PILIPI 2:2 - Bahasa Manggarai New Testament

² Landing hitu, nenggo’oy dé ba weki de méu kudut pandé jepek nisang nai daku: méu paka nai ca anggit, tuka ca léléng oné ca momang, ca wakar agu ca salangm.

PILIPI 2:2 ပူးပေါင်းရင်းမြစ်များ

YOHANÉS 3:29

Ata ngaran wina molas hiat kopé harat; maik haé reba dihat kopé harat ata hesé ruis hia agu ata séngét hias nisang kéta naid dengé reweng dihat kopé harat hitu. Hituy nisang nai daku, agu te ho’on nisang naig hitu penongy.

TOMBO PÉTÉ GORI DE RASUL-RASUL 1:14

Sanggéd taung isé ca nais oné ngaji, cama laing agu pisa taus iné wai agu hi Maria endé de Mori Yésus agu sanggéd asé-ka’é'N.

TOMBO PÉTÉ GORI DE RASUL-RASUL 2:1

Du cain leso ramé Péntékostén, sanggéd taung isé lipur oné ca osangs.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

TOMBO PÉTÉ GORI DE RASUL-RASUL 5:12

Dod gantang agu tanda lenget ata pandé le rasul-rasul oné bahi-réha ata do. Sanggéd ata situt imbi dondé neki-cas oné Kecaka Salomo agu cenai kétas.

ROMA 12:16

Nahé méu kali nai ca anggit, tuka ca léléng, néka manga mésé-nai, maik réncéng koém kali agu ase-ka’e ata lénggé. Néka mésé nai po apa ata cetu’ungn!

1 KORINTUS 1:10

Asé-ka’én, aku toing méu le ngasang de Mori dité Yésus Kristus, kudut méu ca nai-ca nukm, agu néka manga biké oné méu, maik poro méu kali paka nai ca anggit, tuka ca léléngm.

2 KORINTUS 13:11

Cemoln ga asé-ka’é daku, nakam ga, wuli koé wekis kudut te ciri besik. Tiba koés sanggéd toing daku! Poro ca nai agu ca nuk koé méu, agu mosé ga oné hambor-libur, wiga Mori Keraéng pu’un momang agu hambor-libur te loréng méuy.

2 KORINTUS 2:3

Ai latang te hitu betuan surak daku olo, kudut émé maik aku, néka wéong kolék aku landing isé, kalim po isé ata paka pandé nisang nai daku. Ai imbi laku sanggés méu, te nisang nai daku cama kolé ného nisang nai de méu.

2 KORINTUS 7:7

Toé hanang ali cai diha, maik ali lémbu hitut tiba diha oné-mai bahi-réha méu. Ai hia poli tombo taung agu ami, latang te kembung de méu, gesar de méu, semengak de méu latang te kambé aku, wiga tambang kéta nisangn nai daku.

PILIPI 1:4

Cembes kéta nai daku oné néténg ngaji latang te sanggés taung méu.

PILIPI 2:16

ai méu ba keréba reweng ata téing mosé. Wiga aku ngancéng bombong-rak du leso cai kolén hi Kristus, ai toé oké bon nomber-dara agu ta’ong susa daku.

PILIPI 2:20

Toé manga cengatan kolé ata nai ca anggit, tuka ca léléng agu aku ata tu’ung-tu’ung kéta te nuk sékék de méu.

PILIPI 4:2

Enu Éuodia agu Sintikhé weta daku, méu paka nai-ca anggit oné Morin.

KOLOSÉ 2:5

Ai koném po weki rug aku toé manga oné bahi-réha méuk, maik oné naig aku cama laing agu méu kig. Nisang kéta nai daku te lélo mosé de méu hitut inos agu imbi de méu hitut mberes oné hi Kristus.

2 TÉSALONIKA 2:13

Asé-ka’én, ami paka wali di’a mtaung oné Mori Keraéng landing méu ata momang le Morin. Ai du toé di dédékn lino ho’o, Mori Keraéng poli pilé méu kudut selamak le gori de Nai Nggeluk ata pandé nggeluk méu te ciri paéng de Morin.

2 TIMOTIUS 1:4

Émé tenang laku ndurus lu’u matam, aku nanang te lélo hau kolék kudut mésén nisang nai daku.

FILÉMON 1:20

Itu tara le ngasang de Morin, campé agu pandé lémbu koé nai daku oné hi Kristus.

2 YOHANÉS 1:4

Nisang kéta nai daku, ai dumpu laku mangas iwod anakm ata mosé lorong ngoéng agu perénta ata poli tibad lité oné-mai Mori Keraéng Ema.

3 YOHANÉS 1:4

Toé manga nisang-nai ata céwé mésén latang te aku, po dengé te sanggéd ata lut aku mosé lorong perenta de Mori Keraéngs.