WIDANG SI’ANG ONÉ HI YOHANÉS 19:6 - Bahasa Manggarai New Testament

⁶ Poli hitu dengé laku raos de lawa do, cama ného ngorong de waé mbang agu mpirang de genggus mésé, “Aleluya! Ai Mori Keraéng dité, Ata Pu’un kuasa polig ciri Rajan.

WIDANG SI’ANG ONÉ HI YOHANÉS 19:6 ပူးပေါင်းရင်းမြစ်များ

MATÉUS 6:13

néka dadé ami nggeroné damang, Maik tadang koé sanggéd da’at. [Ai Ité Morin perénta agu kuasa agu bong dengkir lén. Amén.]

WIDANG SI’ANG ONÉ HI YOHANÉS 1:15

Wa’iN, mbilar cama ného tembaga wara oné api; rewengN cama ného ngangut de waé wa’ay.

WIDANG SI’ANG ONÉ HI YOHANÉS 1:8

“Aku dé Du Wangkan agu Du Cemoln,” curup de Mori Keraéng, hitut manga, poli mangan, hitut kudut maiy, agu pu’un kuasa.

WIDANG SI’ANG ONÉ HI YOHANÉS 12:10

Itu kali dengén laku reweng ata télés kétay éta-mai Surga, “Ho’og cain selamak de Mori Keraéng latangt ro’éngN! Ho’og toton kuasa de Mori Keraéng Raja dité, agu kuasa di Kristus hitut poli rekéN. Ai Jing da’at, hia hitut wié-leson mboték asé-ka’é ca imbi dité bolo-mai ranga de Mori Keraéng, polig wurd oné-mai osang Surga.

WIDANG SI’ANG ONÉ HI YOHANÉS 14:2

Dengé laku reweng éta-mai awang, cama kaut ngorong de waé cunca agu mpirang de genggus. Reweng hitu, dengé laku cama kéta ného runing de kecapi.

WIDANG SI’ANG ONÉ HI YOHANÉS 19:1

Poli hitu dengé laku raos kéta reweng de lawa do éta Surga, “Aleluya! Selamak, mengit agu kuasa manga oné Mori Keraéng dité.

WIDANG SI’ANG ONÉ HI YOHANÉS 19:4

Suampulupat tu’a agu pat kaka situ, io agu suju Mori Keraéng hitut lonto bétan kedéra hitu, mai taéd, “Amén, Aleluya.”

WIDANG SI’ANG ONÉ HI YOHANÉS 21:22

Toé manga itan laku Mbaru Nggeluk bonén, ai weki run Mori Keraéng, Mori Pu’un Kuasa, agu Anak Jimbal ciri Mbaru Nggelukn.

WIDANG SI’ANG ONÉ HI YOHANÉS 4:5

Oné-mai seriga hitut oné beréha, tuan pasat agu genggus ata mpirang kétay runingn. Bolo-mai seriga situ, manga pitud culu ata ngai dila haok kid. Hitus dé pitu nai de Mori Keraéng.

WIDANG SI’ANG ONÉ HI YOHANÉS 6:1

Itug kali itan laku Anak Jimbal hitu nggé’i roku hitut laring cain oné-mai pitud roku situ. Dengé laku ca oné-mai patd kaka situ rewengn cama ného gentur de genggus, “Mai é!”

WIDANG SI’ANG ONÉ HI YOHANÉS 8:5

Itug kali emin dupa hitu le malékat, na’a bonén le api wara oné-mai compang agu wéwéng nggere-oné lino. Itu kali dengén mpirang genggus mésé, wili-welok pasat agu nupung.