WIDANG SI’ANG ONÉ HI YOHANÉS 10:6 - Bahasa Manggarai New Testament

⁶ Hia sumpay landing le Mori Keraéng hitut mosé tédéng lén, ata poli dédék awang, tana, tacik, agu sanggéd icin boné. Mai wadan, “Toé manga rémpé-rémpé kolé ga!

WIDANG SI’ANG ONÉ HI YOHANÉS 10:6 ပူးပေါင်းရင်းမြစ်များ

WIDANG SI’ANG ONÉ HI YOHANÉS 1:18

Aku dé Hia hitut Mosé. Aku poli matag, maik lélo ga, Aku mosék dengkir lén. Aku ata cau kuasa latang te mata agu kuasa latang te lino data mata.

WIDANG SI’ANG ONÉ HI YOHANÉS 12:12

Landing hitu, naka ga, oé Surga agu sanggés taung méut ka’éng bonén! Maik copél da’at, oé lino agu tacik, ai Jing da’at hitu, poli wa’u oné méun déméng rabo mésén, ai pecing liha ho’o wa ranga’g leson.”

WIDANG SI’ANG ONÉ HI YOHANÉS 16:17

Poli hitu, malékat te pitun cok ici pialan nggere-éta awang. Itug kali dengé reweng ata getas kéta oné-mai seriga boné Mbaru Nggeluk, “Poli taungs pandéd ga!”

WIDANG SI’ANG ONÉ HI YOHANÉS 21:6

Ce duangn kolé curupN, “Sanggéd taung, polig jarid. Akuy dé Alfa agu Oméga, Du Wangkan agu Du Cemoln. Ata masa waé, téing bod kaut laku te inung oné-mai ulu waé mosé.

WIDANG SI’ANG ONÉ HI YOHANÉS 4:10

Itug kali cunemd suampulu patd tu’a situ bolo-mai ranga Diha hitut lonto lobo seriga hitu agu io Hias, ngong Hia hitut mosé tédéng lén. Isé na’a was songkok emas bolo-mai seriga hitu, cang agu taéd:

WIDANG SI’ANG ONÉ HI YOHANÉS 4:11

“Yo Mori, agu Mori Keraéng dami, Ité naun te tiba naring, hiang agu kuasa; ai Ité poli dédék sanggéd cao-ca; agu landing le anor Dité sanggéd taung situ mangas agu poli dédékd.”

WIDANG SI’ANG ONÉ HI YOHANÉS 4:9

Néténg kaka situ déré naring, hiang agu tombo wali di’a oné Hiat lonto seriga, Hia hitu mosé tédéng lén.

WIDANG SI’ANG ONÉ HI YOHANÉS 6:11

Néténg isé tiba gici ca juba bakok. Og jerad isé kudut asi maél di cekoén, dengkir rapak dod asé-ka’é ata keturu laing agu asé-ka’é ca imbi disé te mbelé cama ného isé.