WIDANG SI’ANG ONÉ HI YOHANÉS 12:9 - Bahasa Manggarai New Testament

⁹ Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

WIDANG SI’ANG ONÉ HI YOHANÉS 12:9 ပူးပေါင်းရင်းမြစ်များ

MATÉUS 13:39

Ata bali hitut wécak wini ri’i, ngong jing da’at. Cekeng ako, ngong du cemoln lino agu sanggéd ata ako, ngong malékat.

MATÉUS 24:24

Ai mésias-mésias tangké agu nabi-nabi tangké-té cais agu isét ngancéng pandé tanda mésé agu tanda lenget, wiga émé ngancéng kolé pandé wéléng ata poli lird.

MATÉUS 25:41

Agu mai kolé curup Diha agu ata situt oné racap léon: Néka ita wa ranga Dakum, oé méut niur, ngo oné api utung tédéng lén ata poli muing améngn latang te jing da’at agu haé didingn.

MATÉUS 4:1

Mai nitu main, og dadén Mori Yésus le Nai Nggeluk nggere-éta satar mambak kudut kapang le jing da’aty.

MATÉUS 4:10

Mai taé de Mori Yésus ngong hia: “Ngoh ga, hau jing da’at! Ai manga poli tulisn: Hau paka io agu suju Mori Keraéngm agu hanang Hia kali ata patun te hiang!”

MATÉUS 4:5

Poli hitu jing da’at dadé Hia nggere-oné béndar Nggeluk agu peher Hia éta bubung Mbaru de Mori Keraéng,

MATÉUS 4:8

Dadé kolé le jing da’at hitu nggeréta poco hiot langkas kétay agu toi oné Hias sanggéd rajad lino siot angosn kéta,

LUKAS 10:18

Mai taé de Mori Yésus ngong isé: “Aku ita jing da’at pa’u ného hilaty éta mai awang.

LUKAS 13:16

Toé weli inéwai ho’o, ata campulu alo ntaung pongo le jingy, paka caca oné mai pongon hitu, ai hia anak di Abraham?”

LUKAS 22:3

Itug kali kuasa le jing da’atn hi Yudas hitut caron Iskariot, cengata oné mai ata nungku situt campulusua.

LUKAS 22:31

Simon, Simon, lélo dé, jing da’at poli soré kudut tepi ného wojas.

LUKAS 8:12

Tana lupi salang, ngong ata siot poli dengéd curup situ; ného cepisan maig jing da’at emi curup situ oné mai nai diséd, kudut isé néka imbi agu néka selamaks.

YOHANÉS 12:31

Ho’og ruda olon beté-bicar te lino ho’o, te ho’on muing Hiat kuasa lino ho’o, te wéwéng nggere-pé’angy.

YOHANÉS 14:30

Aku toég manga kolé do curupg agu méu, hiat kuasan lino ho’o maiy, agu hia toé kéta manga kuasa koé cekoén oné weki Daku.

YOHANÉS 16:11

ngong beté-bicar: ai hiat kuasan lino ho’o polig wahéngn.

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

TOMBO PÉTÉ GORI DE RASUL-RASUL 26:18

kudut cengka mata disé, kudut isé holés oné mai nendep nggere-oné néra agu oné mai kuasa de jing da’at nggere-oné Mori Keraéng, kudut isé ali imbid oné Aku, tiba ampong ndékoks agu tiba reco oné mai apa ata poli wérét latang te sanggéd ata nggeluk.

TOMBO PÉTÉ GORI DE RASUL-RASUL 5:3

Maik taé li Pétrus: “Ananias, co’o tara kuasa le jing da’atn nai de hau, wiga hau nggopét agu Nai Nggeluk agu po’é iwod oné mai pika tanam hitu?

ROMA 16:18

Ai sanggéd ata nenggitu toé keturu latang te hi Kristus, Mori dité, maik keturu kaut tuka rud. Ali curup ata di’an agu ali curup ata mecikn isé nggopét atas siot lulus naid.

ROMA 16:20

Mori Keraéng pu’un hambor-meler te gélang pandé ampus jing da’at be-wa mai wa’i de méu. Tabing de Mori Yésus, Mori dité, loréng méu!

2 KORINTUS 11:14

Néka lenget laing émé nenggitu pandé disé, ai jing da’at kolé tangké ného malékat de Gérak.

2 KORINTUS 11:3

Maik aku simpung kolék, émé nuk de méu wéléng kolé te toé junggu oné hi Kristus, cama ného hi Hawa danong hena le nggopét de ular hitut jondér.

2 KORINTUS 12:7

Agu kudut aku néka mésé-nai laing landing sanggéd si’ang situt toé cungs, itu tara téi beti oné wekig ata jera le jing da’at te wajo akuy, kudut aku néka mésé-nai.

2 KORINTUS 2:11

kudut jing da’at néka pandé nggopét ité, ai pecing lité apa betuan ngoéng diha.

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

2 TÉSALONIKA 2:3

Méu néka ndong pandé wéléng lata, ali co’o kaut pandén! Ai bolon leso cemol hitu, do kéta ata lawang Mori Keraéng agu pandé si’ang kétas di manusia ata da’at hitut paka ampus.

2 TIMOTÉUS 2:14

Céwén kolé, toé hi Adam hitut hena le damang, maik iné-wai hitu ata hena le damang agu pa’u oné ndékoky.

2 TIMOTIUS 3:13

Nakat ata da’at agu ata nggopét te tambang da’ats, isé te wéléngs agu pandé wéléngs lata.

