WIDANG SI’ANG ONÉ HI YOHANÉS 2:26 - Bahasa Manggarai New Testament

²⁶ Céing ata ontong agu pandé sanggéd gori Daku dengkir agu cemoln, latang te hia widang Laku kuasa te perénta sanggéd wa’u.

WIDANG SI’ANG ONÉ HI YOHANÉS 2:26 ပူးပေါင်းရင်းမြစ်များ

MATÉUS 10:22

Méu te kodo le sanggén ata, landing kaut le ngasang Daku, maik isét ta’ong dengkir cemoln selamakd moséd.

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

MATÉUS 24:13

Landing isét ta’ong dengkir cemoln, ngancéng selamaks.

YOHANÉS 6:29

Mai walé de Mori Yésus: “Ho’o kéta gori ata henan oné nai de Morin; méu paka imbi oné Hia ata wuat le Mori Keraéng.”

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

ROMA 8:37

Maik oné mai sanggéd situ, ité céwé koméd oné mai sanggéd ata ontong, ali Hia hitut poli momang ité.

TÉSALONIKA 3:5

Itup tara du kembung dami toég ngancéng ta’ong kolé, aku jera hi Timotéus kudut baé laku imbi de méu, ai simpung kétak aku, émé méu poli damang le jing da’at wiga rébok dami oké-bod.

IBRANI 3:6

Maik hi Kristus junggu kin, ai Hia Anak ata papongn mbaru de Mori Keraéng. Ngong ité ho’o dé mbaru de Mori Keraéng hitu, émé ité metek tu’ung oné imbi agu bengkes hitut angos lité dengkir cemoln.

JAMES 2:20

Oé ata bapa-béngot! Ngoéngm hau te tura ho’o ga, te imbi hitut toé loréng agu pandé cama kaut imbi bon?

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.

1 YOHANÉS 3:23

Ho’oy peréntaN: Ité paka imbi hi Yésus Kristus, AnakN agu momang haé ata lorong perénta di Kristus hitu.

1 YOHANÉS 5:5

Céing ata ngancéng pandé koda lino ho’o? Hanang hiat imbi, te Mori Yésus Anak de Mori Keraéng.

WIDANG SI’ANG ONÉ HI YOHANÉS 2:11

Céing ata manga tilun, poro séngét apa ata curup le Nai Nggeluk oné sanggéd weki serani: Céing ata ontong, hia toé manga susan ali mata te suan, ngong mata tédéng lén.”

WIDANG SI’ANG ONÉ HI YOHANÉS 2:17

Céing ata manga tilun, poro séngét apa ata curup le Nai Nggeluk oné sanggéd weki serani: Céing ata ontong, oné hia hitu téing Laku hang manna ata pété ceha; agu widang Laku watu bakok atat bétan manga tulis weru ngasangn ata toé pecing lata bana, maik hanang lihat tiban kanang.”

WIDANG SI’ANG ONÉ HI YOHANÉS 2:7

Céing ata manga tilun, poro séngét apa ata curup le Nai Nggeluk oné sanggéd weki serani. Céing ata ontong, te sendos Laku hang wua oné-mai pu’u haju ata téing mosé hitut manga oné Uma Firdaus de Mori Keraéng.”

WIDANG SI’ANG ONÉ HI YOHANÉS 20:4

Itug kali itan laku dod seriga agu penong atat lonto bétan. Isé situ tiba kuasa latang te beté-bicar. Ita kolé laku sanggéd wakar disét poli poka bokakd ali téing saka-si latang te Mori Yésus, agu landing ba keréba de Mori Keraéng. Isé so’o danong toé suju kaka hitu agu patungn, agu toé kolé tiba palas oné sa’i galad agu oné limé wanangn. Isé te mosé kolés agu perénta ného rajas cama laing agu hi Kristus tédéng ca sebu ntaung.

WIDANG SI’ANG ONÉ HI YOHANÉS 21:7

Céing ata ontong, hia te tiba taung sanggéd so’o, agu Aku te ciri Mori Keraéng dihak, hia te ciri anak Dakuy.

WIDANG SI’ANG ONÉ HI YOHANÉS 22:5

Toég manga kolé wié oné béndar hitu, ai isé toé manga sékék gérak de lampu agu gérak de mata leso. Mori Keraéng dé te pandé gérak isé, agu isé te perénta ného rajas dengkir lén.

WIDANG SI’ANG ONÉ HI YOHANÉS 3:12

Céing ata ontong, hia hitu te pandé siri laingy Laku oné Mbaru Nggeluk de Mori Keraéng. Hia hitu te ka’éng tédéng lén oné osang hitu. Ngasang de Mori Keraéng agu ngasang de béndarN, ngong Yérusalém weru ata wa’u éta-mai Surgan, tulis Laku oné weki data hitu. Nenggitu kolé ngasang ata werun Daku te tulis oné hiay.

WIDANG SI’ANG ONÉ HI YOHANÉS 3:21

Céing ata ontong, hia te lonto cama-cama agu Akuy lobo seriga Daku, ného Aku kolé poli ontong’g agu lonto cama-cama agu EmaG lobo seriga Diha.

WIDANG SI’ANG ONÉ HI YOHANÉS 3:5

Céing ata ontong, ata hitu te paké le juba bakoky. Aku toé koso ngasang diha oné Buku Data Mosé. Aku kudut tura ngasangn oné ranga de EmaG agu oné ranga de sanggéd malékat Diha.