WIDANG SI’ANG ONÉ HI YOHANÉS 12:4 - Bahasa Manggarai New Testament

⁴ Le ikon sorok pati telus ntala éta awang agu péncars liha nggere-wa tana lino. Itu kali hesén manunggé hitu bolo-mai iné-wai hitut kudut loas, jengkek te omet muing Anakn du poli loasn.

WIDANG SI’ANG ONÉ HI YOHANÉS 12:4 ပူးပေါင်းရင်းမြစ်များ

YOHANÉS 8:44

Méu mai oné mai emas ata jing da’at, wiga méu nanang pandé apa ata ngoéng de emas. Hia ata mbeléd manusia pu’ung kéta du wangkan, agu hia toé mosé laing patén, ai oné hia toé mangay molor. Émé manga tombo nggopétn hia, hitu curup de run, ai hia ata nggopét, agu améd sanggéd nggopét.

1 PETRUS 5:8

Doing agu jerék koém! Ai jing da’at hitut bali de méu, cama ného acu rani ata lolo kin te cekel méu.

WIDANG SI’ANG ONÉ HI YOHANÉS 12:7

Poli hitu tuan rampas éta Surga. Sanggéd malékat agu tu’ad hi Mikaél rampas te dungkang manunggé hitu. Koném po manunggé hitu campé le sanggéd malékatn,

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

WIDANG SI’ANG ONÉ HI YOHANÉS 13:2

Kaka hitut ita daku, ného kéta énggo mésé, wa’in ného wa’i de beruang agu mu’un ného mu’u de singa. Manunggé hitu téing oné kaka hitu mberesn, serigan agu kuasa mésén.

WIDANG SI’ANG ONÉ HI YOHANÉS 13:4

Io lisé manunggé hitu, ai hia téing kuasan oné kaka hitu. Ion kolé lisé kaka hitu, mai taéd, “Céing kéta ata cama ného kaka ho’o? Céing kéta lakin te dungkang hia?”

WIDANG SI’ANG ONÉ HI YOHANÉS 16:13

Ita kolé laku telud jing da’at ata ba tara de ngerék, losa oné-mai mu’u de manunggé, mu’u de kaka agu mu’u de nabi tangké.

WIDANG SI’ANG ONÉ HI YOHANÉS 17:18

Iné-wai mbérong hitut ita le hau, ngong béndar mésé hitut perénta sanggéd raja oné lino.”

WIDANG SI’ANG ONÉ HI YOHANÉS 20:2

Deko liha manunggé, ular tu’a hitu, ngong Jing Da’at, agu pongo liha tédéng ca sebu ntaung.

WIDANG SI’ANG ONÉ HI YOHANÉS 8:10

Du tebangn terompét le malékat hitut te telun, pa’u ca ntala mésé éta-mai awang dila-haok mana culuy, agu hena pati laing telus ngalor agu ulu waé.

WIDANG SI’ANG ONÉ HI YOHANÉS 8:11

Ngasangn ntala hitu, Apsintus, ngong “Pa’it.” Pati laing telus waé ciri pa’its, agu dod ata mata le inung waé pa’it situ.

WIDANG SI’ANG ONÉ HI YOHANÉS 8:12

Du tebangn terompét le malékat hitut te patn, capék pati laing telus mata leso, wulang agu sanggéd ntala, wiga mora pati laing telus nérad. Mora pati laing telus gérak de leso, nenggitu kolé wié.

WIDANG SI’ANG ONÉ HI YOHANÉS 8:7

Du tebangn terompét le malékat hitut laring cain, rodo wéwéngs usang bua agu api ata halok le daray nggere-cé’é lino. Og kali muntung pati laing telus lino agu haju, agu ngkewus taungs sanggéd remang ta’a.

WIDANG SI’ANG ONÉ HI YOHANÉS 8:8

Du tebangn terompét le malékat hitut te suan, manga cao-ca ného kéta poco méséy ata dila-haok ali api wéwéng nggere-oné tacik. Tacik hitu pati laing telus ciri daray,

WIDANG SI’ANG ONÉ HI YOHANÉS 8:9

wiga ampus pati laing telus ici tacik agu kepaln.

WIDANG SI’ANG ONÉ HI YOHANÉS 9:10

Oné ikod, manga lacu’n cama ného lacu letik. Bonén ikod situ manga kuasad kudut wahéng manusia tédéng lima wulang.

WIDANG SI’ANG ONÉ HI YOHANÉS 9:19

Ai kuasa de jarang situ manga oné mu’ud agu oné ikod. Ai ikod cama ného ular ata manga sa’id; agu ali ikod situ isé wahéng manusia.