WIDANG SI’ANG ONÉ HI YOHANÉS 16:9 - Bahasa Manggarai New Testament

⁹ Muntung ngkewus kéta taung manusia ali leng bail kolangn api hitu. Itug kali loér-lokétn lisé ngasang de Mori Keraéng hitut manga kuasan latang te sanggéd copél situ. Maik isé toé tesers oné-mai ndékok agu toé bong Mori Keraéng.

WIDANG SI’ANG ONÉ HI YOHANÉS 16:9 ပူးပေါင်းရင်းမြစ်များ

LUKAS 13:3

Toé yé! Taé daku ngong méu. Maik émé méu toé teserm, sanggés méu te calang ného nggitu kolém.

LUKAS 13:5

Toé! Taé Daku agu méu. Maik émé méu toé teserm, sanggés méu te calang ného nggitum.”

2 KORINTUS 12:21

Aku simpungk, émé mai kolék aku Mori Keraéng daku te pandé rendak aku oné ranga de méu. Aku te susa landing ata do situt danong pandé ndékoks toé di tesers oné mai ngoéng ata, loma agu sanggéd pandé da’at disé.

WIDANG SI’ANG ONÉ HI YOHANÉS 11:13

Og kali kéngkungn nupung mésé. Béndar hitu rencoy pati laing cepulu, pitu sebud ata mata ali nupung hitu. Sanggéd taung ata bana rantang da’ats, itug kali bong agu naring Mori Keraéng hitut éta Surga.

WIDANG SI’ANG ONÉ HI YOHANÉS 14:7

Hia curup agu reweng mésén, “Hiang ga agu bong Mori Keraéng, ai ho’og leson te toto beté-bicarN. Mai ga, te io agu suju Hia ata poli dédék tanan wa agu béangn éta, tacik agu sanggéd ulu waé.”

WIDANG SI’ANG ONÉ HI YOHANÉS 16:21

Usang bua ata mendon néténg weras anggatn lima-mpulu kilo, pa’u éta-mai awang rempé sanggén ata. Og kali manusia situ loér Mori Keraéngs, soho mésén kéta copél le usang bua hitu.

WIDANG SI’ANG ONÉ HI YOHANÉS 2:21

Aku poli téing hia sokor latang te teser, maik hia toé ngoéngn te teser oné mai pandé loman.

WIDANG SI’ANG ONÉ HI YOHANÉS 9:20

Maik manusia bana situt retangd, ata toé mata le copél hitu, toé kéta tesers te io pina-naéng. Isé ruda kétas io jing da’at agu io pina-naéng cao-ca oné-mai emas, pérak, perunggu, watu agu haju ata toé ngancéng ita, dengé ko lakos.