PILIPI 4:8 - Bahasa Manggarai New Testament

⁸ Jari, cemoln ga asé-ka’én, nuk koé taungs le méu sanggéd taung ata molord, ata mengitd, ata agild, ata nggelukd, ata di’ad te séngét agu sanggéd siot carod basa-di’a agu naun te narings.

PILIPI 4:8 ပူးပေါင်းရင်းမြစ်များ

MATÉUS 22:16

Isé jera ata nungku disé cama laing agu ata Hérodian kudut réi agu Hia: “Tuang Guru, baé lami Ité ata molor, agu molor kolé toing salang de Mori Keraéng, agu Ité toé manga rantang céing kautd, ai Ité toé manga pilé atad.

MARKUS 6:20

ai hi Hérodés, sengang kolé agu hi Yohanés, ai pecing liha te hi Yohanés cengata ata molor agu nggeluk, wiga kémbén liha. Maik émé séngét liha toing di Yohanés, mbu-mbek kin nain, maik lélak kin te séngét hia.

LUKAS 16:15

Maig taé Diha ngong isé: “Méu di’a kaut le rus wa ranga data, maik Mori Keraéng pecing nai dé méu. Ai apa situt sobit laing le manusia, kodoy le Mori Keraéng.

LUKAS 2:25

Manga cengata oné Yérusalém, ngasangn hi Siméon. Hia cengata ata molor agu ata junggu, ata géréng kin Hiat lémbu nai latang té Israél. Nai Nggeluk manga lobo hiay,

LUKAS 23:50

Manga cengata, hitut ngasangn hi Yosép; hia kolé cengata oné mai adak mésé de agama, agu cengata ata di’a, laing molorn kolé.

YOHANÉS 7:18

Céing ata curup oné mai weki run, ata hitu kawé te hiang weki run, maik céing-céing ata kawé hiang latang te Hia hitut wuatN, hia laing salangn agu toé manga ata toé molorn oné hia.

TOMBO PÉTÉ GORI DE RASUL-RASUL 10:22

Mai walé disé: “Hi Kornélius cengata kepala serdadu ata nggeluk agu hiang Mori Keraéng, agu pecing taung lata di’a diha, oné mai sanggéd wa’u Yahudi poli toi le malékat nggeluk, kudut hia siro ité, nggere-oné mbarun, agu kudut séngét apa kaut tombo dité agu hia.”

TOMBO PÉTÉ GORI DE RASUL-RASUL 22:12

Nitu manga cengata, ngasangn hi Ananias cengata ata nggeluk lorong wintuk Taurat agu mbou kéta ngasangn ali di’an oné mai sanggéd ata Yahudi ata manga nitud.

TOMBO PÉTÉ GORI DE RASUL-RASUL 6:3

Landing hitu asé-ka’én, pilé pitu taun oné mai méu, ata pecing taung lata te isé ata di’a, agu penong le Nai Nggeluk agu léwé nuk, kudut ami téti isé oné gori situ,

ROMA 13:13

Raju koé ba weki dité cama ného mosé le leso, néka leng bail héba-hak oné ramé mésé agu langu tuak, néka ngoéng ata agu belek da’at, néka léwang tau agu beti nai.

ROMA 13:3

Ai émé cengata ata pandé di’a, néka rantang agu pemerénta, landing émé hia pandé da’aty itu po rantangy. Ngoéngm hau toé rantang pemerénta? Pandé ga apa ata di’an, agu hau te tiba naring oné mai pemerénta.

ROMA 14:18

Ai céi kaut te keturu hi Kristus ali pandé ho’o, hia hitu henan oné ranga de Mori Keraéng agu hiang le cama manusia.

ROMA 2:29

Maik ata Yahudi tu’ung, ngong ata siot toé ita dungka kéta Yahudin; agu ata sunat tu’ung, ngong ata sunat oné nain, toé sunat kaut oné wekin. Naring latang te ata nenggitu, toé oné mai manusian, maik oné mai Mori Keraéng.

1 KORINTUS 4:5

Landing hitu néka beté-bicar émé toé di hitu redun, ngong émé toé di mai Mori Keraéng. Hia te pandé gérak apa situt ceha oné nendép, agu Hia kudut totos apa situt nanéng oné nai. Du leson tai, néténg ata kudut tiba naring de Mori Keraéng.

2 KORINTUS 13:7

Ami ngaji kamping Mori Keraéng, kudut méu néka pandé da’at, toé kudut si’ang te ami ta’ong damang, maik kudut méu ngancéng pandé ata di’an, koném po weki rug ami néhot toé ta’ong damang.

2 KORINTUS 6:8

Manga ata hiang ami, manga kolé ata lengga ami; manga ata pocu ami, manga kolé ata naring ami; koném po molorg ami, maik mangkong nggopét kigm lata.

2 KORINTUS 8:18

Cama-cama agu hia, ami kolé wuat asé-ka’é bana hitut naring laingy oné sanggéd ata serani ali gorin oné wéro Keréba Di’a.

2 KORINTUS 8:21

Ai ami nuk ata di’an, toé hanang oné ranga de Mori Keraéng, maik oné ranga de manusia kolé.

