranga de EmaG agu oné ranga de sanggéd malékat Diha.