WIDANG SI’ANG ONÉ HI YOHANÉS 11:19 - Bahasa Manggarai New Testament

¹⁹ Itug kali céngkan Mbaru Nggeluk de Mori Keraéng éta Surga agu itay Peti Reké oné Mbaru Nggeluk hitu. Og wili-welokn pasat agu mpirang genggus, nupung mésé agu usang bua.

WIDANG SI’ANG ONÉ HI YOHANÉS 11:19 ပူးပေါင်းရင်းမြစ်များ

WIDANG SI’ANG ONÉ HI YOHANÉS 11:13

Og kali kéngkungn nupung mésé. Béndar hitu rencoy pati laing cepulu, pitu sebud ata mata ali nupung hitu. Sanggéd taung ata bana rantang da’ats, itug kali bong agu naring Mori Keraéng hitut éta Surga.

WIDANG SI’ANG ONÉ HI YOHANÉS 11:15

Du tebangn terompét le malékat hitut te pitun, dengé reweng ata raos kéta oné Surga, “Kuasa te perénta lino, oné limé de Mori dité agu oné limé Diha hitut poli palasN. Hia dé Raja te perénta tédéng lén.”

WIDANG SI’ANG ONÉ HI YOHANÉS 12:1

Poli hitu ita ca tanda mésé éta awang: Cengata iné-wai rédung laing mata lesoy, wulang wa wa’in agu éta sa’in tesong bali-bélo oné-mai campulusuad ntala.

WIDANG SI’ANG ONÉ HI YOHANÉS 16:1

Itug kali dengén laku reweng ata getas kétay oné-mai Mbaru Nggeluk, curup agu pitu malékat situ, “Ngom ga agu cok icid pitu piala rabo de Mori Keraéng hitu nggere-oné lino.”

WIDANG SI’ANG ONÉ HI YOHANÉS 16:18

Og kali wili-welokn pasat agu mpirang genggus, agu tuan nupung mésé ata toé dé’it manga nenggitun du pu’ung mangan manusia oné lino. Hituy dé nupung ata mésé tu’ung.

WIDANG SI’ANG ONÉ HI YOHANÉS 16:21

Usang bua ata mendon néténg weras anggatn lima-mpulu kilo, pa’u éta-mai awang rempé sanggén ata. Og kali manusia situ loér Mori Keraéngs, soho mésén kéta copél le usang bua hitu.

WIDANG SI’ANG ONÉ HI YOHANÉS 19:11

Itug kali itan laku céngkay para Surga. Manga ca jarang jampi agu Hiat létin, ngasangn: “Ata Junggu agu Molor.” Hia agiln oné beté-bicar agu oné rampas.

WIDANG SI’ANG ONÉ HI YOHANÉS 4:1

Poli hitu ita laku: Ca para éta Surga ngai céngka kin agu reweng hitut dengé laku danong, tombo oné aku cama ného runing de terompét, “Maih wa mai ga, Aku te toto oné hau apa ata paka jari laingn tai.”

WIDANG SI’ANG ONÉ HI YOHANÉS 4:5

Oné-mai seriga hitut oné beréha, tuan pasat agu genggus ata mpirang kétay runingn. Bolo-mai seriga situ, manga pitud culu ata ngai dila haok kid. Hitus dé pitu nai de Mori Keraéng.

WIDANG SI’ANG ONÉ HI YOHANÉS 7:15

Itu tara heséd isé bolo-mai seriga de Mori Keraéng agu ngaji wié-lesod oné Mbaru Nggeluk Diha. Itug kali Hia hitut lonto éta seriga, lekap ndéiN kudut sémbéng isé.

WIDANG SI’ANG ONÉ HI YOHANÉS 8:5

Itug kali emin dupa hitu le malékat, na’a bonén le api wara oné-mai compang agu wéwéng nggere-oné lino. Itu kali dengén mpirang genggus mésé, wili-welok pasat agu nupung.

WIDANG SI’ANG ONÉ HI YOHANÉS 8:7

Du tebangn terompét le malékat hitut laring cain, rodo wéwéngs usang bua agu api ata halok le daray nggere-cé’é lino. Og kali muntung pati laing telus lino agu haju, agu ngkewus taungs sanggéd remang ta’a.