PILIPI 1:6 - Bahasa Manggarai New Testament

⁶ Weki run kéta Mori Keraéng ata pu’ungn gori hitu latang te méu. Itu tara imbin laku te Hia kolé te pandé ruda olon gori hitu dengkir du leso cai kolén hi Kristus Yésus.

PILIPI 1:6 ပူးပေါင်းရင်းမြစ်များ

YOHANÉS 6:29

Mai walé de Mori Yésus: “Ho’o kéta gori ata henan oné nai de Morin; méu paka imbi oné Hia ata wuat le Mori Keraéng.”

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 16:14

Cengata oné mai iné-wai situ, ngasangn hi Lidia, séngét koléy. Hia oné mai béndar Tiatira agu hia ata pika towé lango. Hia gejur kéta te ngaji kamping Mori Keraéng. Mori Keraéng céngka nai diha wiga séngét kéta liha situt tombo li Paulus.

1 KORINTUS 1:8

Hia kolé te pandé mberes méu dengkir agu cemoln, wiga méu toé manga celas du leso cai de Mori dité Yésus Kristus.

2 KORINTUS 1:15

Landing le imbi ho’o, aku tombo oné méu te manga dé’it get daku olo te ngo la’at méu, kudut méu ngancéng tiba widang te suangkalin.

2 KORINTUS 2:3

Ai latang te hitu betuan surak daku olo, kudut émé maik aku, néka wéong kolék aku landing isé, kalim po isé ata paka pandé nisang nai daku. Ai imbi laku sanggés méu, te nisang nai daku cama kolé ného nisang nai de méu.

2 KORINTUS 7:16

Aku nisang kéta naig, ai aku ngancéng imbi méu oné sanggén cao-ca.

2 KORINTUS 9:4

Kudut émé ata Makédonia mai cama laing agu akus, repéng laku te méu poli mengkeks, wiga ami toé ritak ali bombong rak dami hitu.

GALATIA 5:10

Imbi tu’ung laku, méu toé manga imbi cebanas ai poli nai ca anggit agu hi Kristus. Maik ata pandé karu-kak méu te tiba wahéngy, koném ného nia kaut ata hitu.

ÉFÉSUS 4:12

Pandé so’o Diha kudut jemut taung widang weki serani te gori keturu latangt Mori Keraéng agu te pandé téti étan weki di Kristus.

PILIPI 1:10

Landing hitu, méu ngancéng pilé nia ata di’an kudut nggeluk mosés agu toé manga celas du leso mai kolén hi Kristus.

PILIPI 1:29

Ai Mori Keraéng poli widangn oné méu, toé hanang latang te imbi oné hi Kristus, maik latang te cukung susa kolé latang te Hia.

PILIPI 2:12

Asé-ka’én, ata momang laku! Ného danong méu lorong mtaungm aku, landing hitu kong jepek kin selamak de méu ali jejer agu rantang Mori Keraéng, toé hanang ného du manga kig aku, maik céwén kéta ho’o ga du aku toé manga agu méuk.

PILIPI 2:13

Weki run kéta Mori Keraéng ata widang oné méu, ot téti nai ot ngancéng pandé cembes nai Diha.

PILIPI 2:16

ai méu ba keréba reweng ata téing mosé. Wiga aku ngancéng bombong-rak du leso cai kolén hi Kristus, ai toé oké bon nomber-dara agu ta’ong susa daku.

KOLOSÉ 2:12

Ai du cebong le waé serani, méu boak cama agu hi Kristus agu lut Hia méu to’o kolé lorong imbis oné kuasa de Mori Keraéng, hitut poli pandé to’o kolé Hia oné-mai ata mata.

TÉSALONIKA 1:3

Ai ami nuk mtaung gori de imbi, rébok de momang agu mésén bengkes de méu oné Mori dité Yésus Kristus olo-mai ranga de Mori Keraéng agu Ema dité.

2 TÉSALONIKA 1:11

Ai méu te téing hiang Mori Keraéng, landing hitu ami toé ké’ét ngaji latang te méu. Icin ngaji dami, kudut Mori Keraéng bénta méu te mosé lorong ngoéng Diha. Mori Yésus te pandé besik sanggéd gori lut ngoéng de méu.

2 TÉSALONIKA 3:4

Ami kolé imbi oné Morin, te apa ata pedé dami oné méu, paka pandés le méu.

FILÉMON 1:21

Ali imbi laku sundur de hau, itu tara tulisn laku surak ho’o. Ai pecing laku, ngancéng le hau pandén apa ho’ot tegi daku, ngot céwé do ata pandé le hau po oné-mai tegi daku.

IBRANI 10:35

Landing hitu, metek kin imbis, ai mésén lahén hitut ngai géréng.

IBRANI 12:2

Mait ga, mata dité paka jeténg nggere-oné Mori Yésus, ai Hia dé ata pandé kéngko agu tinu imbi dité pu’ung du wangkan dengkir agu cemoln. Mori Yésus poli ta’ong susa oné haju panggol. Toé rékéng Liha te mata oné panggol hitu pandé ritak laing. Nuk Diha kali cembes latang te mosé nggere-olon. Te ho’on ga, Hia lonto oné racap wanang seriga de Mori Keraéng kudut cama-cama cau adak.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

2 PÉTRUS 3:10

Leso de Morin rodo caiy ného ata takoy. Du hitu awang rencoy agu ngorong kéta runingn. Sanggéd ménan éta awang muntung taungs le api, lino agu sanggéd icin mora-meres taungs.