MATÉUS 9:2 - Bahasa Manggarai New Testament

² Itu kali berotong lata cengata ata péko wa ranga Diha ata ngai halas kin oné wongkan. Du ita le Mori Yésus imbi disé, mai taén ngong ata péko hitu: “Imbi kaut le hau anak, ndékokm polisg ampongd.”

MATÉUS 9:2 ပူးပေါင်းရင်းမြစ်များ

MATÉUS 14:27

Maik gélang-gélang Mori Yésus taé agu isé: “Néka simpung! Aku ho’o, néka rantang!”

MATÉUS 4:24

Wéron ngasang Diha labok tana Siria, dadé néng lisé nggeroné Hia sanggén ata so’ot riwi-rowos, ata so’ot beti da’at, ata iling le jing da’at, ata beti le ru’u mona, agu ata péko, mai Mori Yésus pandé ina taungs.

MATÉUS 6:12

Agu ampong koé ndékok dami, ného ami ampong ata pandé sala agu ami;

MATÉUS 8:10

Du dengé le Mori Yésus reweng de serdadu hitu, lenget kétay agu mai taén ngong isét lut Hia: “Moro matan, imbi mésé ného nggo’o toé dé’it dengé Laku oné mai ata Israél.

MATÉUS 8:16

Du wiég tana, dadé dod ata nggeroné Mori Yésus, ata hena le jing da’at, maik ca mu’u kaut curup de Mori Yésus mbér jing situ, agu pandé ina isét hena le beti situ.

MATÉUS 9:22

Og holés nggere musin Mori Yésus agu lélo hia, mai taéN: “Mberés kaut naim anak Daku, le imbim tara selamak laing hau.” Pu’ung nitu main ina muing beti de inéwai hitu.

MATÉUS 9:5

Nia ata céwé émongn; taé: Polisg ampongd ndékokm, ko taé: To’oh ga, agu lakoh ga?

MATÉUS 9:6

Maik kudut baé le méu, te oné lino ho’o Anak Manusia manga kuasan te ampong ndékok.” Mai taén ngong ata péko hitu: “To’oh ga, ba wongka tokom agu kolé mbarum!”

MARKUS 1:32

Du manég tana agu kolepg leso, dadé lata nggere-oné Mori Yésus sanggéd ata beti agu ata hena le jing da’at.

MARKUS 10:49

Itug kali asin Mori Yésus agu mai taén: “Bénta hia le méu!” Og béntan lisé ata buta hitu agu mai taéd ngong hia: “Mberes koé naim, heseh ga, Hia bénta hauy.”

MARKUS 5:34

Mai taé Diha ngong inéwai hitu: “O anak Daku, le imbim tara di’am hau. Koléh ga agu nisang naim, ai poli inan betim!”

MARKUS 6:50

ai sanggéd isé ita kéta taung Hia, agu isé rantang taungs. Maik gélang-gélang mai taé Diha ngong isé: “Néka simpung! Aku ho’o, néka rantang!”

YOHANÉS 16:33

Sanggéd situ taé Laku agu méu, kudut méu delék hambor agu meler oné Aku. Oné lino ho’o méu cukung kélo-balém, maik mberes koé nais, Aku poli pandé kodan lino ho’o.”

YOHANÉS 2:25

Agu ali toé cedekn can koé ata téing sakasi agu Hia latang te manusia, ai pecing Liha apa ata mangan oné nai de manusia.

YOHANÉS 21:5

Mai curup de Mori Yésus agu isé: “Oé asé-ka’én manga deléks méu ko?” Mai walé disé: “Toé manga o Ité.”

TOMBO PÉTÉ GORI DE RASUL-RASUL 14:9

Hia séngét hi Paulus hitut lari tombon. Lélo di’a-di’a li Paulus agu ita liha manga imbin agu ngancéng pandé inan.

TOMBO PÉTÉ GORI DE RASUL-RASUL 19:12

ngot ba kaut sapu-soé ko towé ata poli dé’it paké li Paulus agu témba oné sanggéd ata beti, mora taungs beti disé agu pé’ang taungs jing da’at.

TOMBO PÉTÉ GORI DE RASUL-RASUL 23:11

Ného diang wién, Mori Yésus mai hesé lupi hia agu mai taén: “Pandé mberés naim, ai ného ranim hitu poli téi saka-si latang te Aku, oné Yérusalém, nenggitu kolé hau paka saka-si oné Roma.”

ROMA 5:11

Toé hanang hitu kanang! Ité ngot angos oné Mori Keraéng lut hi Yésus Kristus Mori dité, ai lut Hia ité te ho’on poli tiba hambor hitu.

JAMES 2:18

Maik aram manga ata taé nenggo’o, “oné méu manga imbi agu oné aku manga pandé”, aku te walé hia hitu, “toto damang oné aku imbim hitut toé loréng agu pandé, kudut aku toto oné hau imbi daku oné-mai sanggéd pandég.”