WIDANG SI’ANG ONÉ HI YOHANÉS 2:2 - Bahasa Manggarai New Testament

² Pecing laku sanggéd goris, rébok agu gepeks. Pecing laku, te méu toé manga lembaks latang te sanggén ata da’at. Méu poli damang isét caro weki rud rasul, kalim po toé. Ali hitu, pecing le méu te isé situ ata nggopét.

WIDANG SI’ANG ONÉ HI YOHANÉS 2:2 ပူးပေါင်းရင်းမြစ်များ

MATÉUS 7:23

Du hitu kéta di Aku te tombo si’ang agu isé: Toé kéta manga baé dé’its méu Laku! Ngom oné mai ranga Dakus, sanggés méu ata pandé da’at!”

YOHANÉS 6:6

Réi hitu Diha kudut damang hi Pelipus, ai pecing Liha co’o ngai Liha pandén.

GALATIA 1:7

ata woléngn agu Keréba Di’a de Mori Keraéng? Bo tu’ung manga ata pandé cebel méu te pandé holé-halés Keréba Di’a di Kristus.

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

TÉSALONIKA 5:21

Sanggén cao-ca paka olong kapangs, poli hitu caus ata di’ad.

2 TIMOTIUS 2:19

Maik ligéng ata tena le Mori Keraéng hitu mberesn agu ho’oy capn: “Pecing le Morin céing ata ciri paéng Diha,” agu “Néténg ata siot caro ngasang de Mori poro oké koés pandé da’atn.”

IBRANI 6:10

Mori Keraéng hitu agiln, wiga Hia toé hémong latang te gori de méu agu momang hitut toto de méu ali ngasang Diha, le gori keturu latangt asé-ka’é ca imbi, ného bebolon agu nggere-olon.

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.

WIDANG SI’ANG ONÉ HI YOHANÉS 2:5

Landing hitu nuk dé, lengn délem pa’u de méu hitu! Teser ga one-mai ndékoks, agu pu’ung kolé ba wekis ného du wangkan. Émé toé, Aku mai oné méu te emi wa’i lampu oné-mai osangd.

WIDANG SI’ANG ONÉ HI YOHANÉS 2:6

Maik manga kin ata di’an oné méu: cama ného Aku, méu jogot sanggéd pandé data nungku di Nikolaus.

WIDANG SI’ANG ONÉ HI YOHANÉS 2:9

Pecing laku susa agu lénggé de méu, maik bora kis méu. Pecing kolé laku sanggéd pocu latang te méu oné-mai isét caro weki rud ata Yahudi, kalim po toé. Ai isé situ ro’éng de jing da’ats.

WIDANG SI’ANG ONÉ HI YOHANÉS 3:1

“Tulis koé latang te malékat de weki serani oné Sardis: Ho’oy reweng Diha, ata paéng pitud nai de Mori Keraéng agu pitud ntala situ: Pecing Laku sanggéd gori de méu: Taés méu mosém, kalim po matam!

WIDANG SI’ANG ONÉ HI YOHANÉS 3:15

Pecing Laku sanggéd gori de méu. Méu toé ces agu toé kolang. Céwé di’an méu paka ces ko kolang!

WIDANG SI’ANG ONÉ HI YOHANÉS 3:8

Pecing Laku sanggéd gori de méu: Lélo ga, Aku poli céngka para latang te méu, ata toé ngancéng tadun le céing kaut. Pecing Laku te méu toé danga mberes, maik méu lorong curup Daku agu toé pali ngasang Daku.