PILIPI 4:1 - Bahasa Manggarai New Testament

¹ Landing hitu asé-ka’én, ata momang laku, nahé mosé de méu tu’ung-tu’ung imbi oné Morin. Aku kembung kéta méuk. Méu dé pandé bombong rak daku, wiga cembes nai daku!

PILIPI 4:1 ပူးပေါင်းရင်းမြစ်များ

MATÉUS 10:22

Méu te kodo le sanggén ata, landing kaut le ngasang Daku, maik isét ta’ong dengkir cemoln selamakd moséd.

YOHANÉS 8:31

Mai taé Diha agu ata Yahudi situt imbi Hias: “Émé temer kin imbi de méu latang te sanggéd reweng Daku, méu tu’ung-tu’ung ata nungku Dakum,

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

TOMBO PÉTÉ GORI DE RASUL-RASUL 2:42

Isé seberd te lorong toing de sanggéd rasul agu nempung mtaungs. Isé nempung mtaungs kudut pu’ils roti te hang agu ngaji cama laings.

ROMA 2:7

Mosé tédéng lén latang te isét seber pandé di’a, kawé naring, hiang agu toé ampus.

1 KORINTUS 15:58

Landing hitu asé-ka’én ata momang laku, metek koé imbis, néka gégo agu seber koém oné gori de Mori Keraéng! Ai pecingp le méu oné neki ca agu Mori Keraéng, rébok de méu toé oké bon.

1 KORINTUS 16:13

Jerék di’a-di’a! Metek koé imbis! Rani agu mberes koé nais!

2 KORINTUS 1:14

ného hitut poli idep le méu iwod oné mai ami, ngong du leso mai kolén Mori Yésus, méu bombong raks landing ami, cama ného ami kolé bombong rakgm landing méu.

GALATIA 5:1

Te ho’on ga ité ata céla, ai hi Kristus poli céla mosé dité. Landing hitu lencek kéta hesés agu néka éng kolé te tékék le mendo.

PILIPI 1:27

Mosé de méu paka helek lorong Keréba Di’a di Kristus. Wiga, émé maik aku, ita laku; agu émé toé maik aku, dengé kin laku te méu cedek kis hesés oné nai ca anggit agu tuka ca léléng te rébok latang te imbi hitut todo oné mai Keréba Di’a.

PILIPI 1:8

Pecing le Mori Keraéng te aku kembung kéta méuk, ného momang agu mohas di Kristus Yésus.

PILIPI 2:16

ai méu ba keréba reweng ata téing mosé. Wiga aku ngancéng bombong-rak du leso cai kolén hi Kristus, ai toé oké bon nomber-dara agu ta’ong susa daku.

PILIPI 2:26

Hia kembung kéta sanggés taung méu agu wéong kéta nain, ai dengé le méu beti diha.

KOLOSÉ 4:12

Tabé oné-mai hi Épafras latang te méu; hia cengata oné-mai méu, mendi di Kristus Yésus, ata ngaji mtaung latang te méu, kudut méu mberes kis hesés ného ata tu’am agu imbi tu’ung oné sanggén cao-ca lorong ngoéng de Mori Keraéng.

TÉSALONIKA 3:13

Landing le hitu, Mori Keraéng pandé mberes nai de méu, wiga méu ciri nggelukm agu toé manga celas oné ranga Diha du leso mai kolé de Mori Yésus, cama-cama agu sanggéd ata situt ciri paéng Diha.

2 TÉSALONIKA 2:15

Landing hitu, metek kin imbis agu cau tu’ung sanggéd toing situt tiba oné-mai ami, siot tombo molé le mu’u ko siot tulis molé.

2 TIMOTIUS 2:1

Oé Timotéus anak daku! Ciri mberes koéh ali tabing ata téing di Kristus oné ité.

IBRANI 10:23

Mait ga ité metek tu’ung oné tura latang te bengkes dité, ai Mori Keraéng toé manga reké adongN.

IBRANI 3:14

Ai ité haé reba ca gori oné hi Kristus, tama ité metek tu’ung imbi hitu ného du pu’ungn dengkir agu cemoln.

IBRANI 4:14

Ité te ho’on ga, manga Imam Mésé agu Mengit ata lagé sanggéd awang éta, ngong Mori Yésus, Anak de Mori Keraéng. Nahé ité metek tu’ung oné tura imbi dité.

2 PÉTRUS 3:17

Méu asé-ka’én ata momang laku! Poli pecing le méu toing so’o bebolon. Landing hitu jerék koém, kudut méu néka wéléng nggere-oné salang data siot toé pecing adaks, agu pa’u oné-mai osang bate hesé cedeks.