WIDANG SI’ANG ONÉ HI YOHANÉS 16:14 - Bahasa Manggarai New Testament

¹⁴ Hitus dé jing da’at ata pandé tanda lenget. Isé ngo cumang sanggéd raja oné temu tana lino, kudut wikit te cama laing rampas oné leso mésé, ngong leso de Mori Keraéng Ata Pu’un kuasa.

WIDANG SI’ANG ONÉ HI YOHANÉS 16:14 ပူးပေါင်းရင်းမြစ်များ

MATÉUS 24:14

Agu keréba di’a de Adak ho’o kudut te keréba oné temu tana linoy kudut sabin latang te sanggén uku, poli hitu itu pong caiy cemol.”

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

MARKUS 13:22

Ai te cais Mésias-Mésias Tangké agu nabi-nabi tangké, isé te pandé tanda agu tanda lenget kudut émé ngancéng, pandé copél ata poli lir.

LUKAS 2:1

Du hitu Kaisér Agustus téi ca perénta, jera bilang taungs ata temu tana lino.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

ROMA 1:8

Laring cain kéta aku wali di’a oné Mori Keraéng daku, le Yésus Kristus latang te sanggés méu, ai poli wéro-émbon keréba latang te imbi de méu oné temu tana lino.

2 TÉSALONIKA 2:9

Mai de manusia da’at hitu lorong gori de jing da’at, agu te loréng dod tanda lenget tangké.

2 TIMOTÉUS 4:1

Mori Keraéng Nai Nggeluk si’ang kéta curup’N, te nggere-olon tai mangas ata iwod toég imbi toing de Mori Yésus, maik lorong toing de guru tangké ata titong le jing da’at.

JAMES 3:15

Hitu toé nggalas éta mai, maik nggalas de lino, ngong nggalas de belek da’at agu nggalas de jing da’at.

1 YOHANÉS 5:19

Pecing lité te ité loas oné-mai Mori Keraéngd, koném po lino ho’o kuasa le jing da’aty.

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

WIDANG SI’ANG ONÉ HI YOHANÉS 13:3

Itug kali itan laku, cay oné-mai sanggéd sa’in, manga réu ata ina gi. Maik émé danong réu hitu ngancéng copél mosén. Sanggén ata oné temu tana lino lenget kéta taungs, itu kali lut kaka hitud.

WIDANG SI’ANG ONÉ HI YOHANÉS 16:16

Itug kali telu jing da’at situ impung sanggéd raja oné ca osang, ngasangn Harmagédon oné curup Ibrani.

WIDANG SI’ANG ONÉ HI YOHANÉS 16:7

Itug kali dengén laku reweng oné-mai compang hitu, “Yo Mori, Mori Keraéng, Ata Pu’un Kuasa, molor agu agil sanggéd beté-bicar Dité.”

WIDANG SI’ANG ONÉ HI YOHANÉS 17:14

Isé kudut rampas dungkang Anak Jimbal. Maik Anak Jimbal hitu agu sanggéd ata situt imbi Hias, ngong isét poli piléd agu poli béntad, ngancéng pandé kodas raja situ, ai Anak Jimbal hitu dé, Mori de sanggéd mori agu Raja de sanggéd raja.”

WIDANG SI’ANG ONÉ HI YOHANÉS 20:8

Hia ngo oné pat bincung lino kudut pandé wéléng sanggéd wa’u, ngong hi Gog agu hi Magog. Og kali impungd bantang te rampas. Dod weki disé cama ného laing sili tacik.

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.

WIDANG SI’ANG ONÉ HI YOHANÉS 6:17

Ai caig leson rabo mésé disé. Céing kéta ata ngancéng ta’ongn rabo hitu?