MATÉUS 9:34 - Bahasa Manggarai New Testament

³⁴ Landing mai taéd ata Parisi: “Le kuasa de tu’a de jing da’at Hia tara ngancéngn mbérd jing da’at situ.”

MATÉUS 9:34 ပူးပေါင်းရင်းမြစ်များ

MATÉUS 10:25

Remo émé ca murid cirik cama agu gurun, agu ca mendi cirik cama agu Morin. Émé ata ngara mbaru caron lisé Bélzébul (tu’a de jing da’at), apan kolé isét ka’éng ca mbaru.

MATÉUS 11:18

Soho mai di Yohanés, toé hang agu toé inung maig taé disé: Hia hena le jing da’aty.

MATÉUS 12:22

Poli hitu dadé lisé oné Mori Yésus cengata ata rasung le jing da’aty. Ata hitu buta agu dopely, mai Mori Yésus pandé inay wiga hiat dopel hitu ngancéng curupy agu ita atay.

MATÉUS 12:27

Jari, émé Aku mbér jing da’at le kuasa de Béélzébul, le kuasa diongs ata lut méu mbér hia? Landing hitu iséy ata ciri bicar laing méu.

MARKUS 3:22

Agu isét pecing Taurat ata mai oné mai Yérusalém, taéd: “Hia koro le Béélzébul, agu le kuasa de tu’a de jing da’at hia mbér jing da’at.”

LUKAS 11:15

Maik manga oné mai isé ata curup: “Hia mbér jing, le kuasa de Bélzébuly, tu’ad jing da’at.”

YOHANÉS 3:20

Ai céing kaut ata pandé da’at, kodoy lisé gérak agu toé mai oné gérak hitus, kudut sanggéd taung pandé da’atd situ toé haéng le géraks;

YOHANÉS 7:20

Mai wantil data do situ: “Hau hena le koro de jing da’at; céingy ata kudut te ala Hau?”