WIDANG SI’ANG ONÉ HI YOHANÉS 18:10 - Bahasa Manggarai New Testament

¹⁰ Isé te hesé tadangs nitu-maid, ai rantang hena le wahéngn, agu mai jéjéngd, “Copél, Copél hau ge, oé béndar mésé Babél, béndar mberes, ai oné ca jam kaut wérét beté-bicar latang te hau!”

WIDANG SI’ANG ONÉ HI YOHANÉS 18:10 ပူးပေါင်းရင်းမြစ်များ

WIDANG SI’ANG ONÉ HI YOHANÉS 11:8

Rapu disé héla oné salangn béndar mésé, oné osang panggoln Mori disé. Ngasang alitn béndar hitu, caron Sodom ko Mesir.

WIDANG SI’ANG ONÉ HI YOHANÉS 14:8

Malékat te suan, lut hiay agu mai taén, “Polig rencon! Béndar mésé Babél polig rencon! Béndar hitu ata pandé langu sanggéd wa’u le anggorn, ngong belek da’at kudut loma.”

WIDANG SI’ANG ONÉ HI YOHANÉS 16:19

Béndar mésé hitu renco pati laing telu agu renco kolé sanggéd béndar de wa’u situt toé pecing Mori Keraéng. Béndar Babél kolé toé hémong te pandé copél le Mori Keraéng. Téing Liha piala hitut penong ali anggor rabo méséN.

WIDANG SI’ANG ONÉ HI YOHANÉS 17:12

Cepulu rangga situt ita le hau, ngong cepulu raja ata toé di cau kuasas. Maik isé te cau kuasas cama laing agu kaka hitu, ce-jam kali béhéngn.

WIDANG SI’ANG ONÉ HI YOHANÉS 18:18

Itu kali kepokd du ita lisé kembusn nus api oné-mai béndar hitut muntung, “Toé dé’it manga béndar bana ata mésén ného béndar ho’o.”

WIDANG SI’ANG ONÉ HI YOHANÉS 18:19

Isé wowor kebok oné wuwungd tanda walu, cang agu jéjéng, “Copél, copél, oé béndar mésé, ai lihas tara sanggéd atat manga kepal oné tacik, ciri boras. Maik oné ca jam kaut mora-meres taungs.

WIDANG SI’ANG ONÉ HI YOHANÉS 18:21

Poli hitu cengata malékat ata mberes téti ca watu ata cama mésé ného watu pénang, itu kali peké nggere-oné tacik, mai taén, “Nenggitu dé Babél, béndar mésé hitu, te wewak nggere-way, wiga toé manga tua kolén.

WIDANG SI’ANG ONÉ HI YOHANÉS 18:8

Landing le hitu, oné ca leso kaut sanggéd copél te hena hias, ngong puru, walu, agu darem. Hia te tapa ngkewusy oné api, ai mberesn Mori Keraéng hitut beté-bicar hia.”