PILIPI 4:21 - Bahasa Manggarai New Testament

²¹ Tombo koé le méu, tabé daku latang te sanggéd weki serani ata imbi oné hi Kristus Yésus. Tabé latang té méu oné-mai asé-ka’é ca imbi ata cama laing agu akus.

PILIPI 4:21 ပူးပေါင်းရင်းမြစ်များ

MATÉUS 5:47

Agu émé méu téing tabé agu asé-ka’ém kaut, apay weli ata dio-dolokn agu pandé data bana? Toé weli ata toé pecing Mori kolé pandé nenggitus?

1 KORINTUS 1:2

latang te weki serani de Mori Keraéng oné Korintus. Weki serani situ poli pandé nggelukd agu poli béntad te ciri ata nggeluks landing hi Kristus Yésus. Agu sanggén ata néténg osang, ata ngaji le ngasang de Mori Keraéng dité hi Yésus Kristus, Mori disé agu Mori dité.

GALATIA 1:2

Tabé oné-mai aku agu sanggéd asé-ka’é ca imbi latang te sanggéd weki serani oné tana Galatia.

GALATIA 2:3

Koném po hi Titus hitut cama laing agu akuy, cengata ata Yunani, maik hia toé dedeky te lut wintuk sunat.

ÉFÉSUS 1:1

Oné-mai aku, hi Paulus, rasul di Kristus Yésus lorong ngoéng de Mori Keraéng, latang te méu sanggéd weki serani ata imbi hi Kristus Yésus oné béndar Éfésus.

PILIPI 1:1

Oné-mai hi Paulus agu hi Timotéus, mendi di Kristus Yésus. Latang te sanggéd ata nggeluk ata nai ca anggit agu hi Kristus Yésus oné Pilipi agu latang te diakon agu sanggéd ata lami weki serani.

PILIPI 4:7

Hambor-libur de Mori Keraéng ata toé kéta ngancéng idep le manusia, te sémbéng nai agu nuk de méu ata nai ca anggit oné hi Kristus Yésus.