WIDANG SI’ANG ONÉ HI YOHANÉS 2:14 - Bahasa Manggarai New Testament

¹⁴ Maik manga ata toé henan Laku: Oné-mai méu manga pisa taus ata lorong toing di Biléam. Hi Biléam hitu toing hi Balak kudut pandé wéléng ata Israél, wiga isé hang takung siot latang te io pina naéng agu ngoéng atas.

WIDANG SI’ANG ONÉ HI YOHANÉS 2:14 ပူးပေါင်းရင်းမြစ်များ

MATÉUS 18:7

Calang da’at lino agu sanggéd pandé hena ndékok ata laing: bo kali calang ata manga muingy, maik copél hiat pandé mangan.

TOMBO PÉTÉ GORI DE RASUL-RASUL 15:29

Méu paka néka hang sanggéd siot poli takung imbi pina-naéng, néka hang dara, néka hang nuru de kaka siot mata le hajel agu néka ngoéng ata. Émé méu rinding wekis oné mai ireng so’o, méu pandé di’am. Tabé dami kamping méu.”

TOMBO PÉTÉ GORI DE RASUL-RASUL 21:25

Maik latang te wa’u bana situt poli imbid, polig lami tulisd taung wérét dami. Isé paka néka hang siot poli takung oné-mai imbi pina-naéng, néka hang dara, néka hang nuru de kaka siot mata le hajel molé, agu oné mai ngoéng ata.”

ROMA 11:9

Céwén kolé taé di Daud, “Kong demeng ramé disé, ciri serénté agu nggepit, watu timpok agu wahéng latang te isé.

ROMA 14:13

Landing hitu, ité néka manga kolé mbéis cama tau! Ata di’an ité cau kaut curup ho’o: Néka manga pandé pa’u ko pandé timpok ase-ka’e ca imbi!

ROMA 14:21

Céwé di’an hau néka hang nuru ko inung anggor, ko pandé cao-ca wiga timpok laing latang te asé-ka’é ca imbi.

ROMA 9:32

Co’o tara toén? Ai isét Israél dolong wintuk hitu toé landing le imbi, maik lorong pandéd. Isé do’ong oné watu ata pandé pangga,

1 KORINTUS 1:23

Maik ami wéro keréba hi Kristus hitut panggoly. Keréba ho’o, latang te ata Yahudi ného ca watu te pandé timpok laing, agu latang te ata toé Yahudi ného te pandé bodok laing.

1 KORINTUS 7:2

maik émé humer kin nain te ngoéng ata, céwé di’an néténg ata rona manga wina run agu néténg inéwai manga rona run.

IBRANI 13:4

Poro sanggés taung méu hiang mosé ka’éng kilo, néka lagé locé toko, ai Mori Keraéng te beté-bicar sanggéd ata nelung agu ata mbérong.

1 PETRUS 2:8

Hia ciri watu te timpok isé, ai isé toé lorong reweng de Mori Keraéngs. Hitu muing wérétd isé le Mori Keraéng.

2 PÉTRUS 2:15

Isé poli legong salang molor, itu tara wéléngd. Isé lut salang di Biléam, anak di Béor, atat danong nanang kéta te tiba lahé latang te sanggéd pandé da’at.

YUDAS 1:11

Copels dé isé, ai lut salang baté lako di Kain agu cembur nggere-oné salang wéléng di Biléam soho nanang tiba séng. Isé ampus taungs, ai téti rampas ného hi Korah.

WIDANG SI’ANG ONÉ HI YOHANÉS 2:20

Maik Aku mbéis méu, ai méu ondang kaut hi Izébél, iné-wai hiot caro weki run nabi te pandé wéléng sanggéd mendi Daku, wiga pandé loma agu hang de takung io pina-naéng.

WIDANG SI’ANG ONÉ HI YOHANÉS 2:4

Koném po nenggitu Aku mbéis méu, ai méu toé momang Akum ného du wangkan.

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

WIDANG SI’ANG ONÉ HI YOHANÉS 22:15

Maik isét ného acu, isét janto, isét mbérong, isét paki ata, isét io pina-naéng agu isét pandé nggopét ka’éng bepé’ang béndar hitu.