WIDANG SI’ANG ONÉ HI YOHANÉS 14:10 - Bahasa Manggarai New Testament

¹⁰ hia te inung anggor ata toé manga halokn, ngong rabo mésé de Mori Keraéng ata poli légén oné piala. Ata nenggitu te wahéng ali api agu mburé bolo-mai ranga de sanggéd malékat nggeluk agu de Anak Jimbal.

WIDANG SI’ANG ONÉ HI YOHANÉS 14:10 ပူးပေါင်းရင်းမြစ်များ

MATÉUS 20:22

Maik mai walé de Mori Yésus, taén: “Toé pecing le méu, apa hitut tegi de méu. Ngancéng weli le méu inung piala, hitut paka inung kéta lakuy?” Mai taé disé agu Hia: “Ngancéng lami.”

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

MATÉUS 26:39

Itu kali Hia lako nggere-olo cekoén, tikuly agu ngaji, mai taéN: “Yo Ema, Emét ngancéng kéta, co’om laun piala séang ho’o oné mai Akun; landing néka ného hitut ngoéng Daku, maik lorong hitut baté ngoéng Dité.”

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

MARKUS 9:44

oné osang hitu, uli toé ngancéng matas, agu api toé manga pesan.]

TOMBO PÉTÉ GORI DE RASUL-RASUL 10:22

Mai walé disé: “Hi Kornélius cengata kepala serdadu ata nggeluk agu hiang Mori Keraéng, agu pecing taung lata di’a diha, oné mai sanggéd wa’u Yahudi poli toi le malékat nggeluk, kudut hia siro ité, nggere-oné mbarun, agu kudut séngét apa kaut tombo dité agu hia.”

2 TÉSALONIKA 1:7

Agu latang te méu ata rémé ta’ong susa – nenggitu kolé latang te ami - Mori Keraéng te téing cembes oné méu du leso wa’un Mori Yésus éta-mai Surga agu toto wekin, cama laing agu sanggéd malékat situt manga kuasa méséd oné api hitut dila haok.

YUDAS 1:7

Cama ného hitu, Sodom agu Gomora agu sanggéd béndar baling maid, ata poli loma ata agu léor belek da’at, poli tanggong wahéng oné api tédéng lén luing langga latang te sanggén ata.

WIDANG SI’ANG ONÉ HI YOHANÉS 15:7

Ca oné-mai patd kaka situ, téing oné malékat pitu situ, pitud piala emas ata penong ali rabo de Mori Keraéng.

WIDANG SI’ANG ONÉ HI YOHANÉS 16:19

Béndar mésé hitu renco pati laing telu agu renco kolé sanggéd béndar de wa’u situt toé pecing Mori Keraéng. Béndar Babél kolé toé hémong te pandé copél le Mori Keraéng. Téing Liha piala hitut penong ali anggor rabo méséN.

WIDANG SI’ANG ONÉ HI YOHANÉS 18:3

Tara rencon béndar hitu, ai sanggéd wa’u poli inung anggor belek da’atn kudut loma. Sanggéd raja oné lino poli loma agu hiad, agu sanggéd ata dagang poli ciri borad ali toé ngancéng po’é belek da’atn.”

WIDANG SI’ANG ONÉ HI YOHANÉS 18:6

Lékos le méu apa ata poli pandé diha latang te méu, agu lékos le méu oné hia suangkali alép lorong pandén, halok kolé oné pialan anggor rani suangkali alép.

WIDANG SI’ANG ONÉ HI YOHANÉS 19:15

Oné-mai mu’uN, losa ca keléwang harat latang te béba sanggéd wa’u wiga kodas. Hia te perénta isé ali dongkar beci. Kera anggorN oné watu pénang, ngong cumpeng de Mori Keraéng Ata Pu’un Kuasa.

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.

WIDANG SI’ANG ONÉ HI YOHANÉS 20:14

Poli hitu, Mata agu Adak de mata hitu peké nggere-oné api méséy. Hituy dé mata te suan: Api mésé, ngong api neraka.

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”