WIDANG SI’ANG ONÉ HI YOHANÉS 1:7 - Bahasa Manggarai New Testament

⁷ Lélo dé, Hia mai lobo rewungy, agu néténg mata te lélo Hia, nggitu kolé isét poli jelok Hia. Sanggéd wa’u oné lino te jéjéngs landing Hia. Yo, toé celan! Amén!

WIDANG SI’ANG ONÉ HI YOHANÉS 1:7 ပူးပေါင်းရင်းမြစ်များ

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

MATÉUS 16:28

Aku taé agu méu: Moron, oné mai méu ata manga cé’é ho’o, manga ata toé di matay émé toéd ita lisé main Anak Manusia neho raja oné baté peréntan.”

MATÉUS 24:30

Du hitu te ita tanda de Anak Manusia éta awang agu sanggéd uku oné lino te jéjéngs agu te ita lisé Anak Manusia hitu mai lobo rewung éta awang déméng agu kuasa mésén agu angosn.

MATÉUS 25:31

“Émé cai Anak Manusia agu néra mésén, agu sanggéd malékatn cama laing agu Hias, itu Hia te lonto angos lobo serigan.

MATÉUS 26:64

Walé le Mori Yésus: “Hau polig taé le rum. Landing Aku taé agu hau, pu’ung ho’o ga méu te ita Anak Manusia lonto du racap wanang Dihat kuasa mésé, agu mai lobo rewung éta awangy.”

MARKUS 13:26

Du hitu te ita lata Anak manusia cai lobo rewungy déméng agu sanggéd kuasan agu néra mésén.

MARKUS 14:62

Mai walé de Mori Yésus: “Tu’ung, Aku ho’oy, agu kudut ita le méu Anak Manusia lonto oné racap wanang de Mori Pu’un Kuasa, agu mai lobo rewung éta awangy.”

LUKAS 21:27

Duhitu ita lata Anak Manusia mai lobo rewungy déméng agu kuasan agu dirapn.

YOHANÉS 19:34

maik cengata oné mai serdadu situ rodak pucuN le korung; wiga concang daraN agu waé.

YOHANÉS 19:37

Agu manga kolé tulis iwod taén: “Isé te lélo Hia hitut poli rodakn lisé.”

TÉSALONIKA 1:10

Tombo kolé lisé, co’o méu bengkes te cai Anak de Mori Keraéng éta-mai Surga, ngong Mori Yésus hitut poli pandé to’o kolén le Moti Keraéng oné-mai mata. Mori Yésus hitu dé ata pandé selamak ité tai oné-mai rabo de Mori Keraéng.

TÉSALONIKA 4:17

poli hitu itét lari moséd, ata ngai ka’éngd te téti cama-cama agu isé nggere-éta awang te curu Mori’N. Nenggitu de ité kudut tédéng lén ka’éng cama-cama agu Mori’N.

IBRANI 10:29

Nuk kaut, leng kéta mendon wahéng hitut paka tiba lata hitut wedi le wa’is Anak de Mori Keraéng. Hia pandé rinek dara hitut poli reké de Mori Keraéng, ngong dara di Kristus ata poli pandé nggeluk hia. Hia kolé poli loér Nai Nggeluk ata poli tabing widang!

IBRANI 6:6

maik ledong imbid, isé situ toé ngancéng pandé weru kolés kudut teser. Isé situ pandé panggol kolé Anak de Mori Keraéng latang te weki disé agu loér Hia oné ranga data do.

1 YOHANÉS 3:2

Asé-ka’én ata momang laku! Te ho’on ité anak de Mori Keraéngt, maik toé di si’ang ného niay mosé dité tai. Maik pecing lité, émé cai hi Kristus tai, ité te ciri cama ného Hiat. Du hitu po ngancéng lélo dungka lité Hia, te ného niay cetu’ungn taraN.

YUDAS 1:14

Hi Hénokh, waé te pitun di Adam, poli ba pedé danong latang te isé situ, nggo’o taén, “Mori Keraéng agu cebu kétas malékat nggeluk te mais.

WIDANG SI’ANG ONÉ HI YOHANÉS 22:20

Mai kepok Diha hitut téing sanggéd curup so’o, “Yo, toé celan, Aku te mai gélangk!” Amén, mai go Mori Yésus!

WIDANG SI’ANG ONÉ HI YOHANÉS 22:4

Isé te ita ranga Dihas, agu ngasang Diha te tulis oné sa’i galad.