WIDANG SI’ANG ONÉ HI YOHANÉS 21:1 - Bahasa Manggarai New Testament

¹ Poli hitu, ita laku awang weru agu lino weru. Awang, lino, agu tacik hitut laring cain toég mangas.

WIDANG SI’ANG ONÉ HI YOHANÉS 21:1 ပူးပေါင်းရင်းမြစ်များ

ROMA 8:21

Maik oné bengkes, ata situt poli dédékd te céla oné-mai kuasa de mata kudut dadé nggere-oné mosé géal agu mengit de sanggéd anak de Mori Keraéng.

2 PÉTRUS 3:10

Leso de Morin rodo caiy ného ata takoy. Du hitu awang rencoy agu ngorong kéta runingn. Sanggéd ménan éta awang muntung taungs le api, lino agu sanggéd icin mora-meres taungs.

2 PÉTRUS 3:13

Maik lorong reké Diha, ité géréng awang agu tana weru, nia manga ata molor agu agil.

WIDANG SI’ANG ONÉ HI YOHANÉS 13:1

Poli hitu, ita laku ca kaka ata pé’ang oné-mai tacik délem, cepulud ranggan agu pitud sa’in. Néténg ranggan manga songkok agu oné néténg sa’in manga tulis te loér-lokét Mori Keraéng.

WIDANG SI’ANG ONÉ HI YOHANÉS 20:11

Itug kali itan laku ca seriga bakok mésé agu Hiat lonto bétan. Awang agu tana mora bolo-mai ranga Diha, wiga toé manga ita koléd.

WIDANG SI’ANG ONÉ HI YOHANÉS 21:5

Mai taé de Mori Keraéng hitut lonto bétan seriga, “Lélo dé, te ho’on Aku pandé sanggéd cao-ca te ciri weru!” Mai kolé taén oné aku, “Tulis ga, ai sanggéd curup so’o molord agu ngancéng imbi laings.”

WIDANG SI’ANG ONÉ HI YOHANÉS 6:14

Nenggitu kolé awang mora cama ného surak hitut lulungy, agu hésot taungs sanggéd poco agu sanggéd nuca oné-mai osangd.