WIDANG SI’ANG ONÉ HI YOHANÉS 15:3 - Bahasa Manggarai New Testament

³ Itu kali étan lise déré de Anak Jimbal agu déré di Musa, mendi de Mori Keraéng hitu. Nggo’oy icin déré hitu: “Mésé agu lenget laing sanggéd gori Dité yo Mori, Mori Keraéng Ata Pu’un kuasa! Agil agu molor sanggéd salang Dité, yo Raja de sanggéd wa’u!

WIDANG SI’ANG ONÉ HI YOHANÉS 15:3 ပူးပေါင်းရင်းမြစ်များ

YOHANÉS 1:17

ai Adak Taurat ata widang li Musa, maik widang momang agu ata molorn mai oné mai hi Yésus Kristus.

2 TIMOTÉUS 1:17

Nahé sanggén taung ata, hiang agu bong Mori Keraéng hitut tédéng lén, ata toé ita le matay agu ata léca’y. Hia de Raja ata perénta tédéng lén! Amén.

IBRANI 3:5

Tu’ung hi Musa junggu oné sanggéd gori keturu latang te mbaru de Mori Keraéng, te téing saka-si latang te keréba du leso nggere-olon.

WIDANG SI’ANG ONÉ HI YOHANÉS 1:8

“Aku dé Du Wangkan agu Du Cemoln,” curup de Mori Keraéng, hitut manga, poli mangan, hitut kudut maiy, agu pu’un kuasa.

WIDANG SI’ANG ONÉ HI YOHANÉS 11:17

cang agu taéd, “Yo Mori, Mori Keraéng Ata Pu’un kuasa, ata manga agu ata poli mangan. Ami wali di’a oné Ité, ai Ité poli cau kuasa méséD agu ciri Raja ata pu’ungn perénta.

WIDANG SI’ANG ONÉ HI YOHANÉS 14:3

Ata situt ceratus patmpulu pat sebu, téti ca déré weru bolo-mai seriga ata léok le patd kaka agu sanggéd tu’a. Toé kéta manga ata banan ata baén déré weru hitu, hanang isét ceratus patmpulu pat sebu ata poli célad oné-mai lino.

WIDANG SI’ANG ONÉ HI YOHANÉS 14:8

Malékat te suan, lut hiay agu mai taén, “Polig rencon! Béndar mésé Babél polig rencon! Béndar hitu ata pandé langu sanggéd wa’u le anggorn, ngong belek da’at kudut loma.”

WIDANG SI’ANG ONÉ HI YOHANÉS 17:14

Isé kudut rampas dungkang Anak Jimbal. Maik Anak Jimbal hitu agu sanggéd ata situt imbi Hias, ngong isét poli piléd agu poli béntad, ngancéng pandé kodas raja situ, ai Anak Jimbal hitu dé, Mori de sanggéd mori agu Raja de sanggéd raja.”

WIDANG SI’ANG ONÉ HI YOHANÉS 19:16

Oné jubaN agu oné pa’aN, manga tulis ngasang ho’o: “Raja de sanggéd raja agu Mori de sanggéd mori.”

WIDANG SI’ANG ONÉ HI YOHANÉS 19:2

Beté-bicar Diha molor agu agiln. Polig liha wahéngn iné-wai mbérong mésé hitu, ata pandé rowak lino ali loman. Mori Keraéng poli wahéngn iné-wai mbérong hitu te léko dara de sanggéd mendiN.”

WIDANG SI’ANG ONÉ HI YOHANÉS 4:8

Néténg kaka situ manga gici enem lebéd, boné agu be pe’ang lebé situ lanar mata. Toé kéta beténgs déré naring wié-lesod: “Nggeluk, nggeluk, nggeluk ga Mori Keraéng, Mori ata Pu’un Kuasa, ata poli mangan, ata mangan agu hitut kudut maiy.”