GALATIA 5:22

Maik ho’os wua de Nai Nggeluk: momang, nisang nai, hambor-libur, lembak, gawas, di’a gauk, junggu;

ÉFÉSUS 4:25

Landing hitu, méu néka manga nggopét cama taus, ai ité asé kaé ca imbi oné hi Kristus.

ÉFÉSUS 5:9

ai gérak hitu cir wua di’a, agil agu molor.

ÉFÉSUS 6:14

Jari hesé cedek kis, papé kendik molor agu baju rampas agilm.

PILIPI 3:1

Asé-ka’é daku! Méu weli ga, paka nakam oné Mori Keraéng. Toé manga mendon laku te malék kolé tulis tombo ho’o oné méu, kudut irip méu.

KOLOSÉ 4:5

Oné woé-joé de méu agu sanggen ata situt toé imbi, nggalas koé mosés agu paké di’a sokor ata mangan.

TÉSALONIKA 4:12

Ali hitu, mosé de méu ného ata siot jinggop oné mata data bana agu toé tanjéng agu deming isém.

2 TIMOTÉUS 2:2

Ngaji kolé latang te sanggéd raja agu sanggéd tuang mésé, kudut ité mosé metek agu temer kid, agu toton sundur dité te hiang Mori Keraéng.

2 TIMOTÉUS 3:11

Nenggitu kolés winad, poro ata hiangs lata, toé pocu ngasang datas, poro metek naid agu ngancéng imbi latas oné sanggéd cao-ca.

2 TIMOTÉUS 3:4

Hia hitu cengata tu’a kilo ata di’a, sihing agu hiang le sanggéd anakn.

2 TIMOTÉUS 4:12

Néka manga cengatan ata hep hau, méséng kaut hau rémé uwam. Hau paka ciri toming laing le sanggén ata imbi, oné sanggéd curupm, ba wekim, toto momangm, junggum, agu oné nggelok naim.

2 TIMOTÉUS 5:10

Tandan, baé lata te hia iné-wai ata gauk di’ay, ného: aréng anak, dumpek oné mbarun, waca wa’i de asé-ka’é ca imbi, campé ata siot mosé oné susa – wokokn ga, iné-wai luang siot poli papé sanggéd sokor latang te pandé di’a.

2 TIMOTÉUS 5:2

Nenggitu kolé latang te ngasang endé ris cama ného endés agu ata molasd ris cama ného weta rum ali nggélok nai.

TITUS 1:8

maik ngoéng tiba meka toko rontong, ngoéng te pandé ata di’an kanang, nggalas, agil, nggélok nai, ngancéng kuasa weki ru.

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

TITUS 2:2

Titongs ata tu’a rona kudut jeper kaut moséd, hiangs lata, nai ngalis-tuka ngéngga, molor imbid oné momang agu seber.

TITUS 2:7

Latang te hau Titus, hau paka ciri ata toming laing oné sanggéd pandé ata di’ad. Poro hau kali paka molor nai agu tu’ung-tu’ung oné toingm,

TITUS 3:14

Sanggéd weki serani dité oné nuca Keréta, paka laséng koét pandé gori ata di’ad, kudut ngancéng haéng sékék lété bari agu sékék latang te ata bana. Pandé nenggo’o, kudut manga betuan mosé disé.

IBRANI 11:2

Ali imbi, Mori Keraéng henan oné isét bolo-mai ité.

IBRANI 13:18

Ngaji koé kis latang te ami, ai imbi tu’ung lami te ici nai dami nggélok kéta kin. Oné sanggéd cao-ca ami ngoéng te pandé di’a mtaung.

JAMES 1:27

Ho’o dé ngaji ata molorn agu toé manga celan oné ranga de Mori Keraéng Ema dité: campe ata lalo agu ata luang oné susad, agu jerék weki rud boto rowak le saki de lino ho’o.

JAMES 3:17

Maik nggalas éta mai, laring cain kéta nggélok taran, poli hitu ngoéng te hambor, lumu, lorong, lembak nai agu sanggéd pandé di’a, toé kambé agu pisik.

1 PETRUS 1:22

Méu poli pandé nggeluk wekis ali lorong wintuk de Mori Keraéng, wiga méu ngancéng momang tau asé-ka’é ca imbi le nai bakok. Poro méu tu’ung-tu’ung momang tau mai wa-mai nain.

1 PETRUS 2:12

Di’a koé ba wekis oné bahi-réha wa’u situt toé pecing Mori Keraéngs, kudut émé pocu méus te méu ata pandé da’at, ngancéng ita kin lisé sanggéd pandé di’a de méu agu bong Mori Keraéngs du leso mai Diha.

1 PETRUS 4:8

Maik ata mésén: Paka momang tu’ung haé ata, ai momang hitu ngancéng tadu do ndékok.

2 PÉTRUS 3:1

Asé-ka’én ata momang laku! Ho’o surak te suan ata tulis laku latang te méu. Oné sua surak situ, aku sur méu te nuk kaut apa ata molord.

1 YOHANÉS 3:18

Sanggéd anak daku! Mait ga ité momang taud: toé le curup kanang, maik ali pandé.

1 YOHANÉS 3:3

Sanggéd atat bengkes te ciri cama agu hi Kristus, lami wekid te nggeluk moséd, ai hi Kristus hitu nggelukN.

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.