WIDANG SI’ANG ONÉ HI YOHANÉS 13:14 - Bahasa Manggarai New Testament

¹⁴ Hia pandé wéléng isét ka’éng oné lino le tanda lenget hitut sendos te pandé liha bolo-mai ranga de kaka hitut laring cain. Sanggéd isé, jeras liha te hesé ca patung ata taran ného kaka hitut poli réu ali sempilang, maik ngai mosé kin. Patung hitu paka io agu suju lisé.

WIDANG SI’ANG ONÉ HI YOHANÉS 13:14 ပူးပေါင်းရင်းမြစ်များ

2 TÉSALONIKA 2:4

Ata bali hitut pandé langkas weki run, ko rékéng weki run ného Hia kéta Mori Keraéng, ngot lonto hia one mbaru de Mori Keraéng, agu kudut senta weki run neho Mori Keraéng'y.

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

WIDANG SI’ANG ONÉ HI YOHANÉS 13:1

Poli hitu, ita laku ca kaka ata pé’ang oné-mai tacik délem, cepulud ranggan agu pitud sa’in. Néténg ranggan manga songkok agu oné néténg sa’in manga tulis te loér-lokét Mori Keraéng.

WIDANG SI’ANG ONÉ HI YOHANÉS 13:15

Kaka te suan hitu sendong te pur nai nggere-oné patung hitu, wiga patung hitu ngancéng tomboy agu ngancéng mbelé sanggéd atat toé io hias.

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.

WIDANG SI’ANG ONÉ HI YOHANÉS 14:11

Nus api hitut wahéng isé, toé ké’ét kembusn nggere-éta caing tédéng lén. Wié-lesod isé tiba wahéngs, ngong isét io kaka agu patungn hitu, agu céing kaut ata poli tiba palas ngasang de kaka hitu.”

WIDANG SI’ANG ONÉ HI YOHANÉS 14:9

Malékat te telun, lut kolé iséy agu mai taén, “Émé cengata io kaka agu patungn hitu, agu tiba palas oné sa’i galan ko oné limén,

WIDANG SI’ANG ONÉ HI YOHANÉS 15:2

Ita kolé laku cao-ca ného tacik sereméng halok le api. Oné lupi tacik sereméng hitu, hesés sanggéd ata situt poli ontong dungkang kaka situ agu patungd agu angka ngasangn. Isé cau kecapi ata téing de Mori Keraéng.

WIDANG SI’ANG ONÉ HI YOHANÉS 16:13

Ita kolé laku telud jing da’at ata ba tara de ngerék, losa oné-mai mu’u de manunggé, mu’u de kaka agu mu’u de nabi tangké.

WIDANG SI’ANG ONÉ HI YOHANÉS 16:2

Og ngon Malékat hitut laring cain agu cok liha ici pialan nggere-oné lino. Itug kali tuad wicul ata pandé copél laing oné sanggéd ata situt manga palas de kaka hitu agu isét suju patungn.

WIDANG SI’ANG ONÉ HI YOHANÉS 18:23

Gérak de lampum, pesa gi. Ramé kawing toég manga. Ai sanggéd ata dagangm danong ciri tuang mésé oné lino, agu ali mbeko jantom pandé wéléng sanggéd wa’u.”

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

WIDANG SI’ANG ONÉ HI YOHANÉS 2:10

Néka rantang méu te ta’ong susa! Ata tu’ungn jing da’at te peké pisa tau weki de méu nggere-oné bui. Méu ta’ong susa tédéng cepulu leso. Pandé hitu de jing da’at, kudut damang agu susa méu. Méu kali ga, poro junggu dengkir matas. Ali hitu, Aku widang méu mosé tédéng lén.

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.