WIDANG SI’ANG ONÉ HI YOHANÉS 1:9 - Bahasa Manggarai New Testament

⁹ Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

WIDANG SI’ANG ONÉ HI YOHANÉS 1:9 ပူးပေါင်းရင်းမြစ်များ

MATÉUS 20:23

Taé de Mori Yésus agu isé: “Piala Daku kudut inung muingy le méu, landing latang te lonto oné racap wanang Daku, ko oné racap léog, Aku toé manga hakg te téingd. Situ kudut te téing ata situt poli nangketd le Ema Daku.”

MARKUS 10:39

Mai walé disé: “Ngancéng lami.” Mori Yésus curup oné isé: “Bo hitun, méu kudut inung oné mai piala hitut paka inung Daku agu kudut cebong ali cebong hitut paka tiba Laku.

YOHANÉS 16:33

Sanggéd situ taé Laku agu méu, kudut méu delék hambor agu meler oné Aku. Oné lino ho’o méu cukung kélo-balém, maik mberes koé nais, Aku poli pandé kodan lino ho’o.”

TOMBO PÉTÉ GORI DE RASUL-RASUL 1:15

Manga ca leso hi Pétrus hesé oné bahi-réha asé-ka’én situt ca imbis, lari liup neki cad, aram ceratus suampulu atas dod, mai taén:

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

ROMA 8:17

Émé ité ho’o anak, ité ho’o kolé ata tiba mbaté. Ngong ata manga hakd te tiba reké de Mori Keraéng, ata tiba lité cama-cama agu hi Kristus. Émé ité ta’ong susa cama-cama agu Hia, ité kolé mengit cama laing agu Hia.

ROMA 8:25

Maik émé ité bengkes latang te apa ata toé ita lité, seber kaut te géréng.

2 KORINTUS 1:7

Mésen kéta bengkes dami latang te méu. Ai pecing lami, te méu lut kolé oné pa’it réa cama ného ami, wiga méu kolé tiba lémbu cama ného ami.

PILIPI 1:7

Bo tu’ung naun te aku nuk nenggituk latang te sanggés taung méu, ai méu manga oné nai dakum. Céwén kolé, méu cama-cama agu aku tiba widang de Mori Keraéng, te ho’on du aku rémé oné buig ko danong du be pé’ang-mai buig te kambé agu te ndengn Keréba Di’a hitu.

PILIPI 4:14

Maik di’a kolé pandé de méu, ai méu poli ta’ong susa cama agu aku.

2 TÉSALONIKA 3:5

Nahé Morin titong kin nai de méu nggere-oné momang de Mori Keraéng agu nggere-oné alus nai di Kristus.

2 TIMOTIUS 1:8

Jari néka ritak te saka-si latang te Mori dité, agu néka ritak landing aku ata na’a oné bui landing Hia. Maik lut ta’ong susa latang te Keréba Di’a Diha, ali mberes de Mori Keraéng.

IBRANI 10:36

Méu paka gepek, kudut méu ngancéng lorong wintuk de Mori Keraéng, wiga méu tiba apa ata poli reké Diha.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

WIDANG SI’ANG ONÉ HI YOHANÉS 1:1

Ho’oy si’ang de Mori Yésus Kristus ata widang le Mori Keraéng, kudut toi oné sanggéd mendiN apa ata kudut gélang jiri laing. Mori Yésus poli widang si’ang hitu oné mendiN hi Yohanés lut malékatN hitut wuat Liha.

WIDANG SI’ANG ONÉ HI YOHANÉS 1:2

Hi Yohanés tombo sanggéd cao-ca situt poli itad oné uré, ngong tombo de Mori Keraéng ata téing mberesy li Yésus Kristus lut saka-siN.

WIDANG SI’ANG ONÉ HI YOHANÉS 1:4

Oné-mai hi Yohanés latang te weki serani situt pitu liupd oné propinsi Asia Koé. Widang agu hambor-libur loréng méu, oné-mai Mori Keraéng, ngong Hia hitut manga agu poli mangan agu te maiy. Tabé kolé oné-mai pitud nai situt manga olo-mai seriga Diha.

WIDANG SI’ANG ONÉ HI YOHANÉS 1:6

Hia kolé poli wintuk ité ciri ca wa’u latang te imam kanang, te gori keturu latang te Mori Keraéng, Ema Diha. Latang te Hiay mengit agu kuasa dengkir lén. Amén.

WIDANG SI’ANG ONÉ HI YOHANÉS 11:7

Émé isé poli téing saka-sid, itu kali tuad kaka wa-mai ngampang mata kudut dungkang isé, wiga koda agu mbelés.

WIDANG SI’ANG ONÉ HI YOHANÉS 12:11

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.

WIDANG SI’ANG ONÉ HI YOHANÉS 12:17

Manunggé hitu rabo da’at kétay oné iné-wai hitu, wiga purak taungs liha sanggéd bija banan iné-wai hitu, ngong sanggéd atat lorong perénta de Mori Keraéng, agu isét saka-si laing latang te kuasa de Mori Yésus.

WIDANG SI’ANG ONÉ HI YOHANÉS 13:10

Céing ata poli wérét te dekong, hia te dekongy; céing ata poli wérét te mbelé le sempilangy, toét toé hia hitu paka mbelé le sempilangy. Landing hitu ata sékékn kéta latang te weki serani, paka imbi agu alus nai.

WIDANG SI’ANG ONÉ HI YOHANÉS 14:12

Ata sékékn ho’o ga, alus-nai de sanggéd weki serani ata lorong perénta de Mori Keraéng agu imbi oné hi Yésus Kristus.

WIDANG SI’ANG ONÉ HI YOHANÉS 19:10

Itug kali aku suju bolo-mai wa’i, maik mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, ata cau tu’ung saka-si de Mori Yésus. Suju Mori Keraéng kaut! Ai saka-si de Mori Yésus hitu te téing nggalas atat ba pedé de Mori Keraéng.”

WIDANG SI’ANG ONÉ HI YOHANÉS 20:4

Itug kali itan laku dod seriga agu penong atat lonto bétan. Isé situ tiba kuasa latang te beté-bicar. Ita kolé laku sanggéd wakar disét poli poka bokakd ali téing saka-si latang te Mori Yésus, agu landing ba keréba de Mori Keraéng. Isé so’o danong toé suju kaka hitu agu patungn, agu toé kolé tiba palas oné sa’i galad agu oné limé wanangn. Isé te mosé kolés agu perénta ného rajas cama laing agu hi Kristus tédéng ca sebu ntaung.

WIDANG SI’ANG ONÉ HI YOHANÉS 3:10

Méu poli lorong curup Daku kudut gepek te géréng Aku. Wiga ali hitu, Aku kolé te sémbéng méu oné cekeng susa hitut kudut hena temu tana lino. Cekeng susa hitu te damang sanggén ata oné lino.

WIDANG SI’ANG ONÉ HI YOHANÉS 6:9

Du Anak Jimbal hitu nggé’i roku hitut te liman, ita laku bewa-mai compang sanggéd wakar disét poli mbeléd, landing le keréba reweng de Mori Keraéng lut saka-si disé.

WIDANG SI’ANG ONÉ HI YOHANÉS 7:14

Walé daku, “Mori, ité ata pecingn.” Itu kali mai taé diha agu aku, “Ho’os ata siot poli célad oné-mai susa mésé. Isé poli wewas jubad le dara de Anak Jimbal kudut ciri bakok.