PILIPI 2:11 - Bahasa Manggarai New Testament

¹¹ Sanggéd taung isé, imbi te Hi Yésus Kristus hitu Mori, wiga bongn ngasang de Mori Keraéng, Ema!

PILIPI 2:11 ပူးပေါင်းရင်းမြစ်များ

MATÉUS 10:32

Céi-céing ata situt tiba Aku oné ranga de manusia, Aku kolé te tiba hiak oné ranga de Emag éta Surga.

LUKAS 2:11

Leso ho’o loas tu’ung te méu ata sambé, ngong hi Kristus, Mori, oné béndar di Daud.

YOHANÉS 12:42

Maik dod kolé oné mai isét tu’a ata imbi Hiad, maik landing lata Parisi, isé toé tura tulak, boto kenis.

YOHANÉS 13:13

Méu caro Aku Guru agu Mori, bo hitu lé’én, ai Guru agu Mori muingk Aku.

YOHANÉS 13:14

Jari, émé Aku waca wa’is, Aku ho’o Mori agu Gurus, émé nggitu méu kolé néng paka waca wa’i taus;

YOHANÉS 14:13

agu apa kaut ata tegi de méu le ngasang Daku, sendos Laku kudut Hi Ema bong oné Anaky.

YOHANÉS 14:23

Mai walé de Mori Yésus: “Émé ca ata momang Akuy, hia te lorong curup Dakuy, Ema Daku te mohas hiay, agu Ami te mai oné hiakm agu ka’éng cama laing agu hiakm.

YOHANÉS 17:1

Nenggituy curup de Mori Yésus. Itu kali congan nggere-éta awang, mai taéN: “Ema caig leson; bong koé Anakm, kudut Anakm bong itéy.

YOHANÉS 20:28

Mai walé di Tomas agu Hia: “Yo Mori agu Mori Keraéng daku.”

YOHANÉS 5:23

kudut sanggéd ata situt hiang hi Anak cama ného hiang hi Ema. Céing kaut ata toé hiang hi Anak, cama ného toé hiang hi Emay hitut wuat Hia.

YOHANÉS 9:22

Tara nenggitun tombo data tu’an, ai isé rantang ata Yahudis, ai isét Yahudi poli ce naid céing ata tura Hia hi Mésias, ata hitu néka ka’éng cama agu iséy.

TOMBO PÉTÉ GORI DE RASUL-RASUL 10:36

Hituy reweng hitut tombo Liha oné ata Israél, du Hia ba keréba hambor agu meler lut Mori Yésus Kristus, Mori de sanggén ata.

TOMBO PÉTÉ GORI DE RASUL-RASUL 2:36

Jari, sanggéd wa’u Israél paka getok kéta pecingd te Mori Keraéng poli pandé Mori Yésus hitut panggol de méu, ciri Mori Keraéng agu hi Kristusy.”

ROMA 14:11

Ai manga tulis: “Ata tu’ungn kéta, nenggituy curup de Mori Keraéng, sanggén taung ata te tikul bolo mai ranga Daku, agu bong Aku bolo-mai ranga de lawa do, ai Aku Mori Keraéng.”

ROMA 14:9

Ai latang te hitu muing hi Kristus poli matan agu mosé koléy, kudut ciri Mori data mata agu data mosé.

ROMA 15:9

agu latang te ngancéng sanggéd wa’u naring Mori Keraéngs landing le nabit Diha, ného manga tulis: “Landing hitu aku kudut naring Ité oné sanggéd wa’u agu déré mazmur latang te ngasang Dité.”

1 KORINTUS 12:3

Landing hitu, méu paka pecing te atat titong le Nai Nggeluk toé ngancéng taé: “Lésu hi Kristus hitu!” Nenggitu kolé toé manga cengatan ngancéng taé: “Hi Yésus hitu Mori Keraéngy,” émé ata hitu toé titong le Nai Nggeluk.

1 KORINTUS 15:47

Adam hiot laring cain dédék oné-mai tana agu ciri ného weki dité, maik Adam hiot te suan mai éta mai Surgan.

1 KORINTUS 8:6

Maik latang te ité hanang manga ca kanangy kali Mori Keraéng, Hi Ema, ata dédékd sanggéd cao-ca. Latang te Hiat ité moséd. Agu ca kanang kali Morin ngong hi Yésus Kristus, ata lut Hia sanggéd cao-ca poli dédék agu landing le Hia, ité moséd.

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

1 YOHANÉS 4:15

Céing ata imbi Mori Yésus hitu Anak de Mori Keraéng, Mori Keraéng nai ca anggit kin agu ata hitu, nenggitu kolé hia tuka ca léléng kin agu Mori Keraéng.

1 YOHANÉS 4:2

Nenggo’oy kudut pecing le méu Nai Nggeluk de Mori Keraéng: atat taé te hi Yésus Kristus mai oné lino agu ciri manusiay, hia hitu dé ata paéng Nai Nggeluk hitut widang de Mori Keraéng.

2 YOHANÉS 1:7

Do tuad ata nggopét agu ngo oné temu tana linos. Ata nggopét situ toé imbi te hi Yésus Kristus poli wa’un oné lino ba tara de manusia. Hitus dé ata bali di Kristus te pandé wéléng ata.

WIDANG SI’ANG ONÉ HI YOHANÉS 3:5

Céing ata ontong, ata hitu te paké le juba bakoky. Aku toé koso ngasang diha oné Buku Data Mosé. Aku kudut tura ngasangn oné ranga de EmaG agu oné ranga de sanggéd malékat Diha.