PILIPI 2:3 - Bahasa Manggarai New Testament

³ Méu néka kawé kaut sékék de ru ko naring ata oké-bon. Maik, poro ali jinggop de méu, hiat cengata lélo ata bana céwé mésé oné-mai weki run.

PILIPI 2:3 ပူးပေါင်းရင်းမြစ်များ

LUKAS 18:14

Aku taé agu méu: Ata ho’o kolé mbarun ného ata hiot molor laing le Mori Keraéng, agu ata hitut cebana toé. Ai céing ata éta pengémpang le run, hia te rendaky, agu céingy ata nggere-wa le run, hia te téti éta pengémpangy.”

ROMA 12:10

Poro méu kali momang agu hiang taus cama ného asé-ka’é.

ROMA 13:13

Raju koé ba weki dité cama ného mosé le leso, néka leng bail héba-hak oné ramé mésé agu langu tuak, néka ngoéng ata agu belek da’at, néka léwang tau agu beti nai.

ROMA 2:8

Maik rabo agu cumpeng da’at oné isét kawé sékék de rud, ata toé lorong Hia, maik ata lorong gauk da’at.

1 KORINTUS 15:9

Ai aku kéta ata céwé bocikn oné-mai rasul, agu toé patun te caro rasul, ai aku poli mbelé weki serani de Mori Keraéng.

1 KORINTUS 3:3

Ai méu ngai manusia paéng de lino kis. Émé oné bahi-réha méu manga kin beti-nai agu léwang tau, toé weli gauk hitu pandé toto te méu manusia paéng de lino agu mosé lorong ngoéng disét toé imbi?

2 KORINTUS 12:20

Ai simpung daku, émé maik aku, repéng laku méu toé ného ngoéng daku agu méu repéng aku toé ného hitut ngoéng de méu. Simpung daku du hitu aram manga kéta ata léwang-tau, guér tau, mas tau, nuk kaut sékék de ru, pocu ata, kérong tau, mésé-nai agu ngaur tau.

GALATIA 5:15

Landing émé méu ramek agu kodel cama taus, jerék di’a, boto méu pandé ampus cama taus.

GALATIA 5:26

Néka mésé nai, néka kolé meget agu jogot cama taud.

ÉFÉSUS 4:2

Nahé méu kali paka jinggop agu lembak. Toto kali momangs hitu oné campé tau,

ÉFÉSUS 5:21

Jinggop koé ba weki cama taus ali junggu oné hi Kristus.

PILIPI 2:14

Pandé ga sanggéd cao-ca néka ali ndu’us agu léwang tau.

KOLOSÉ 3:12

Landing hitu, ai méu ata poli pilé le Mori Keraéng te ciri nggeluk agu momang Liha, méu weli ga paka: lembak nai, gawas, kasi-asi nai, hemu-hel, agu ngéngga nai.

KOLOSÉ 3:8

Maik te ho’on, oké taung situ ga, neho: rabo, ngger ného acu, pandé da’at, nggecer-nggewuk, pocu agu curup da’at ata pé’ang oné-mai mu’u de méu.

2 TIMOTÉUS 6:4

hia pisik pecingy, kali po toé pecing apa-apay. Betin weli ga, kawé molé mbolot agu pélut lema, wiga mangan jogot, léwang tau, pocu tau, agu mangkong.

1 PETRUS 3:8

Cai wan ga, nahé sanggés taung méu, néka woléng curup, ca naim kali, momang asé-ka’é ca imbis, ba’éng agu jinggop.

1 PETRUS 5:5

Oé sanggés méu ata uwa, nenggitu kolé méu: Lorong koé ata tu’as! Agu sanggés taung méu, jinggop koé ba weki cama taus, ai nenggo’o tulis oné Surak Nggeluk: “Mori Keraéng pangga salang data siot mésé nai, maik momang ata siot jinggop.”