WIDANG SI’ANG ONÉ HI YOHANÉS 10:1 - Bahasa Manggarai New Testament

¹ Itu kali itan laku cengata malékat bana ata gala kétay, wa’u éta-mai Surgan. Malékat hitu wéngko laing rewungy agu toso-dimar éta sa’in, rangan néra mana mata leso agu wa’in ného siri apiy.

WIDANG SI’ANG ONÉ HI YOHANÉS 10:1 ပူးပေါင်းရင်းမြစ်များ

MATÉUS 17:2

Wa kéta ranga diséy, rodo caling kaut tara de Mori Yésus, rangan cias mana mata leso, agu juban ciri bakok dirap cama ného ciang.

LUKAS 21:27

Duhitu ita lata Anak Manusia mai lobo rewungy déméng agu kuasan agu dirapn.

TOMBO PÉTÉ GORI DE RASUL-RASUL 26:13

ného-wetér kaut, yo Raja Agripa, aram du lésak-leso ita laku oné bahi-réha salang hitu, néra ata céwé gérak oné mai néra de mata leso, wa’u éta mai awang, oné weki daku agu sanggéd haé lako daku.

WIDANG SI’ANG ONÉ HI YOHANÉS 1:7

Lélo dé, Hia mai lobo rewungy, agu néténg mata te lélo Hia, nggitu kolé isét poli jelok Hia. Sanggéd wa’u oné lino te jéjéngs landing Hia. Yo, toé celan! Amén!

WIDANG SI’ANG ONÉ HI YOHANÉS 18:1

Poli hitu ita laku cengata malékat bana wa’u éta-mai Surgan. Hia manga kuasa mésén, agu lino ho’o ciri géraky ali mengit diha.

WIDANG SI’ANG ONÉ HI YOHANÉS 18:21

Poli hitu cengata malékat ata mberes téti ca watu ata cama mésé ného watu pénang, itu kali peké nggere-oné tacik, mai taén, “Nenggitu dé Babél, béndar mésé hitu, te wewak nggere-way, wiga toé manga tua kolén.

WIDANG SI’ANG ONÉ HI YOHANÉS 20:1

Itug kali itan laku cengata malékat wa’u éta-mai Surgan. Hia cau ca ranté mésé agu anak kunci ngampang mata.

WIDANG SI’ANG ONÉ HI YOHANÉS 4:3

Hiat lonto oné seriga hitu, itan laku néra taran ného kéta luju Yaspis agu luju Sardis. Ca toso-dimar ata néran cama ného luju zamrud, wéngké-léok seriga hitu.

WIDANG SI’ANG ONÉ HI YOHANÉS 5:2

Ita kolé laku cengata malekat ata gala kétay, agu télés kéta rewengn, “Céing ata patun te nggé’i sanggéd roku situ kudut surak hitu ngancéng céngkan?”

WIDANG SI’ANG ONÉ HI YOHANÉS 8:13

Itug kali itan laku ca ntangis ata lélap éta awang langkas agu mai taén cang agu kepokn, “Copél, copél, copél da’at isét ka’éng oné lino, émé dengé kolé runing terompét de telu malékat haéd.”