WIDANG SI’ANG ONÉ HI YOHANÉS 19:7 - Bahasa Manggarai New Testament

⁷ Ali hitu, mait ga ité naka agu cembes nai te bong Hia! Ai leso kawing de Anak Jimbal cai gi, agu nacaN polig mengkekn.

WIDANG SI’ANG ONÉ HI YOHANÉS 19:7 ပူးပေါင်းရင်းမြစ်များ

MATÉUS 1:20

Maik du rémé tenang tu-tu’ungn liha te pandé céarn, malékat de Mori Keraéng ita liha oné nipin, agu mai taén: “Yosép, anak Daud, néka rantang hau te emi hi Maria kudut jiri haé kilom, ai anak hitut lari dé’in le kuasa de Nai Nggeluk.

MATÉUS 22:2

“Paté Adak Surga rapang ca raja ata pandé ramé kawing te anakn.

LUKAS 12:36

Agu méu porong ného ata siot séréng kid géréng morid hitut kolé ramé kawing, kudut émé cai hia agu nontong para, gélang céngka para te hia.

YOHANÉS 3:29

Ata ngaran wina molas hiat kopé harat; maik haé reba dihat kopé harat ata hesé ruis hia agu ata séngét hias nisang kéta naid dengé reweng dihat kopé harat hitu. Hituy nisang nai daku, agu te ho’on nisang naig hitu penongy.

2 KORINTUS 11:2

Ai aku kembung méuk neho kembung de Mori Keraéng. Ai aku poli pandé naca méu agu cengata ata rona, kudut dadé méu ného ata molas nggeluk oné hi Kristus.

ÉFÉSUS 5:23

ai rona hitu tu’a de wina cama ného hi Kristus tu’a data weki serani. Hia dé ata pandé selamak weki serani ného weki de Run.

ÉFÉSUS 5:32

Curup ho’o délem betuan, ngong woé-joé di Kristus agu weki serani.

PILIPI 3:3

Maik, ité ho’o ata poli sunat tu’ung kéta; toé isé. Ai ité toé deming adak ata pandé de manusia. Ité suju Mori Keraéng le titong de Nai Nggeluk, agu wali di’a lité landing le nai ca anggit agu hi Kristus Yésus.

WIDANG SI’ANG ONÉ HI YOHANÉS 11:13

Og kali kéngkungn nupung mésé. Béndar hitu rencoy pati laing cepulu, pitu sebud ata mata ali nupung hitu. Sanggéd taung ata bana rantang da’ats, itug kali bong agu naring Mori Keraéng hitut éta Surga.

WIDANG SI’ANG ONÉ HI YOHANÉS 19:9

Itu kali malékat hitu jera aku, “Tulis ga: Mosé di’a isét siro te hang cama oné ramé kawing de Anak Jimbal.” Mai kolé taén, “Ho’oy keréba ata molorn tu’ung, ai oné-mai weki Run Mori Keraéng.”

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.

WIDANG SI’ANG ONÉ HI YOHANÉS 21:9

Poli hitu, mai cengata oné-mai pitu malékat ata cau pitud piala, ata penong le pitu copél turung cemol hitu, cumang akuy mai taén, “Mai cé’é ho’o, aku kudut toto oné hau, haé kilo de Anak Jimbal.”