MATÉUS 9:18 - Bahasa Manggarai New Testament

¹⁸ Lari curup nenggitun Mori Yésus agu isé, mai cengata kepala sinagoga suju wa ranga Diha agu mai taén: “Anak inéwai daku itu koé di rowan, landing weli ga, mai koét Ité agu témba liméd oné hia kudut mosé kolé.”

MATÉUS 9:18 ပူးပေါင်းရင်းမြစ်များ

MATÉUS 8:2

Itu kali main cangata ata boké wa ranga Diha, suju agu io Hiay agu mai taén: “Mori, émé gorid ité, pandé ina koé beti daku.”

LUKAS 13:14

Maik hiat tu’a laingn mbaru ngaji, rabo da’aty, méséng Mori Yésus pandé ina ata du leso sabat. Maig taén ngong ata do: “Manga enem leso te gori, landing hitu, mai kaut ca leson te pandé di’a, néka du leso Sabat.”

YOHANÉS 11:32

Du cain hi Maria oné osang nia mangan Mori Yésus agu ita Hia, hi Maria cunem wa wa’i Dihay agu mai taén ngong Hia: “Mori, émé manga dé Ité du hitu, toé manga matan nara daku.”

MATÉUS 9:24

mai taén: “Pé’angm ga, anak koé ho’o toé matay, maik tokoy.” Maik isé tawa Hias.

TOMBO PÉTÉ GORI DE RASUL-RASUL 13:15

Du poli bacang oné mai Wintuk Taurat agu surak de sanggéd nabi, isét wintuk laing oné mbaru ngaji réi agu isé: “Asé-ka’én, émé manga tombo oné mai méu, kudut pandé mberes ro’éng so’o, tombo ga!”

YOHANÉS 11:25

Maig walé de Mori Yésus: “Akuy to’o agu mosé, céing ata imbi Akun hia te moséy, koném poli matan,

LUKAS 18:18

Manga cengata ata tu’a laingy, réi Mori Yésus, mai taén: “Tuang Guru ata di’a, apa kétay paka pandé laku te haéng mosé tédéng lén?”

LUKAS 7:2

Nitu manga cengata kepala serdadu, ata manga mendin hitut momang kéta liha. Mendi hitu rémé beti mésén, agu tiong te matay.

MATÉUS 28:17

Du ita Hiad isé, suju Hia, maik manga pisa taus ata sesenga’is.

MATÉUS 17:14

Du Mori Yésus agu ata nungkun ngo kolé oné beréha ata do situs, maiy cengata ata cumang Mori Yésus agu io liha,

MATÉUS 15:25

Landing inéwai hitu mai ruis agu suju Hia mai taén: “Mori, campé koé aku.”

MATÉUS 14:33

Agu sanggéd isét oné wangka suju Hias, mai taéd: “Tu’ung-tu’ung kéta Ité Anak de Mori Keraéngt.”

MATÉUS 20:20

Itu kali maig endéd anak di Zébédéus cama agu anakn oné Mori Yésus, itu kali suju wa ranga Dihad te tegi cao-ca agu Hia.

MATÉUS 8:25

Og kali mai data nungkun te kéngko Hia, taéd: “Campé Mori, copél tité ho’o ga.”

MATÉUS 9:17

Nenggitu kolé anggor weru, toé loli nggereoné kandi luit manga, ai émé nenggitu, betéy kandi hitu wiga anggor situ oké taungy, agu lewes bon kolé kandi hitu. Landing anggor weru na’a lata oné kandi weru kolé wiga ali hitu meler kid isét sua.”

MATÉUS 9:19

Og ngon Mori Yésus cama laing agu ata hitu agu ata nungku Diha.

TOMBO PÉTÉ GORI DE RASUL-RASUL 28:8

Du hitu ema di Publius halas kin ai pémpang agu ru'u lampék. Ngo hi Paulus oné lo’angn, hia ngajiy, agu témba limén lobo hia agu ina muing hia.