PILIPI 4:5 - Bahasa Manggarai New Testament

⁵ Poro nai di’a de méu pecing taung lata do. Ai ruisn ga te caiy Mori Yésus!

PILIPI 4:5 ပူးပေါင်းရင်းမြစ်များ

MATÉUS 6:25

“Landing hitu Aku taé agu méu: Néka simpung latang te mosém, latang te hang ko inung, néka simpung laing kolé latang te wekim, latang apa te pakés. Toé weli mosé hitu céwé mésén, itu pong hang bara, agu weki céwé mésén, itu pong wéngko weki?

MATÉUS 6:34

Landing hitu néka simpung le méu latang te leso diang, ai diang manga agu susan. Susa ca leso remo latang te leso ca.”

LUKAS 21:34

“Lami koé wekis, boto wugur le ramé mésé, jingu-jangut langu agu simpung te mosé wié-leso, agu kudut leso de Mori Keraéng, néka teka ta’a kaut pa’u lobo haun mana cempé,

1 KORINTUS 16:22

Céing ata toé momang Mori Keraéng, nahé niury. Maranatha!

1 KORINTUS 6:7

Émé manga kaut mbolot oné bahi-réha méu, manga ata léwang tau, cama ného ca koda latang te méu. Co’o tara toé ngoéngs méu te tiba susa ali toé agil? Co’o tara toé ngoéngs méu tiba woréng?

1 KORINTUS 8:13

Landing hitu, émé ali hang situ ciri watu timpok laing latang te asé-ka’ém situt ca imbi agu aku, aku toé gorig te hang nuru kolé dengkir tédéng lén, wiga aku toé ciri watu timpok laing latang te asé-ka’é situt ca imbi agu akus.

1 KORINTUS 9:25

Néténg ata te lut oné ci-tau, paka kitep ba wekin oné sanggéd cao-ca. Isé pandé nenggitu kudut rumbu ceca néra de lino ho’o, maik ité rumbu ceca néra latang mosé tédéng lén.

2 KORINTUS 10:1

Aku hi Paulus ata rantang émé cumang dungka agu méu, maik rani émé tadang. Aku kudut toing méu landing hi Kristus hitut lembak mésé agu joél kétay.

2 TÉSALONIKA 2:2

kudut méu néka gélang bules agu simpung ali gérak de Nai Nggeluk ko ali Keréba Di’a ko surak ata katu dami oné méu, néhot leso de Mori polig cain.

TITUS 3:2

Néka manga pocu ata, léwang tau, maik nahé isé kali poro joél, agu lumu oné sanggén ata.

IBRANI 10:25

Ité kali nai ca anggit te ngaji cama laing, néka ngondé holes ného pandé de pisa taus ata. Mait ga ité toing cama taud, ai pecing lité te leso de Mori Keraéng ruisn ga.

IBRANI 10:37

Manga tulis oné Surak Nggeluk: “Ai ruisn ga, toég don sokor. Hia hitut mai te cai gi, toé manga renggé kolén.

1 PETRUS 1:11

Isé kolé mbajik kéta cécan, te du niay agu co’oy jarin lorong nuk de Nai di Kristus hitut manga oné isé. Nai hitu dé ata poli keréba latang te sanggéd susa ata kudut hena hi Kristus agu latang te sanggéd mengit situt tua musi-maid.

1 PETRUS 4:7

Sanggéd cao-ca ruis te cemols ga. Landing hitu madis agu jerék koé ba wekis, kudut ngancéng ngajim.

WIDANG SI’ANG ONÉ HI YOHANÉS 22:20

Mai kepok Diha hitut téing sanggéd curup so’o, “Yo, toé celan, Aku te mai gélangk!” Amén, mai go Mori Yésus!

WIDANG SI’ANG ONÉ HI YOHANÉS 22:7

Taé de Mori Yésus, “Idep di’a-di’a, tiong’g Aku te maiK. Mosé di’as ata siot lorong sanggéd reweng pedé de surak ho’o!”