IBRANI 2:14

Ai sanggéd anak situ manusia ata ngancéng mata. Itu tara Hia kolé ciri cama ného isé agu lut cama ného isé. Kudut lut mata Diha, Hia pandé lerak jing da’at hitut manga kuasan latang te mata.

1 PETRUS 5:8

Doing agu jerék koém! Ai jing da’at hitut bali de méu, cama ného acu rani ata lolo kin te cekel méu.

1 YOHANÉS 5:19

Pecing lité te ité loas oné-mai Mori Keraéngd, koném po lino ho’o kuasa le jing da’aty.

YUDAS 1:9

Ngot hi Mikhaél tu’a de sanggéd malékat, du léwang tau agu jing da’at latang te rapu di Musa, toé cukung te wahéng jing da’at hitu ali curup loér, maik nggo’o kaut taé, “Nahé Mori Keraéng renti hauy!”

WIDANG SI’ANG ONÉ HI YOHANÉS 12:12

Landing hitu, naka ga, oé Surga agu sanggés taung méut ka’éng bonén! Maik copél da’at, oé lino agu tacik, ai Jing da’at hitu, poli wa’u oné méun déméng rabo mésén, ai pecing liha ho’o wa ranga’g leson.”

WIDANG SI’ANG ONÉ HI YOHANÉS 12:3

Itu kali ita ca tanda bana éta awang; agu lélo ga, ca manunggé ata ndéréng-werot kétay, manga pitud sa’in agu cepulud ranggan. Éta sa’in hitu, manga pitud songkok.

WIDANG SI’ANG ONÉ HI YOHANÉS 12:7

Poli hitu tuan rampas éta Surga. Sanggéd malékat agu tu’ad hi Mikaél rampas te dungkang manunggé hitu. Koném po manunggé hitu campé le sanggéd malékatn,

WIDANG SI’ANG ONÉ HI YOHANÉS 12:8

maik toé ngancéng ta’ang lisé wiga kodas; og wurd éta-mai osang Surga.

WIDANG SI’ANG ONÉ HI YOHANÉS 13:14

Hia pandé wéléng isét ka’éng oné lino le tanda lenget hitut sendos te pandé liha bolo-mai ranga de kaka hitut laring cain. Sanggéd isé, jeras liha te hesé ca patung ata taran ného kaka hitut poli réu ali sempilang, maik ngai mosé kin. Patung hitu paka io agu suju lisé.

WIDANG SI’ANG ONÉ HI YOHANÉS 16:14

Hitus dé jing da’at ata pandé tanda lenget. Isé ngo cumang sanggéd raja oné temu tana lino, kudut wikit te cama laing rampas oné leso mésé, ngong leso de Mori Keraéng Ata Pu’un kuasa.

WIDANG SI’ANG ONÉ HI YOHANÉS 18:2

Mai kepok de malékat hitu, “Polig rencon! Polig rencon Babél, béndar mésé hitu! Béndar hitu poli ciri osang ka’éng agu osang tepeng de sanggéd jing da’at agu sanggéd kaka rinek.

WIDANG SI’ANG ONÉ HI YOHANÉS 18:23

Gérak de lampum, pesa gi. Ramé kawing toég manga. Ai sanggéd ata dagangm danong ciri tuang mésé oné lino, agu ali mbeko jantom pandé wéléng sanggéd wa’u.”

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

WIDANG SI’ANG ONÉ HI YOHANÉS 2:13

Pecing Laku nia méu ka’éngs, ngong oné osang seriga de jing da’at. Méu junggu oné Aku, ngot metek kin imbis oné Aku, agu du uwa di Antipas saka-si Daku ata junggu oné Aku, ata mbelé bolo ranga de méu oné osang de jing da’at.

WIDANG SI’ANG ONÉ HI YOHANÉS 2:24

Maik latang te méu, sanggéd ata bana oné Tiatira, ata toé lorong toing da’at hitu agu toé kawé co’oy lok lé-lok laun jing da’at, taé Laku agu méu: Aku toé gorig te tambang mendo bana oné méu.

WIDANG SI’ANG ONÉ HI YOHANÉS 2:9

Pecing laku susa agu lénggé de méu, maik bora kis méu. Pecing kolé laku sanggéd pocu latang te méu oné-mai isét caro weki rud ata Yahudi, kalim po toé. Ai isé situ ro’éng de jing da’ats.

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.

WIDANG SI’ANG ONÉ HI YOHANÉS 20:8

Hia ngo oné pat bincung lino kudut pandé wéléng sanggéd wa’u, ngong hi Gog agu hi Magog. Og kali impungd bantang te rampas. Dod weki disé cama ného laing sili tacik.

WIDANG SI’ANG ONÉ HI YOHANÉS 3:9

Lélo dé, pisa taus oné-mai ro’éng de jing da’at, ngong isé situt ata caro weki rud ata Yahudi, kalim po toé. Isé situ ata nggopéts. Isé situ te téings Laku oné méu, kudut isé suju olo-mai wa’i de méu agu kudut baé lisé te Aku momang méuk.

WIDANG SI’ANG ONÉ HI YOHANÉS 9:1

Og kali tebang terompetn malékat hitut te liman, ita laku can ntala ata pa’u éta-mai awang nggere-wa lino. Hia tiba kunci de ngampang mata.

WIDANG SI’ANG ONÉ HI YOHANÉS 9:20

Maik manusia bana situt retangd, ata toé mata le copél hitu, toé kéta tesers te io pina-naéng. Isé ruda kétas io jing da’at agu io pina-naéng cao-ca oné-mai emas, pérak, perunggu, watu agu haju ata toé ngancéng ita, dengé ko lakos.