WIDANG SI’ANG ONÉ HI YOHANÉS 12:1 - Bahasa Manggarai New Testament

¹ Poli hitu ita ca tanda mésé éta awang: Cengata iné-wai rédung laing mata lesoy, wulang wa wa’in agu éta sa’in tesong bali-bélo oné-mai campulusuad ntala.

WIDANG SI’ANG ONÉ HI YOHANÉS 12:1 ပူးပေါင်းရင်းမြစ်များ

MATÉUS 12:38

Lété hitu, mai taé data pecing Taurat agu ata Parisi ngong Mori Yésus: “Tuang Guru, ami ngoéng te lélo can tanda oné mai Ité.”

MATÉUS 24:30

Du hitu te ita tanda de Anak Manusia éta awang agu sanggéd uku oné lino te jéjéngs agu te ita lisé Anak Manusia hitu mai lobo rewung éta awang déméng agu kuasa mésén agu angosn.

MARKUS 13:25

agu ntala pa’u taungs, awang agu sanggéd icin gégo taungs.

LUKAS 21:11

agu te tua nupung mésé: néténg tana te teka némba agu darem mésé, agu te manga kolé apa ata wéda laingn, agu tanda situt winggar laing éta mai awang.

LUKAS 21:25

“Agu te manga tanda éta mataleso, wulang agu ntala, agu oné lino sanggéd manusia te rantang agu ngingi-ngangangs dengé ngangut agu tuké bombang.

YOHANÉS 3:29

Ata ngaran wina molas hiat kopé harat; maik haé reba dihat kopé harat ata hesé ruis hia agu ata séngét hias nisang kéta naid dengé reweng dihat kopé harat hitu. Hituy nisang nai daku, agu te ho’on nisang naig hitu penongy.

TOMBO PÉTÉ GORI DE RASUL-RASUL 2:19

Aku te pandé tanda lenget éta awang agu tanda ata dio-dolok be-wa, oné lino, dara agu api agu nus.

ROMA 13:14

Maik nggiling laing Mori Yésus Kristus agu néka lorong belek de weki hitut pandé lo’o todong kaut.

ROMA 3:22

Ngong Mori Keraéng tiba sangged manusia le imbi oné Yésus Kristus, toé manga woléngd.

2 KORINTUS 11:2

Ai aku kembung méuk neho kembung de Mori Keraéng. Ai aku poli pandé naca méu agu cengata ata rona, kudut dadé méu ného ata molas nggeluk oné hi Kristus.

GALATIA 3:27

Ai sanggés taung méut cebong le ngasang di Kristus, poli tiba ba weki di Kristus.

GALATIA 4:26

Maik Yérusalém oné Surga, ngong iné-wai hitut toé mendi agu hia hitu endé dité.

GALATIA 6:14

Maik aku toé gorig bombong rak, bo émé bombong rak oné panggol de Mori dité Yésus Kristus. Ai le mata Diha oné panggol, lino ho’o toé manga betuan latang te aku, ko aku latang té lino ho’o.

ÉFÉSUS 5:32

Curup ho’o délem betuan, ngong woé-joé di Kristus agu weki serani.

WIDANG SI’ANG ONÉ HI YOHANÉS 1:20

Ho’os pété ceha ntala situt pitu ata poli ita le hau oné limé wanang Daku, agu pété ceha pitud wa’i lampu emas situ: Pitu ntala situ ngong malékat de pitu liup weki serani, agu pitu wa’i lampu situ ngong pitu liup weki serani.”

WIDANG SI’ANG ONÉ HI YOHANÉS 11:19

Itug kali céngkan Mbaru Nggeluk de Mori Keraéng éta Surga agu itay Peti Reké oné Mbaru Nggeluk hitu. Og wili-welokn pasat agu mpirang genggus, nupung mésé agu usang bua.

WIDANG SI’ANG ONÉ HI YOHANÉS 12:3

Itu kali ita ca tanda bana éta awang; agu lélo ga, ca manunggé ata ndéréng-werot kétay, manga pitud sa’in agu cepulud ranggan. Éta sa’in hitu, manga pitud songkok.

WIDANG SI’ANG ONÉ HI YOHANÉS 15:1

Itug kali itan laku ca tanda lenget mésé bana éta awang. Manga pitud malékat ata ba pitud copél turung cemol. Hitus kali cemold rabo de Mori Keraéng.

WIDANG SI’ANG ONÉ HI YOHANÉS 21:14

Turéng de béndar hitu, hesé lobo campulusua watu ligéng ata manga tulis ngasang de campulusua rasul de Anak Jimbal.

WIDANG SI’ANG ONÉ HI YOHANÉS 21:23

Béndar hitu toé manga sékék mata leson agu wulang latang te néran, ai mengit de Mori Keraéng pandé néran agu Anak Jimbal hitu luing lampun.