MATÉUS 9:8 - Bahasa Manggarai New Testament

⁸ Wiga ata do situt ita pandé hitu, rantangs, itu kali naring Mori Keraéngd ata poli téing kuasa nenggitu oné manusia.

MATÉUS 9:8 ပူးပေါင်းရင်းမြစ်များ

MATÉUS 12:23

Itug kali lenget kéta taung ata do situ, mai taéd: “Hia ho’o am Anak di Daud.”

MATÉUS 15:31

Wiga lenget kéta taungs ata do situ ai ita ata dopel ngancéng tombos, ata senggét inas, ata péko lakos, ata buta ngancéng itas, agu sanggéd isé, naring ngasang de Mori Keraéng data Israél.

MATÉUS 28:18

Mori Yésus mai ruis isé agu mai taén: “Oné Aku poli téing kuasa, oné Surga agu oné lino.

MATÉUS 5:16

Nenggitu kolé gerak de méu, néray olo mai ranga data, kudut itas lisé pandé di’a de méu agu bong ngasang Emam hitu éta Surga.”

MATÉUS 9:7

Itu kali to’on ata hitu agu kolén.

MARKUS 2:12

Agu ata hitu heséy, gélang-gélang téti brotongn agu ngo nggere-pé’angy oné ranga de lawa do situ, wiga sanggéd isé jenger taungs, og kali naring Mori Keraéng, mai taéd: “Pandé nenggo’o toé dé’it manga itan lité.”

MARKUS 7:37

Isé lenget agu nganga ca béka mu’ud agu mai taéd: “Hia pandé di’a taung sanggén cao-ca, ata nenteng pandé nilors Liha, ata dopel pandé curups Liha.”

LUKAS 13:13

Itu kali témba limén lobo inéwai hitu, agu du hitu kéta muing hesén inéwai hitu, agu bong Mori Keraéngn.

LUKAS 17:15

Cengata oné mai isé, du ita liha te hia poli inan, holés koléy, cang agu bong Mori Keraéngn agu reweng mésén.

LUKAS 17:18

Toé manga ata holés koléd oné mai isé, te bong Mori Keraéng be pé’ang mai hiat uku bana ho’o?”

LUKAS 18:43

Agu du hitu kéta muing, itag liha; poli hitu, lut Hiay cang agu bong Mori Keraéngn. Du lawa do situ ita tanda lenget hitu, sanggéd taung isé naring Mori Keraéng.

LUKAS 2:20

Itug kali koléd taung isét lami jimbal ga, cang naring agu bong Mori Keraéngd, ai sanggéd taung situt dengé agu ita disé, laingd taung agu apa situt poli taé agu isé.

LUKAS 23:47

Lété kepala de serdadu ita apa situt jari, hia bong Mori Keraéngy, taén: “Tu’ung kéta ata ho’o, ata molory!”

LUKAS 7:16

Sanggéd ata situ rantang da’ats, agu isé bong Mori Keraéngs, cang agu taéd: “Cengata nabi mésé poli mangan oné bahi-réha ité. Mori Keraéng mai ba te selamak ro’éngn.”

YOHANÉS 15:8

Oné apa ho’o te bong Ema Daku, ngong émé méu do wuas, agu ali hitu dé ga méu ata nungku Dakum.”

TOMBO PÉTÉ GORI DE RASUL-RASUL 11:18

Du dengén lisé tombo hitu, itus kali toé ngaokd, agu naring Mori Keraéngs, mai taéd: “Jari latang te wa’u bana kolé Mori Keraéng téing teser kudut titong nggere-oné mosé tédéng lén.”

TOMBO PÉTÉ GORI DE RASUL-RASUL 21:20

Dengé tombo hitus isé naring Mori Keraéngs. Og kali mai taéd agu hi Paulus: “Asé-ka’én, lélo dé, do kolé ata Yahudi poli imbid agu sanggéd isé seber te mo’éng wintuk Taurat.

TOMBO PÉTÉ GORI DE RASUL-RASUL 4:21

Tambang kéta cirangn ngerek disé kamping rasul-rasul situ, maik cemoln ga, lego kolés isé, ai lonto léok hitu toé manga ita salangn te wahéng isé, ai lawa-do naring Mori Keraéng lut tanda lenget hitut pandé di Pétrus.

2 KORINTUS 9:13

Ai méu poli ta’ong damang oné gori keturu hitu, isé bong ngasang de Mori Keraéng ali ita junggu de méu oné imbi Keréba Di’a di Kristus. Isé kolé bong ngasang de Mori Keraéng ali gawas de méu le pati sanggéd cao-ca oné isé agu sanggéd ata.

GALATIA 1:24

Itu kali isé bong ngasang de Mori Keraéng landing aku.

1 PETRUS 2:12

Di’a koé ba wekis oné bahi-réha wa’u situt toé pecing Mori Keraéngs, kudut émé pocu méus te méu ata pandé da’at, ngancéng ita kin lisé sanggéd pandé di’a de méu agu bong Mori Keraéngs du leso mai Diha.