WIDANG SI’ANG ONÉ HI YOHANÉS 2:18 - Bahasa Manggarai New Testament

¹⁸ “Tulis koé latang te malékat de weki serani oné Tiatira: Ho’oy reweng de Anak de Mori Keraéng, hitut mataN ného dila de api agu wa’iN cama ného tembaga:

WIDANG SI’ANG ONÉ HI YOHANÉS 2:18 ပူးပေါင်းရင်းမြစ်များ

MATÉUS 17:5

Agu rémé di’an hia curup rodo tuay rewung ata néray, tugep isé agu oné mai rewung hitu dengé reweng, ata nenggo’o taén: ‘Ho’oy anak momang Daku, agu Hia ata henan Laku, séngét koé Hiam.”

MATÉUS 27:54

Kepala de serdadu agu sanggéd serdadu ata lami Mori Yésus, cirik rantang kéta taungs du ita lisé nupung agu sanggéd situt ata polid, itug kali mai taéd: “Tu’ung-tu’ung kéta, Hia ho’o Anak de Mori Keraéngy.”

MATÉUS 3:17

mai nitu main dengég reweng éta mai Surga, nenggo’o taén: “Ho’o dé Anak ata cembes Daku, Hia kéta dé ata kopn Laku.”

LUKAS 1:35

Wantil de malékat hitu agu hia: “Nai Nggeluk wa’u oné itéy, agu kuasa de Mori Keraéng ata langkas kéta te sémbéng itéy; ali hitu, anak hitut kudut loas lité Anak nggeluk de Mori Keraéng.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

YOHANÉS 1:49

Mai taé di Natanaél kamping Hia: “Rabi, Ité Anak de Mori Keraéng, Ité Raja data Israél!”

YOHANÉS 10:36

ngancéng taé kin weli le méu ko, oné Hia hitut pandé nggeluk Liha Ema, agu hitut poli wuat Liha oné tana lino; Hau mbéis Mori Keraéng! Landing kaut poli curup Laku: Aku Anak de Mori Keraéng?

YOHANÉS 3:16

Ai nenggitu mésén momang de Mori Keraéng latangt lino ho’o, wiga Hia téing Anak'N ata léca kudut sanggéd ata imbi Hia toé matas, maik haéng mosé tédéng lén.

YOHANÉS 3:18

Céing kaut ata imbi Hia, toé manga hena le wahéng; céing kaut ata toé imbin, poli mangan ka’éng oné wahéngy, ai hia toé imbi oné ngasangd Anak léca de Mori Keraéng.

YOHANÉS 5:25

Aku taé agu méu: Moro matan, te cai leson, agu polig cain, te sanggéd ata mata dengé reweng de Anak de Mori Keraéng, agu isét dengén, te mosés.

TOMBO PÉTÉ GORI DE RASUL-RASUL 16:14

Cengata oné mai iné-wai situ, ngasangn hi Lidia, séngét koléy. Hia oné mai béndar Tiatira agu hia ata pika towé lango. Hia gejur kéta te ngaji kamping Mori Keraéng. Mori Keraéng céngka nai diha wiga séngét kéta liha situt tombo li Paulus.

TOMBO PÉTÉ GORI DE RASUL-RASUL 8:36

Isé lako rudas, dengkir cai oné ca osang ata manga waén. Mai taé de pegawé de raja hitu: “Lélo, nitu manga waé; manga kin do’ong latang te aku kudut cebong le waé serani?” [

ROMA 1:4

maik lorong Nai Nggeluk si’ang le to’o kolé Diha oné mai ata mata, te Hia kéta Anak de Mori Keraéng ata manga kuasan, hi Yésus Kristus Mori dité.

ROMA 8:32

Hia ata toé momang Anak Run, maik téi Liha latang te sanggén taung ité, ngancéng weli Hia toé téi sanggéd cao-ca oné ité kolé?

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

WIDANG SI’ANG ONÉ HI YOHANÉS 2:1

“Tulis koé latang te malékat de weki serani oné Éfésus: Ho’oy curup Diha, ata cau pitu ntala situ oné limé wanangN agu lako oné beréha pitu wa’i lampu emas situ.

WIDANG SI’ANG ONÉ HI YOHANÉS 2:24

Maik latang te méu, sanggéd ata bana oné Tiatira, ata toé lorong toing da’at hitu agu toé kawé co’oy lok lé-lok laun jing da’at, taé Laku agu méu: Aku toé gorig te tambang mendo bana oné méu.