PILIPI 2:8 - Bahasa Manggarai New Testament

⁸ Oné taraN ného manusia, Hia poli pandé wa’u wa weki Run, lorong ngoéng de Mori Keraéng, ngot dengkir mataN oné haju panggol.

PILIPI 2:8 ပူးပေါင်းရင်းမြစ်များ

MATÉUS 17:2

Wa kéta ranga diséy, rodo caling kaut tara de Mori Yésus, rangan cias mana mata leso, agu juban ciri bakok dirap cama ného ciang.

MATÉUS 26:39

Itu kali Hia lako nggere-olo cekoén, tikuly agu ngaji, mai taéN: “Yo Ema, Emét ngancéng kéta, co’om laun piala séang ho’o oné mai Akun; landing néka ného hitut ngoéng Daku, maik lorong hitut baté ngoéng Dité.”

MATÉUS 26:42

Itu kali ngo té sua ngkalin agu ngaji, mai taén: “Yo Ema Daku, émé toé ngancéng hésingn piala ho’o, aikn émé te inung kéta Lakuy, nia kaut ngoéng Dité.”

LUKAS 9:29

Du hia rémé di’an ngajiN, caling tara rangaN, agu ceca paké Diha bakok silep.

YOHANÉS 10:18

Toé cengatan te ngancéng emi oné mai Akun, maik téings Laku lorong ngoéng nai Rug. Aku manga kuasag te téing, agu manga kuasag te emi kolén. Ho’oy perénta ata tiba Laku oné mai Emag.”

YOHANÉS 14:31

Maik kudut pecing le lino ho’o te Aku momang hi Emak, agu Aku pandé kéta taungs ného baté perénta Diha Ema oné Aku. To’o ga, mai ngot Ité cé’é mai ho’od.”

YOHANÉS 15:10

Émé méu lut perénta Dakum, méu te ka’éng oné momang Dakum, ného Aku lut perénta de Emag, agu ka’éng oné momang Dihak.

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

TOMBO PÉTÉ GORI DE RASUL-RASUL 8:33

Hia rendak latay, agu toé pati-agil latang te Hia; céing weli ata tombon uku Diha? Ai mamurg nawan oné mai lino.”

ROMA 5:19

Ai cama ného lut hiat cengata ata tingul, do ata ciri ndékoks, nenggitu kolé lut hiat cengata ata junggu, do ata ciri selamaks.

2 KORINTUS 8:9

Ai poli pecing le méu, widang de Mori dité Yésus Kristus, koném po boran Hia, landing le méu Hia ciri lénggén, kudut méu ciri boram ali lénggé Diha.

GALATIA 3:13

Hi Kristus poli sambé ité oné-mai niur de wintuk Taurat. Hia pandé nenggitu ali ondang weki Run ciri niur landing ité. Ai manga tulis: “Nahé niury ata hitut wéo oné haju panggol.”

TITUS 2:14

Mori Yésus poli condo wekiN latang te ité, kudut céla ité oné-mai sanggéd da’at agu oné-mai ndékok, wiga ité ciri weki serani Diha agu wingker te pandé di’a.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

IBRANI 12:4

Oné gempur de méu te dungkang ndékok, méu toé manga bowo daras di.

1 PETRUS 2:24

Weki Run Mori Yésus poli pola panggol landing ndékok dité, kudut ité toé ngoéng te pandé ndékok kolé, maik mosé latang te pandé molor. Ali sanggéd réu Diha méu poli inas ga.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.