WIDANG SI’ANG ONÉ HI YOHANÉS 11:13 - Bahasa Manggarai New Testament

¹³ Og kali kéngkungn nupung mésé. Béndar hitu rencoy pati laing cepulu, pitu sebud ata mata ali nupung hitu. Sanggéd taung ata bana rantang da’ats, itug kali bong agu naring Mori Keraéng hitut éta Surga.

WIDANG SI’ANG ONÉ HI YOHANÉS 11:13 ပူးပေါင်းရင်းမြစ်များ

YOHANÉS 9:24

Itu kali bénta kolé te suangkalin ata hitut baon butay, mai taéd ngong hia: “Curup kéta ata tu’ungn oné ranga de Mori Keraéng; Pecing lami hia hitu ata ndékoky.”

TOMBO PÉTÉ GORI DE RASUL-RASUL 1:15

Manga ca leso hi Pétrus hesé oné bahi-réha asé-ka’én situt ca imbis, lari liup neki cad, aram ceratus suampulu atas dod, mai taén:

WIDANG SI’ANG ONÉ HI YOHANÉS 11:11

Du telu agu beréhan leso laun ga, main nai mosé de Mori Keraéng nggere-oné sua rapu de nabi situ, wiga isé mosé kolés. Sanggéd ata situt ita isé, ciri rantang keta taungs.

WIDANG SI’ANG ONÉ HI YOHANÉS 11:19

Itug kali céngkan Mbaru Nggeluk de Mori Keraéng éta Surga agu itay Peti Reké oné Mbaru Nggeluk hitu. Og wili-welokn pasat agu mpirang genggus, nupung mésé agu usang bua.

WIDANG SI’ANG ONÉ HI YOHANÉS 14:7

Hia curup agu reweng mésén, “Hiang ga agu bong Mori Keraéng, ai ho’og leson te toto beté-bicarN. Mai ga, te io agu suju Hia ata poli dédék tanan wa agu béangn éta, tacik agu sanggéd ulu waé.”

WIDANG SI’ANG ONÉ HI YOHANÉS 15:4

Céing ata toé hiang Ite yo Mori, agu toé bong ngasang Dité? Ité kali ata nggeluk! Sanggéd wa’u te mai suju agu io Ités, ai si’ang keta agiln sanggéd beté-bicar Dité.”

WIDANG SI’ANG ONÉ HI YOHANÉS 19:7

Ali hitu, mait ga ité naka agu cembes nai te bong Hia! Ai leso kawing de Anak Jimbal cai gi, agu nacaN polig mengkekn.

WIDANG SI’ANG ONÉ HI YOHANÉS 3:4

Maik oné Sardis manga pisa taus ata siot hedis kin wéngko wekid; isé kopn te lako cama agu Akus déméng ceca bakokd.

WIDANG SI’ANG ONÉ HI YOHANÉS 6:12

Du Anak Jimbal hitu nggé’i roku hitut te enem, noing kéta laku tuan nupung mésé agu ita laku mata leso ciri nendep, cama ného tuil wié mésé agu wulang ciri ndéréng mana daray.

WIDANG SI’ANG ONÉ HI YOHANÉS 8:5

Itug kali emin dupa hitu le malékat, na’a bonén le api wara oné-mai compang agu wéwéng nggere-oné lino. Itu kali dengén mpirang genggus mésé, wili-welok pasat agu nupung.