PILIPI 4:6 - Bahasa Manggarai New Testament

⁶ Méu weli ga, néka simpungm latang té apa kaut. Maik, tombo taung sanggéd ngoéngs oné Mori Keraéng du ngaji agu du téing wali di’a.

PILIPI 4:6 ပူးပေါင်းရင်းမြစ်များ

MATÉUS 10:19

Émé téing méu lisé, néka simpung te co’oy, te apa kétag le méu walén, ai sanggéd situ manga kali widang oné méun du hitu muings.

MATÉUS 13:22

Situt wécak oné cembot karots hitus ata siot dengé curup situ, maik simpung de lino ho’o agu nggopét de bora pandé kejé curup situ wiga toé manga wuad.

MATÉUS 6:34

Landing hitu néka simpung le méu latang te leso diang, ai diang manga agu susan. Susa ca leso remo latang te leso ca.”

MATÉUS 6:8

Jari, méu néka ného isém, ai Emam pecing taung apa ata sékék de méu du toéd tegi le méu agu Hia.

LUKAS 10:41

Maik walé de Mori Yésus: “Marta, Marta, hau simpung agu pandé kélo weki rum le dod raja,

LUKAS 12:22

Mori Yésus taé agu sanggéd ata nungkun: “Landing hitu, Aku taé agu méu: Néka simpung laing mosés, te apa kétag kudut hangs, agu néka kolé simpung latang te wekis, te apa kétag kudut pakés.

LUKAS 12:29

Jari, méu néka curup laing apa kéta hangs, ko apa kéta té inungs méu, agu néka kéta soang nais.

LUKAS 18:1

Mori Yésus tombo ca rapang agu isé kudut keri, te isé paka ngaji mtaungs, néka kangél.

LUKAS 18:7

Toé weli Mori Keraéng te pandé molors ata situt pilén, situt wié lesod kepok oné Hiad? Manga weli lé-lén Liha leso be bolon campé isé?

1 KORINTUS 7:21

Émé du béntam hau ngai mendi kim, toé manga co’o laingn. Maik émé manga sokor latang te ledo hau oné-mai mendim, papé sokor hitu.

1 KORINTUS 7:32

Ngoéng daku, kudut méu néka kéta simpung do lari mosés. Ata siot toé manga winad, renom nukd oné apa kaut latang te gori de Mori Keraéng, ai isé ngoéng te pandé cembes nai Diha.

2 KORINTUS 1:11

ai méu kolé lut campé ngaji latang te ami. Landing hitu do kéta ata téti wali di’a latang te widang situt tiba dami, ali dod ngaji disé latang te ami.

ÉFÉSUS 5:20

Wali di’as sanggéd cao-ca oné ngasang de Mori dité Yésus Kristus latang te naring Mori Keraéng Ema dité.

ÉFÉSUS 6:18

Pandé taung situ le méu cang agu ngaji, te tegi campé oné-mai Mori Keraéng. Ngaji ga lété leso tegi titong de Nai Nggeluk. Jerék koém agu ndong te koda. Néka beténg ngaji latang te weki serani.

KOLOSÉ 3:15

Poro hambor-libur di Kristus manga tédéng oné nai de méuy, ai latang te hitu muing méu poli béntas oné ca weki. Agu wali di’am ga.

KOLOSÉ 3:17

Sanggéd cao-ca ata paka pandé ko curup le méu, pandé agu curup taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

KOLOSÉ 4:2

Seber koém oné ngaji, agu jerék koém oné wali di’a.

2 TIMOTÉUS 2:1

Laring cain kéta, aku toing méu: gesarm ga, ngaji latang te sékék data bana, ngaji tegi campé agu wali di’a latang te sanggén ata.

2 TIMOTÉUS 5:5

Maik cengata ata luang ata tu’ung-tu’ung mosé hanang koén, nahé bengkes koé kin oné Mori Keraéng agu seber koéy oné tegi agu ngaji wié-leson.

1 PETRUS 4:7

Sanggéd cao-ca ruis te cemols ga. Landing hitu madis agu jerék koé ba wekis, kudut ngancéng ngajim.

1 PETRUS 5:7

Condo taung simpungs oné Hia, ai Hia tinu méuy.